salamat

Minsa'y nasasaktan at nahihirapan
Minsa'y lumuluha, nag-aalinlangan
Minsa'y naisip nang sumuko sa laban
Hirap na hirap na lugmok na katawan.

Magkagayon pa ma'y naririto pa rin
Nakatayong matibay sa gitna ng dilim
Kahit na pagal na isip at damdamin
Heto't nakangiting lumalaban pa rin.

Kaya PANGINOON salamat sa lahat
Sa mga pagabay at mga pagyakap
Sa IYONG pag-ibig na s'yang lumilingap
Sa pusong sugatan at nasaktang ganap.

-genalyn caguimbal