Para Sa Aking Kapatid

A Poem by Eiram

Tula na first time may kinalaman sa personal kong buhay.

Para Sa Aking Kapatid

I.
Ikaw at ako pareho ng pinagmulan
Iisa ang ating mga magulang
Magkalayo man ang ating mga tirahan
At kahit iba ang iyong kinalakhan
Hindi ka nakakalimot sa iyong pinanggalingan

II.
Ikaw at ako malaki ang pagkakaiba
Sa ugali, relihiyon, at maging sa pananamit o pagporma
Ikaw ay kilos dalagang Pilipina
Ako naman kung minsan ay parang babaeng amazona
Pero kahit ganoon mas madalas na magkasundo
Kahit kung minsan ay nagkakaroon din ng kaunting pagtatalo

III.
Ikaw ay malambing ngunit mababaw ang luha
Ako naman ay medyo barako at bihirang lumuha
Ikaw ay matipid ngumiti o magsalita
Ako naman ay si halakhak at kapag dumaldal walang ubos at walang sawa

IV.
Kahit sa mga hilig hindi nagkakalayo
Mahilig magsulat ng kahit ano
Mahilig sa musika at kumanta
Pero kapag ibabahagi na sa iba
Parehong nahihiya

V.
Magkaiba man ng gusto sa mga paboritong anime, movie at tv drama
Pero kung minsan parehong sangayon kung palabas ay maganda
At sa ilang hilig gawin ay mayroon din pagkakaiba
Ikaw ay mahilig magbasa
Ako naman mas mahilig ang manuod at pangalawa ang pagbabasa

VI.
Sabi ng ating ina, pareho naman magkalayo
Pero kung minsan mga ugali ay nagkakapareho
Siguro dahil nga tayo ay magkadugo
Magkadugtong ating mga isip at puso
Kahit tayo ay magkalayo

VII.
Hindi man sabay na lumaki
Ngunit maganda nating samahan ay hindi maitatanggi
Mapaumaga hanggang halos magdamagan
Tayo ay laging magkatsikahan
Kung kaya naman
Tayo ay parehong napapagalitan

VIII.
Marami pa sanang nais sabihin
Pero kailangan ng tapusin
Alam naman natin
Ang tunay natin mga damdamin
Kahit na ito ay hindi bigkasin
Mga puso natin
Ang nagdurugtong sa atin