Sa Muli Mong Pagbalik

Poetry of love written in Filipino.

Gisingin nawa ang puso
mula sa pagkakahimbing,
kasabay ng diwang humimlay
sa oyayi ng pangungulila.

Pawiin ng mainit na palad,
bakas sa mukha ng luhang nanuyo
dala ng pagtangis, sakit, at hapis;
alimpuyo ng masidhing pagtatangi.

Timyas ng 'yong ngiti
sa harap ng hubad kong mga mata;
simbuyong tutunaw ng pait,
hangad kong mamasdan-

Kariktan ng' yong mukha.

Sa bagong umagang taglay -
kalayaan ng puso mo't
karilagan ng 'yong pag-ibig;
Ako' y mumulat lamang muli.

Ako'y iyong gisingin.