Sannate ka shor

Aj fir se wahi rat aai hai.

Fir se wahi dar wapas aa rha hai.

Kaisa Dar??

Is raat k andhere se ya apne bheetar ke andhere se malum nai.

Jaise hi rat gehri hone lagti hai, ek ajib sa gandh pure kamre me fail jati hai ….

Ye ghadi dekh rahe ho na, iske kante ki har ek tik-tik se Us ki yadon ka jeher fail jata hai.

Har rat wahi badboo, dam ghutta hai.

To kamre se bahr nikal jao, bhag jaooo

Kaha kaha bhagoo, ye pichha hi ni chhorti .

 Lagta hai ye gandh mere hi andar se nikal rahi hai..

Dimag me ek koodon ka dher bhara hai, wahin kisi kone k pas pare ek bore me kass k bandhi hui kuchh lamhon ki yadein pari hai… 

Sari badbu wahi se aa rahi hai…

To apna dimag saaf q ni kar lete.

 Tumara hi failaya hua gandh hai, tumhe hi saaf karna hoga.

Uthao apne us bojh ko jor laga kar, apni sari taaqat samet kar aur use kahin door phenk aao.

Bhut himmat karke us bore tak pahucha, jane kya dikha, 

Sayad koi purana khwab tha jo humne milke kabhi dekha tha. 

Par wo betartib dhang se ghayal pari thi, har jagah bas usi ghadhi ke kaante ke Nishan the. Waqt ne Noch kharoch k un khwabon ko itna khaufnaak bna diya gaya tha ki munh fer lena pare. Ankhon me ajib se jalan hone lagi, aur najar dhundhli se lagne lgi. Ek boond ‘taap’ se ankhon se meri hatheli pe gira. 

Kya ye ansu they.

 Par mujhe to rona ni aata. 

Lagta hai aj sikh hi liya.

Fir apni sari taqat lagakar us bore ko uthaya aur jitni dur ho sake fenk diya..

Aaj sayad main khuli hawa mein saans le paunga.

Aj bhi ghari usi tarah ‘tik-tik’ kar rahi thi. Par aj kuchh halka sa lag rha tha.

Jaise koi bojh utar gaya ho.

Par ab charo aur bas sannata pasra hua tha.

Mujhe to yahi chaiye tha.

To fir ab iss sannate se dar q lag rha hai??

Agar dimag ka bojh utar gya hai to dil q bhari hai tumara??

Samajh ni aa rha , is bat ka khusi manau ki aj main apni un yadon se dur chala aya ya is bat ka ghum ki is chhakar me khud ko bhi wahin chhor aya.

Main wo q ni jo pehle tha.>??

Qk insan bina yadon ke zinda laash ban jata hai.

Har insaan apne kandhon pe apna hi laash liye chal raha hai, bas dho rha hai.

Par nahi main khud ko laash nahi banne dunga.

Main us insan ko wapas lekar aunga jo un yadon ke sath hi chala gaya tha.

Use wapas launga, pani k chhite marunga, hosh me  launga, apne samne bithaunga aur bat karunga.

To kya bat karoge apne beetey hue kal se..???

“Yahi ki tum kahan ja rahe ho??, kiske pichhe bhag rahe ho…. 

Ek pal k liye ruko aur apne aas pas dekho. 

Tum jis yadoon k gathri k sath ja rahe houske alawa bhi bhut bari duniya hai.

Jise tum sath leke chal rahe ho usme bas tumhari buri yadeein bhari pari hai. 

Lekin apne aas pass dekho. 

Bhut si achhi yadein v dikhengi.

Patjhaad ka Mausam dekhe ho na, niche kitne sare phool patte gire rahte hain unpe kisi ka dhyan nai jata .

 Tumhari achhi yadein usi ki tarah bikhri pari hain.

 Ek ek karke chuno aur use apne bakse me band karo aur laut aao.”

Bhut kosis ki , bhut ratein beeti, par aj jab main wapas aya to us bakse se gandh ni aa rhi thi… Khusboo thi humari un yadon ki jo humesa se thi par humne kabhi dhyan ni diya …

Rat to aj bhi Andheri hi hai…

Ghar ki sui fir se usi tarah ‘til-tik’ kar rahi hai par aj dar nahi hai. 

Pure kamre me fir se taaji hawa thi .

 Ab khul k saans le paa rha hun. 

Jab bhi dar lagta hain ya andhere ka sannatta shor karne lagta hai, bas ankhein band kar usi bakshe ko kholta hun aur sab thik ho jata hai….

Sab thik ho jata hai….

Ghadi ki us ‘tik-tik’ pe bharosa rakho..

Wo sab theek kar degi.

 

 

 

Author's Note

Only for hindi language readers.

Reviews

[Abhishek Asthana]

You are being so cool and subjective with your story-telling ... Some of the lines are so blunt and dialogues are so straightforward that simply allows reader to connects with the intensity of the satire and that is actually the soul of this write... Brilliantly written and moreover i would say it can be seen as a stage-play since it the central idea of this is so truthful !!

Glad to read your short-story after a long time. Keep writing and keep going bro !! " SANNAATE KA SHOR "

[Pragati Chaudhary]

Thats so beautiful and true.
we ought to move forward in Life but at times, we cant. we think of many things and we are unable to satify ourselves. Bhoj toh vahi hai jo bhoj na lage.
It reminded of many things at the same time. I loved it. keep writing!