Chand Khidki par

This poem is a emotions of a lover towards his beloved as he see moon in the sky from his window

Jaise hi palang par leta hun abhi

Laga jaise chand khidki par aaya ho tabhi,

Thandi-thandi hawaien bhi ruk kar meri khidki par

Apni nami se baten kar rahi hain

Dabe lfjon ki fusfusahat kanon ko sahla gayi hai abhi

Laga jaise chand khidki par aaya ho abhi.

Kuchh apnepan ka sa ahsas hua hai abhi

yun chand ki chandani mere sapne ko sahala gayi ho abhi,

laga kisi ne chand ki roshni main koi sandesha bijvaya ho abhi

Laga jaise chand khidki par aaya ho abhi.

Itni sunhari rat hai sitare bhi tak rahe kanakhiyon se meri khidki ko hi

Yun pad lena chahate hon mere sapne, chandani sandeshe ko abhi,

Chaukanna sa hun ki vo shabdon ki potli bikhar na jaye abhi

Sanjo lena chahta hun unhen man ki gahraiyon me kahin

Laga jaise chand khidki par aaya ho abhi.

Band kar palaken jb dekhta hun main fir abhi

Laga jaise uski nigahen aa gayi hon khidki par chand ban kar tabhi,

Jee chahata hai ud jaun pankh laga kar usi taraf main besakhta

Jidhar se vo roshni sandesha laayi hai abhi

Laga jaise chand khidki par aaya ho abhi.

Reviews

[¿]

Mmm....badi khubsoorati se chand ko nihara hai aapne kawita ke madat se!!
Ek suggestion hai...aapne paanchve line pe jo salha likha hai aur aanthve line pe jo sahala likha hai woh agar "sehla" accha jayega....baaki aapne itni acchi likhi hai toh thanks toh banta hai....thanks for sharing☺!

[Chanda Arya SUHANSI]

Thanks for appreciation

[¿]

Heartedly welcome😊!