Magnum "Upos"

Philippine war on drugs in a nutshell

Isang alok na kinapitan nilang uhaw sa kapayapaan

Biglang dagok ang kapalit silang ng kapabayaan

Tangan ang pulbura sa magkabilang kamay na bakal

Tugon ay pagbura sa kanilang biktima ng bintang

Sakdal sa binatang ninais maging kawal

Sakal na inatang bunga ng mga maling paratang

At umagos ang pawis kasabay ng dugo,

Sa pagsalag ng balat sa mga rumagasang tingga

Bawat paglatag sa katawang sumasagasa sa bala,

Katumbas yaring ginto na tutugon sa gigil nilang laman

Gantimpala siyang ganti sa paggahasa sa bayan

Pagkumpas wari'y walang hinto sa pagkitil ng walang laban

Lahok sa digmaang may maling katunggali

Walang panalo sa hidwaang pareho ang sawi

Pagkunsinti ay gasolina sa sumisiklab na apoy

Pagkundena sa mali na ang magsisilbing taboy

Pinakamabisang armas ay boses na walang tigil

Tinig na magliligtas sa bayang sinisiil.

Author's Note

my piece on our country's approach on illegal drugs
Filipino "tagalog" reviewers, I used a few anagrams, multi syllabic rhymes and a dynamic/ "loose" rhyme scheme. any filipino around pls give it a read, and reviews are encourage.