luha

Sa iyong pagpatak ako'y naguluhan
Bakit dumadaloy? Anong pinagmulan?
Ano ba ang sanhi't ikaw ay nariyan?
Saan nagkukubli kung hindi mamasdan?

At kung nasasaling ang mga damdamin
Tiyak na babagsak kahit na pigilin.
Maging ito'y tuwa, hiya, suliranin
Ika'y nagbabadyang hindi napapansin.

Gabutil na perlas ang iyong katulad.
Perlas ng tungkuling nasa 'yong balikat.
Ang bukas na mata'y iyong hawak hawak.
Kung minsa'y dala mo ulap sa pangarap.

Isinulat ni Genalyn Caguimbal
Iginuhit ni Jhon Angelo San Pedro