Kya tumhe bhi mujhse pyaar hai

It's a Hindi poem but I am writing it in English because when I tried writing it in Hindi it showed some errors.

Wo lamha sonche,
Ya us ghari ka intezaar kare,
Palke bichhaye Teri raah dekhe,
Ya chatak sa amavas raat mein tujhe talashe,

Hamare sune aasman mein tum jo taare ban aati ho,
Hamare sukhe baagon mein tumhari muskan jo barkha lati hai,
Hamari sadgi mein tumhari mulakat jo apni khushbu chhor jati hai,
Hamare thame dil ki dastak par tum jo dharkan ban basti ho

Har lamha ab tere naam kiya hai
Kabhi padh kar dekh dil ke har panne par tera naam likha hai
Har chahat mein tujhko chaha hai
Har mannat mein tujhko manga hai

Mere dil ki ye jo chahat hai
Lo aaj main tumse bayan karta hun
Tere palkon ki ye jo aahat hai
Kya inme main bhi kabhi rehta hun

Mere dil ki chahat ab ban bechaini
Khatkhatati tere dil ke dwar hain
Dekho kaise puchhne aayi
Kya tumhe bhi mujhse pyaar hai?