Kuch Panne Zindagi Ke

This poem tells a short storyline about poet.

Kuch Panne Zindagi ke

Kuch raatein jo kaati hai

Kisike muraad mein to kisike vishaad mein

Kuch yaadein jo rulaati hai

Kisike chaah mein to kisike panaah mein

Yahi hai kuch panne zindagi ke

Thodese suljhe, thodese uljhe.

Kuch chehron par nakab the

Jo waqt ke saath utar gaye

Kuch baseron par daag the

Jo gawaahi dene se mitt gaye

Yahi hai kuch panne zindagi ke

Thodese meethe, thodese kadve.

Kuch kisso ke kirdaar ab

Puraane ho gaye hai

Jinhone kabhi hume thukraya tha

Aaj  manaane lag gaye hai

Kuch dost hai pyaare se

Par ab woh jataane lag gaye hai

Kuch yaar hai barso se

Jo bina vaade kiye bohot kuch nibhaane lag gaye hai

Yahi hai kuch panne zindagi ke

Thodese suhaane, thodese viraane.

Kuch khwaabon par umeed hai sach hone ki

Kuch baadalon par mureed hai jam ke barasne ki

Chahat to bohot hai kar guzarne ki

Bas ab sawaabon ki der hai nisaar hone ki

Yahi hai kuch panne zindagi ke

Thodese poore, thodese adhoore.

By Mihir Vyas.

Author's Note

Guys do give your valuable feedback down it will help me in improving my aspects of writing poems.