"Ikaw Parin Pala, Pero "A Poem by Yassi AsherIkaw tula para sa mga taong nagmahal, iniwan at hindi makawala sa kahapong dapat sana ay nilisan na...Sana'y magbigay aral ito sa inyo at ng matauhan naman kayo...joke!“Ikaw Pa rin Pala, Pero” (Spoken Word
Poetry) By Elai P. Arong
Hindi ko na
maalala kung kailan ako huling nagmahal Kasi ang
alam ko lang, hanggang ngayon iisang pangalan parin ang nilalaman ng aking
puso’t isipan Ikaw at ikaw
parin o aking hirang Apat na taon
na ang lumipas pero hindi
ko akalain na sa hinaba-haba na ng panahon pag-ibig ko
parin sa iyo ay hindi kumukupas Hindi ko
lubos maisip na ang pansamantalang paglimot ko sa’yo ay mauuwi sa
walang katapusang pagpapapanggap pagpapanggap
sa katotohanan na kahit nagtapos na ang kung anong meron tayo ay kakayanin
at makakalaya ako, makakalaya
mula sa pagkakakulong sa nakaraang dapat ay ibinaon nalang sa limot, dahil sa
huli at sa huli’y dadanasin ko parin ang pait at sakit ng kahapon.
Akala ko’y
gano’n lang kadali Ang itapon
ang lahat na binuo ng isang animo’y dakilang pagmamahalan Na pilit
kong ipinaglaban, nilimot, isinugal ang lahat lahat Ngunit ito
pala ay nababalot ng kasinungalingang hindi dapat tularan. Masakit man ay
pinilit kung iwaglit sa isipan ang lahat lahat ng sa atin ay namagitan nagtatapang-tapangan
at nagtitigas-tigasan sa pag-aakalang sa pagtatapos natin ay uuwi kang talunan at ako ang tatanghaling
panalo sa laban. Ngunit nagkamali
ako, kasi sa huli ay talunan pa rin ako. Ikaw pa rin
pala kahit ang ikaw at ako ay malabo na magkatotoo.
Makailang
ulit ko nang sinubukang magmahal muli Pinilit buksan ang nakasarado kong puso at
iniwang nakalapat ang susi sa tabi nito Nagbabasakaling
sa pagkalas ng tanikala na nakagapos sa bukana ng pinto Ay muling
matatanaw ang pagbubukang liwayway, sisibol ang bagong pag-ibig na minimithi ng puso, Ngunit hindi
naging matagumpay ang hangganan ng lahat Ang ninanais
na pag-ibig na sa akala’y magtatagpuan ko rin sa iba Ay mauuwi
lang din pala sa wala. Ikaw pa rin
pala kahit dapat sana ay iba na.
Alam mo bang
sumulat ako ng talaarawan? Isinulat ko
ang bawat pangyayari na kasama kita.
Malamang
alam mo dahil makailang ulit ko iyong binasa sa harap mo mismo. Tanda ko pa
ang mga ngiti mo, humahagikhik ka sa saya, humahalakhak sa tuwa ang sarap-sarap
mong pagmasdan na sana’y wala ng katapusan. Masaya hindi ba? Kinaiinggitan tayo ng iba
dahil sa halos perpekto nating pagsasama Pero biglang
nagbago ang takbo ng mundo nating dalawa. Ang dating
masaya ay napalitan ng dilim, lungkot, pighati at pagdurusa Bumitaw ka
sa mahigpit na kapit nating dalawa, Kay daling
nilimot ang lahat lahat, winalang halaga ang itinatag na pagsasama. May dahilan
na sana para kamuhian kita May dahilan
na sana, Pero bakit kahit ang sama-sama mo na sa
paningin ko ay hindi ko
magawang limutin ang isang tulad mo? Ikaw parin
pala kahit ang tanga-tanga ko na.
Naaalala ko
pa nung huli kong binabagtas ang daan papunta sa mga lugar na naging bahagi ng ating nakaraan Oo aaminin
ko? Nakikita
parin kita sa kahit saang sulok ng pasyalan. Nakikita ko
kung paano mo hinawakan ang kamay ko na para bang
ayaw mo nang kumalas sa pagkakahawak nito. Naalala ko
pa kung paano mo hinahawi ang buhok ko na parang ako lang ang nakikita mo. Naaalala ko
kung paano mo hinalikan ang noo ko
na para bang ako lang ang mahalaga sa’yo. Ginugunita
ang bawat halakhak na pinagsaluhan Ang bawat
pangarap na sabay na binuo ng kapalaran Natupad nga
ang lahat pero hindi ang katotohanang Ang tagumpay
ko ay dapat din sanang tagumpay mo.
Ang mga
alaalang ito ay magsisilbing kape ko nalang sa gabi na hindi
magpapatulog sa’king guni-guni Gigising sa
aking diwa, tatagos sa aking puso at mag-iiwan
ng sugat,peklat,pilat, pilas at delubyo at kahit halos
hindi na ako makahinga, Ikaw pa rin pala
kahit ang sakit sakit na.
Sa tuwing
nag-iisa, aaminin ko ma’t sa hindi ay lihim mong
nasasaktan ang puso ko sinta. Bumabalik
ang dati na dapat sana ay tapos na Naaalala ang
mga katagang sa pag-aakalang ang mga
pangako mo ay hindi mapapako sinta Kasi nangako
ka sa’kin, hindi ba? Pero bakit mahal,
ang mga pangakong iyon ay tinupad mo sa iba? Ewan ko ba! Tanga
na kong tanga! Ikaw pa rin pala kahit na dapat sana’y ayoko
ko na.
Isang araw
pa,habang ako ay nakahiga sa kama Pilit na
pinapasaya ang sarili na bagot na bagot na at walang magawa Ay napili pa
ng tadhanang pagtripan ang aking pag-iisa Biglang tumugtog
ang awitin na paborito nating dalawa Nakatulala,
naalala ka na naman sinta! Bakit kahit anong
limot ang gawin ko ay hindi ko magawa. Para kang
isang linta na patuloy na kumakapit sa puso ko at hindi makawala Gustuhin ko
na sanang lumayo upang hindi ko na marinig ang kanta Pero hindi
ko na namalayan na ang awitin na ayaw ko sanang marinig Ay natapos
kong pakinggan. Tapos na ang
kanta, Tapos na. Tulad ng dati
na mayroon tayong dalawa Kay bilis,
kay ilap ng tadhana Kung gaano
kabilis ang paglisan mo sa buhay ko, ay ganu’n
din kahina ang proseso ng paglimot ko sa’yo. Ikaw pa rin
pala kahit dapat sana ay limot na kita.
Muli na
namang naglalaro si tadhana Bumalik ka
na parang wala lang nangyari sa ating dalawa. Sapilitang inayos
ang pira-pirasong bahagi ng nakaraan pilit
binuklat ang pahina ng kahapon na hindi na dapat sana pang binalikan Kasi kapag
nasimulan muli at bumalik sa dati ang lahat ay babalik
muli sa umpisa ang lahat-lahat. Masaya, walang katapusang ligaya, papangarapin
muli ang buhay na makasama ka hanggang sa huling hininga na para bang
sa kabila ng anumang unos at pagsubok na susubok sa katatagan nating dalawa ay mananatili
ka at hindi matitinag, tatayo at hindi yuyuko Dahil yun
ang sabay nating pinangako sa isat-isa, hindi ba? Ang hindi sumuko,
ang lumaban at huwag bumitaw Mahal naman!
Bakit naging mahina ka? Lahat- lahat
yata ng sinabi mo ay kinain muna.
Tumalikod
kang bigla na kahit sa konting paglingon man lang ay hindi mo ginawa. Ang pag-ibig
ay minsan din palang nakakatanga, Dahil gaano
man kasakit at kahaba ang ibinaon na patalim sa puso iyong sinta Ay
magpapakatanga ka,kahit kotang-kota ka na. Ikaw pa rin
pala, na dapat sana ay sinukuan na kita.
Ngunit isang
araw ay nabagok ang ulo ko, tumagos sa isip ko, natauhan, nagising at
natuto na ang
mahalin kang muli ay walang kasiguraduhan, na ang
mahalin kang muli ay isang katangahan, na ang pagbibigay
ng isa pang pagkakataon ay kailanma’y hindi mabisang sagot upang pulutin ang lahat ng naitapon na hindi sa
lahat ng panahon ay ganoon na lamang kadali ang paghingi
ng ikalawang pagkakataon Panahon na
para itama ang mali, Panahon na
para buuin at hanapin ang naligaw na sarili Ang sarili
na nawala nung makilala kita. Ibabalik ang
dati na walang ikaw sa piling ko sinta. At tuluyan ng
bumitaw, totohanin ang pamamaalam Susuwayin ang
nais ng puso at paiiralin ang sinisigaw ng isip. Iisipin ko
nalang na ito ay isang masamang panaginip, na sa
paggising ko ay magiging maayos ang lahat. Kaya kahit
ikaw parin sinta ay sasanayin ko na ang aking sarili. Paulit-ulit
na gagawin ang mga nakasanayan ko dati at nanaisin ang maging makasarili. Ipipikit ang
aking mga mata,pipiliting kalimutan ka. Pupunitin
ang bawat pahina ng aklat ng aking buhay na kung saan ay kasama ka. Itatapon at
lilimutin ang lahat-lahat Magpapakatatag
kahit na mahina’t marupok ako. Alam kong
mahirap, Alam kong masakit
ngunit alam kong ito’y sa umpisa lang. Ngayon ay
pipiliin ko na ang pinaniniwalaan kong tama, At gagawin
ko ang huling pagpapakatanga, Oo! Ito na
ang huli kong pagpapakatanga! Mamahalin
kita sa huling tingin, mamahalin kita sa huling yakap at higit sa
lahat mamahalin kita sa ilang segundo, pero pagkatapos nito, pangako ay bibitaw na
ako. Ikaw pa rin
pala… pero pagod na ako. © 2017 Yassi Asher |
StatsAuthorYassi AsherLapu-Lapu City, Region 7, PhilippinesAboutI am Eliogen P. Arong .I am 24 years young. My boyfriend is a pen.I am engaged with music and married with poetry. I love writing but writing loves me more. more..Writing
|