Bigkas Nang Kamay

Sa bawat pagdaloy ng  titik at salita,

Nang isang daigdig na hindi kayang masadya.

Binubuo nito ang mahusay na pagkatha,

Nang bawat isipang gumugunita.

 

Sa pagkakataong walang tunog ang pagbikas,

At hindi magawa ang tinatanging tikas.

Sa bawat luhang pilit na inililigtas,

Sa madamdaming pagsulat ito’y nailalabas.

 

Ang bawat bahagharing naipapakita,

Maihahalintulad sa madaling pagbasa.

Na kahit madilim ang paningin nang mga mata,

Ay naibabahagi sa agos nang tinta.

 

Pag-aari nito ay hindi mawawalay,

Sa pagpasok nang mundong itinataglay.

Sa dugo,pawis, at talinong inialay,

Totoo ang buhay sa bigkas nang kamay.