Tatlong Taon

A poem for HIM

Tatlong taon na!

 

Parang kailan lang

nang unang magsabihan

ng salita ng pagmamahalan�"

mga matatamis na sambitan.

 

Para kailan lang

nang una mong hawakan

hilahin at halikan

kamay kong may kaliitan.

 

Parang kailan lang

nang unang magyakapan,

nang pisngi ko'y tinangan

at labi ko'y hinagkan.

 

Parang kailan lang

nang unang magsagutan,

magtampuhan at maglambingan

hanggang magkapatawaran.

 

Tatlong taon na

ng kulitan at tampuhan,

ng asaran at tarayan,

ng alitan at lambingan.

 

Tatlong taon na

pero magbibilang pa

hanggang sa malagutan

na ako ng hininga.

Author's Note

What do you think of my poem?