Come back!

How it feels when someone very close to you is forced to fly away from you and you are just helpless!

Sunta hu aawaz us patang ki,
Usme umadti hui si ek umang ki,
Jo dor se sambhalti h dhyan se,
Aaj sehmi hui si us patang ki...

Aaj kuchh h,
Jo rok rha h aise,
Dor ki pakad,
Dhili hui ho jaise...

Uss patang ka koi dosh nhi,
Hawa ka rukh baha hi le jati h,
Patang ka dhyan karu ya dor ka,
Door jane se saans si ruk jati h...

Dhire se kiya wada aaungi tumhare hi paas,
Mat jana tum roothh,
Par usey kaun samjhata k arey pagli dor thi,
Wo to jati hi na chhoot...

Kaha usne,
Aur main gaya maan,
Kshan me door hui,
Wo thi jo meri nanhi jaan...

Khush wo bhi nahi,
To fir bhala kaise main,
Koi kala saya tha wo,
Hawa k roop me...

Janta hu k aayegi,
Wapas mere hi paas,
Jaane tab tak kaise mitegi,
Patang udane ki ye pyaas...

Ab khali se h haath,
Aur meri ye zindagi,
Jane kaise shamil hui thi,
Mujhme ye bandagi...

Itni upar udi wo,
ki khushi hui had k paar,
Ungliyo se dor nikli,
Aur reh gya me laachar...

Reviews

[Balkaran Sidhu]

This is such a good Poem. mate....beautiful...flawless..amazing

[Kaushik Mitra]

Thank you buddy... Actually it's my first poem...

[Balkaran Sidhu]

But its such a mature write........