sitam or kitne.?

Be wajah mujh per sitam vo Dhaaye to
aur is per bhi nahi patchtaaye to..

dil jaloN ka dil kabhi mat todiye
dil main ja lagti hai inki haaye to

main to chalnay kay liye tayyar hoon
koyee nujh ko raaasta batlaaye to..

aaj barish gar nahi hui to kya 
kya ye kum hai aaj badal chhaye to..

koyee tujh jaisa milye to baat hai
koyee tujh sa aur dil ko bhaaye to

main bhi uska kr hi looNgi intazaar
who agar meri gali say jaaye to

dekhti hooN main hooN kitni ba-zameer
koyee mere daam bhi Thehraye to

kis trah bhooloNgi usko main ab
mujh ko aa ker who zara batlaye to..!!