teri yaad

aaj phir kalam uthai hai, kyun ki aaj phir teri yaad aai hai. socha tha nahi sochenge tere wajood ko, socha tha nahi yaad karenge tere sath sabhi un palo ko, socha tha nahi doobenge tere khayaalon mein. lekin shareer ye hawa hi kuch ajib hai,na jaane kaha se teri mehek le aai hai, bas teri hi kahani sunai ja rahi hai, aise jaise tere se mil ke hi mere paas aai hai. kar ke mujhse teri baaten teri yaad dila rahi hai. jaana chahun jab door isse main phir sang mere chali aa rahi hai.  kaash ke is kamzaraf hawa ko ye samajh aata ke uski ye kartoot  phir wohi aag jala rahi hai.