George Harrison

Sorry kung hindi ko sinabi ang totoo

sobrang natatakot lang ako
Hindi ko kasi alam kung anong pipiliin ko
yung pagkakaibigan ba natin o yung nararamdaman ko sayo

Hindi ako manhid
at alam kong napapansin mo rin
Sa mga pangaasar at palaging tawanan
hindi ko naisip kung kailan ko sasabihin ito

Hinanap kita ng sobrang tagal
ikaw yung naalala ko pero hindi ko makilala
Ni kumpletong pangalan
nakalimutan ko na

Gusto ko na sabihin
kung tatahimik ka lang at papakinggan mo ko
pero nauunahan ako ng kaba
at mga salita na nasa isip ko, unti-unting nawawala

Naisip ko na rin dati
na baka hindi tayo para sa isa't-isa
at ang paghawak mo sa kamay ko
ay isa na lang alaala

Nung sinabi mong aalis ka
gusto ko na rin talagang sabihin
pero alam kong hindi pa ako handa
at ang sumunod na nangyari ay ang araw na ayoko nang balikan pa

Habang tumatagal, mas lalo lang akong hindi makahinga
Nung tinawagan mo ko at narinig ko ang boses mo
Mas lalo lang akong nasaktan kakaisip kung bakit laging ganto
ayokong ipahalata, pero sobrang nasasaktan na ako

Ayokong umiyak kasi ano nga bang karapatan ko
Ayokong magalit kasi kaibigan mo lang naman ako
at sa tingin ko hindi pa ito ang tamang oras
para sabihin kung ano talagang nararamdaman ko