Agar dil kare toh ( in Hindi)

It means "if only you want to". Dis poem hs longing as its theme

Parchayi apne hath ki mere hath par dalke,
Mujhe ehsas dila de ke tu mere sath hai,
Agar dil kare toh..

Tanhayi ko apni kabhi, meri khamoshi se mila,
Dilon ke mil jane ko tu mulakat bana de,
Agar dil kare toh..

Dil ki ghami mere kabhi, na aankh ki nami bani,
Meri buri yaadon par, chal, tu hi ashq baha de,
Agar dil kare toh..

Mukkammal jahaan khamiyon ka, hai mere naam par,
Bas do pal ko hi sahi, meri galatiyan bhula de,
Agar dil kare toh..

Pyar na tu kar mujhe, toh taras hi khale,
Beshak na dil de apna, bas dil mein basale,
Agar dil kare toh..

Author's Note

I think of it as my best hindi poem yet, wats ur opinion??

Reviews

[Rehan Roy]

'Parchayi apne haath ki mere haath pe dalke Mujhe ehsas dila de ki tu mere saath hai Agar dil kare toh...'Aapki rachna prem ki us parakastha ko pragat karti hai, jab preysi apne premi se sirf apne astitvta ko svikar karne ko kehti hai. Apne apne bhavnao ko alfaazon se jis tarah baya kiya hai, vh kaabile taarif hai.

[Penny]

Shukriya, iss kavita ko likhne ka maksad mahaz ye darshana tha ki insan ko pyar me 'kam se kam' kitne ki darkar hoti hai, aur apne ise bakhubi samjha hai. Bahot bahot shukriya apka

[Rehan Roy]

Yah mera saubhagya hai.

[Penny]

Humara bhi

[Saddam]

वास्तव मे, This is one of your best work. Mujhe bhi ehsas kare de, Agar dil kare to.

Pyar na tu kar mujhe, toh taras hi khale,
Beshak na dil de apna, bas dil mein basale,
Agar dil kare toh..

[Penny]

Bahot bahot shukriya..

[sapna sagar]

v.nice poetry...meri baat pe yakeen krlena...."AGAR DIL KARE TOH"

[Penny]

Shukriya..

[Himanshu shekhar]

Itna aacha kabita, attayant manmohak .sabdlayata bahut aacha.ese he likhte rahe penny jee .aatayan pawitra aur sukhdayak rachna.

[Penny]

Pak kahiye, pavitra kahiya ya keval pyar keh dijiye. Dukhi mann se likhi nazm aur kavita sukh hi deti hai.Shukriya, dhanyavad.

[Himanshu shekhar]

Aap ka bahut bahut aabhar tahe dil se.

[Ayvid N]

Wah wah! A standing ovation from me.. It IS your best Hindi Poem. It would be - Anybody's - Its is so good. I loved it and thanks a lot for sharing it with me, great Hindi poet. Isme aapko sau mein se sau milenge.

[Penny]

Yeh 10 reviews sau mein sau se bhi zyada khushi dete hain humein. Dhanyavad iss kavita ko sarahne ke liye.

[Vandana Sharma]

Bahut sundar kavita:),, prem se paripurna.

[Penny]

Tahe dil se shukriya aapka, humein iss tarif ke kabil samajhne ka :-)

[Praveeta]

Lovely poem on love. Nicely penned.

[Penny]

Tenkew. Shukriya. :-)

[Praveeta]

You are welcome.

[Sami Khalil]

Acha , acha...That is some of the words I know...lol
Bravo

[Penny]

Dar is sooo sweet of you to try reviewing this piece without being able to understand it completely. Tenkew and if you want i cn translate it to english for ya..

[Sami Khalil]

No problem...You are welcome...:).................

[Laminators Dubai]

almost made me wish to read some hindi.........haha^^

[Penny]

Awwh.. i no i shud thank u but i just wanna say dat u made my day!

[Laminators Dubai]

really!.......well thats enough for me!

[Penny]

And dats more dan enough 4 me.

[Nivedita...]

Likhne wale k soch jab etni pak ho to bas lafjo ko b mehsus Kia ja sakta hai
Well done.

[Penny]

Suna tha shayari padhke aap shayar ka mann padhte hain par aapse behtar humein kisi ne nahin padha.. Bahot bahot shukriya aapka:-)