The Legend of Ninja

This Novel Shows the hidden life of Ninjas in the form of a Story. This Story is About a fantasy character who worked many years to get his aim and finnaly he succeded.

The Legend of Ninja

          Aksar logon ko andhere sy nafrat hoti hy. Unka khyal hota hy ky andhera unhain nuksan pohncha skta hy. Unky Dil main andhere ka darr baith jata hy. Wo andhere ky baray main sochny sy bhi dartay hain.

        Lekin is ky bar’akas kuch aisay insan bhi is duniya main mojud hain jin ky lye roshni ka koi matlab nai wo andhere sy lgao rkhtay hain. Wo tez roshni main boht jald ghabraa jatay hain lekin aisa moka unki zindgi main boht km hi ata hy.

        Ye kahani bhi aik aisay hi insan ki hy jo andhere sy pyar krta hy or aik ajeeb khwab ko pora krnay ky lye kuch bhi krny ko tyar hy. Uska khwab aik Ninja bnany ka hy. Lekin main Kahani shuru krnay sy pehly Ninja ky baray main btana pasand krun ga.

        Aaj sy 700-800 sal pehlay Japan main duniya ky behtreen Fighters rehtay thay jinko “Samurai” kaha jata tha. Samurai japan ky sb sy takatwar or izztdar log thay. Unka sb sy takatwar hathiyar “Sword” yani “Talwar” thi.

        Samurai koi galat kaam nai kr skta tha jaisay jasosi, qtal ya koi loot marr. Agr koi Samurai aisay jurm main mulawis pakra jata to us sy Samurai ka hlff wapis ly liya jata or ye aik samurai ky lye sb sy bri beizti or sadmay ka ba’es tha. 

        Kuch samurai aisi beizti ko bardasht nai kr pataay thay or sadmay sy khudkhushi kr lyty thy jb ky kuch bilkul chupp kr galt kaam krna shuru kr dyty. Wo aksar un Samurai ky lye kam krty thay jo khud koi galt kaam nai kr sktay thay . Samurai hmesha kisi bhi galt kam ko saranjam dyny ky lye ninjas pr hi bhrosa krtay thay kiun ky Ninjas harr ghair kanoni kaam krny ky bavjod bhi baki sb sy bhrosay mand thay kiun ky wo bgair sboot choray mushkil sy mushkil kaam kr sktay thay jin main jasosi or qatl bhi shamil thay.

        Ninjas ki sb sy bari khoobi jo unko sb sy zyada bhrosay mand bnati thi wo unki apnay kaam ky sath imandari thi, agar koi ninja kbhi pkra bhi jata to wo kbhi bhi zuban nai kholta tha kiun ky ye ninja ky kaam ky asool ky khilaf tha or agr koi aisa krta bhi tha to phir baki ninjas ky hathon uska bachana mushkil hi nai namumkin ho jata tha.

        Shuru main ninjas boht mehdod ilakay tk thay lekin baad main inki tadad brhi to inky kabilay (group) bn gye.In Kabilon ko “Samudaie” bhi kaha jata hy.Or Ninjas ki apni aik alag pehchan bnn gyi.  Baad main halat kafi bdal gye or boht logon ny Ninjas ko mitanay ki koshishain kien. Jiska nateja ye hoa ky Ninjas ko sar-e-aam maidan main bhi larna pra or tadad main kammi ki wja sy unko shakast kha kr mulk sy bhagna praa. Kuch samudaie China main aa kr bss gye or boht sy dusray Samudaie boht sy mulkon main phel gye. Lekin ab unki takat boht kam ho chuki thi or logon ky dil main unka jo darr tha wo bhi boht kam prr gya. Wakat guzarnay ky sath sath ye samudaie phailna shuru ho gye or inki kuch shakhain Pakistan or India ky Shumali ilakon yani Kashmir main bhi pohnch gyien.Unhon ny is ilakay ko is lye chuna kiun ky ye Pakistan or India dono sy mila hoa hy. Lekin wo shuru ky Ninjas jaisy nai thay wo bs apnay aap tk hi mehdod thay, dusray logon ky lye boht km kaam krtay thay. Wo apni tahzeeb ko bachaye hoe thay.

        Ye sb unkay shuru sy akhir tk ky halat thay. Ab main unky kaam krny ky tarikay or unki zahiri halat ky baray main baton ga.

        Aksar jb bhi kahin Ninja ka zikr ata hy to aksar logon ke zehn main aik aisay shakhs ka akas bnta hy jo kalay libas main malbos andhere sy nikl kr larna shuru kr dyta hy. Lekin asliyat kuch aisi nai hy. Asliyat main wo libas mokay ky mutabik pehntay thay or jb bhi raat ko wo kisi kaam ky lye nikltay to zyada trr gehray neelay rang ka libas pehntay thay. Unky libas main koi aisi cheez nai hoti thi jo roshni parnay pr chamak dy.

        Ninjas ky pas jo hathiyar hotay thay wo dekhnay main boht zyada kar’amad nai lgtay thay. Lekin Ninjas choti sy choti cheez ko bhi aik karamad hithyar bnana jantay thay. Unky chend hathiyar darjzail hain

        Blowgun khokhli lakri ka 5-6 inch lmba tukray ko kaha jata hy. Inki maded sy ninja zehr sy bharay hoe Darts dushman ky chehry par chorty thay. Wo in darts ko apny munh main chupa ky ly jatay thay jbky female Ninjas inko apny balon main chupa lyti thien. Agar kisi ko bilkul khamoshi sy marna parta to ye darts boht karamad sabit hotay thay.

        Shuriken Ninjas ka sb sy mashoor hathiyar hy. Ye lohay ky aik sada turkey ko kaat or tarash kr bnaya jata hy. Ye aam’torr pr Ninjas tb istimal krty jb koi Samurai unka pecha kr rha hota, ye pecha krny walay ko is baat ko dobara sochnay pr majbor kr dyty ky wo aik ninja ka pecha kray ya nai?

       

 

Sword yani talwaar Ninja ka aik sb sy zyada istimal honay wala hathiyar tha. Ninja jo Sword istimal krty thay wo itni beht kism ki nai hoti thi or sirf 24 inch lambi hoti thi. Inky mukablay main aik samurai ki talwaar achay myar ki hoti thi. Agr Ninja kbhi kisi Samuraipr havi ho jata to wo uski Sword ly lyta jiski wja saf thi ky wo zyada behtr thi.

        Malomat ka silsla to kahani ky sath sath chalta rhay ga is lye ab main kahani shuru krta hun.

        Lekin pehlay aik baat btana chahun ga… Kahani ko aksar ye tsawar kiya jata hy, aik mukamal dastan jis ka akhir hmesha acha ho. Lekin ye galat hy. Kahani asliyt main usay kha jata hy jis ka koi maksad ho, jis main koi sabak ho, lazmi nai ky uska akhir parhnay walay ki soch ky mutabik ho. Main bhi apni is kahani main koi khas dastan bayan nai krun ga. Ye sirf kisi ki zindgi ka aik aisa  hisa hy jo apny andar aik sabak chupaye hoe hy.

        Ye khani aik aam sy insan ki hy jo aik ajeeb khwab ko pora krnay ky lye apni zindgi ky kyi saal lga dyta hy or akhir kaar wo apnay maksid main kamyab bhi ho jata hy. Lekin is doran usay boht sy ehm faislay karnay partay hain jo uska anay wala kal the krty hain, isky ilawa uski apnay maksid ko panay ki lagan or us ky lye uski mehnat usay kamyabi dilate hain.

        Shumaal main kahin aik khubsurat or duniya ki nazr sy dur chupa aik khubsurat ilaqa mojud hy. Wahan ky log tehzeeb yafta thay lekin unky pas boht zyada taleem nai, wo boht poranay wakton ky log, jo junglon or paharon main rehty thay, un jaisy nai thay. Wo mitti or lakri sy bnay hoe gharon main rehty thay. Wo khaiton main kaam krtay thay or janwar paltay thay isky ilawa wo kadeem zmanay ki boht si larai ky tarekon sy bhi wakif thay.

Usi ilakay main Darmiyany bhaoo wali aik nadi behti thi jo aik mukam pr aik 400-500 Feet unchay pahar sy aik jharnay ki surat main girti thi.

Wahan Suraj ki shuaen kuch is tarz sy parti thien ky wahan din ky zyada trr wakt dhank ky 7 rangon ko saf torr pr dekha ja skta tha. Jharnay ky upper or nechy dono tarf ghanay or unchay drakhat thay. Us jharnay ko dekh kr aisa maloom hota tha jaisay Khuda ny jannat ka koi manzar zameen pr bna diya hy. Dekhny walay us nzaray sy nazr htana nai chahty thay. Aik khobsurti or pani ky pahar sy girny ki sunsnahat ko dekh kr aisa mehsos hota tha jaisy ye boht purskoon jga hy.

        Lekin ye jga jaisi khubsurat or purskoon mehsos hoti thi asliyat main aisi purskon nai thi. Ye Khubsurti sirf dikhaway ki hi thi. Wahan Jharnay ky pas Ninjas ky 3 Kabeelay abad thay. Ye bhi usi samudai sy taluk rkhtay thay jo Japan sy zinda bhag kr South Asia main aa kr bas gye thay, apas ki na’itfaki or larai jhgray ki wja sy wo Ninjas Mukhtlif shakhon main bat gye. Ye teno kabilay aik dusray ky khilaf thay or aik dusray ko nuksan pohnchanay ka koi moka haath sy janay na dyty. Aik kabeela jo ky “Shinoke” ky nam sy jana jata tha wo jharny ky pahar sy nechay girny ky mukam pr aik tarf Jungle main bssa hoa tha,

 Jharnay pr Kabeela Shinoke ka kabza tha. Kabeela shinoke ky Ninjas dusron ky mukablay main Achay thay or aksar larai ko talny ki koshish krty thay, usky dusman ye baat achi trah jantay thay ky Kabeela Shinoke larai sy bachny ki koshish krta hy jiska mtlb ye nai hy ky wo Kamzor hain ya larnay sy dartay hain.

        Dusra kabeela jo Laiezo ky nam sy jana jata tha wo Kabeela Shinoke sy thodi dur unchin pr abad tha jis traf sy Nadi beh kr ati thi, wo Shinoke ky mukablay main kafi chota tha. Wo boht achay Fighters thay, ye hi wja thi ky wo tadad main kam honay ky bavjod aik khaas mukam rkhtay thay.

        Tesra kabeela Jharny ky girny ki jga sy thodi dur rehta tha wo nadi ky bhao wali trf tha. Ye kabila sb sy bra tha or har galat kam main is kabilay ka hath hota. Ye boht mamoli si wja pr larna shuru ho jatay. Musafiron or aam logon ko lot’ty or apnay maksid ki khatir unki jan lyny sy bhi nai ghabratay thay. Ye kabila sirf un logon ko marnay or lot’ny sy ghabrata tha jo kisi na kisi trah Kabila shinoke sy munsalik hotay. Isi wja sy irdgird ky log kabila Shinoke ka sath dyty kiun ky zrurt ky wakat Shinoke hi aam logon ky kaam ata tha.

        Ye tha wahan ky halat ka mukhtasir khulasa. Ab kuch gehraui main chltay hain.

        Nadi ky sath sath jungle kafi Ghana tha. Suraj ki shuaen darakhton ky patton ky bech sy guzr kr darakhton ky nechy aik halki si roshni bnaye hoe thien. Is mahol main jahan koi bhi aam shakhs janay sy bachay ga wahan Darakhton, Bailon, or patton ko cheertay hoe tezi sy agay barhti hoi kalay rang ki parchaiyan nazar aa rhi thien. Jahan kisi aam shakhs ky lye chunti ki rftar sy chalna bhi mushkil hota hy wahan wo parchaiyan aandhi ki trah agay barh rhi thien. Ye parchaiyan asal main Kabila shinoke ky Ninjas thay jo kabila Laiezo ki jasosi ky lye gye thay, kiun ky unhain kuch arsa pehly is baat ka ilam hoa ky kabila Laiezo unky khilaf koi sazish kr rhay hain. Behr’haal wo ninjas aik  jga nadi ky kareed ruk jatay hain or achanak gayb ho jatay hain sirf aik Ninja wahan dikhai dyta hy.

        Wo baki Ninjas sy alag dikhta tha. Baki Ninjas ny sirf apna adha chehra chupaya hoa tha or gehray neelay rang ky kapray pehny hoe thay lekin wo Kalay rang ky kapry pehny hoe tha or uska libas bhi Kabilay ky riwayati libas sy kafi alag tha. Usky kapron sy is baat ka saf pta chalta tha jaisay wo duniya ki jaded tehzib sy boht achi trah wakif hy or unky rehnsen ko bohat achi trah janta hy. Baki Ninjas ky bar’akas uska chehra alag dikhai dyta tha kiun ky wo wahid Ninja tha jis ny baki chehry kr sath sath apni aik ankh ko chupay hoa tha. Uski hathon ki ungliyan or usky chehry ka sirf thoda sa hisa hi aysa tha jo kalay kapron main chupay hoe nai thay.Aik tez Sword uski kamr ky pechy bandi hoi thi.

Wo apni ungli main aik ajeeb sa hathiyar ghuma raha tha   

Ye hathiyar aksar tb istimal hota tha jb Ninja ky pas larny ky lye boht km jga hoti or Sword ky sath larna mushkil hota.

        Wo Nadi ky pas aik bray sy pathr ky upr baith gya or pani penay lga. Jb wo pani penay ky baad uthny lga to achanak kisi ny us pr pechy sy Talwar ky sath hamla kiya lekin usny us hathiyar sy jo usky hath main tha us hamlay ko aram sy rok liya or jis ny hamla kiya tha usay aik zorsar Dhaka mara jis sy wo us pathr sy gir gya, uski talwar usky hath sy chot ky dur gir gyi. Wo abhi dubara uth kr sambhal nai paya tha ky us ninja ny usay aik or zordar Kick mari jis ky zor sy wo Nadi ky kinary mojud aik darakht sy takraya or takrany sy uska nakab jis sy us ny apna ser or chehra chupa rkha tha wo khul gya. Or uski asliyat ny us Ninja ko bhi hiran kr diya or ye baat sochnay pr majbor kr diya ky akhir wo hy kon?

        Wo aik Khubsurat larki thi or Uska libas kisi kabeelay ky logon sy nai milta tha, isi wja sy wo Ninja bhi soch main parr gya. Lekin usny kuch pouchay bgair us larki ki Sword, jo ky us larki ky hath sy gir gyi thi, wo utha kr wapis uski traf phaink di. Us larki ny wo talwar utha li or larnay ky lye us Ninja ki traf barhi. Ye dekh kr baki ninjas jo darkhton ky upar chupay hoe thay, larny ky lye samnay anay hi walay thay lekin us Ninja ny unko aik mamoli sy isharay sy mna kr diya, wo larki us isharay ko smjh nai ski lekin baki sb smjh gye or apni apni jga pr hi chupay rhay or ye manzar dekhty rhay. Us larki ny larna shuru kr diya, wo Ninja sirf apnay bachao main larr rha tha is lye us ny us larki pr koi hamla nai kiya, sirf usky hamlon ko rokta rha. 40-45 min tk lgatar larny ky baad wo larki bilkul thak gyi. Ab wo larnay ky kabil nai thi is lye us ny sword phaink di or ghutno ky bal usky samny baith gyi or kehny lgi “main ab or nai larr skti, main harr gyi, Khuda ky lye mujhay jan sy matt maro, main tumhari harr baat manany ky lye tyar hun”. Ye baat suntay hi us Ninja ny baki ninjas ko bahir anay ka ishara kiya or sb Ninjas wahan jmma ho gye. Ye manzar dekh kr wo larki boht ghbraa gyi. Us Ninja ny us larki ko kha ky mere sath chlo, wo Larki chup chap bgair kuch bolay us ky pechay chal pri. Baki Ninjas bhi sath sath chal rhay thay. Rastay main achanak aik jga wo Ninja ruk gya or pechy mura or us larki ky pas aya. Wo usay is trah achanak anay pas ata dekh kr darr gyi or darr ki wja sy uski ankhon main ansu aa gye or kanpnay lgg gyi.

        Lekin us Ninja ny us larki sy kha ‘ Drro mat tmhain kuch nai krun ga, sirf kuch batain pouchni hain tum sy, lekin yahan nai manzil pr pohnch kr…. or apna nakab theak kr lo”

        Ye baat sn kr usay khuch hosla milta hy or wo apnay aansu pohnchti hy or nakab theak kr lyti hy lekin wo pehly ki trah apnay baal nakab main nai chupati sirf munh ko hi kalay nakab sy dhanp lyti hy.

        Kafi dair tk paharon, janglon or unchay nichay raston sy guzrny ky baad unky samny pathar or mitti sy bni hoi aik unchi diwar ati hy, nazdek pohnchnay pr aik darwaza nazr ata hy jis pr 2 Ninjas pehra dy rhay thay. Ye asal main Kabila Shinoke tha, jis ny apni hifazat ky lye apnay kabilay ky irdgird pathar or mitti sy aik mazbot diwar tamir ki hoi thi.

        Kabilay main dakhil hotay hi us Ninja ny baki sb Ninjas ko wahan sy janay ka ishara kiya, wo sb chalay gye. Us ky baad us ny us larki ko apny sath chalny ko kha, wo chup chap chal pari. Wo Ninja usay nadi ky kinaray usi jharny ky pas ly gya jis ka shuru main zikr kr chukka hun. Wahan pohnch kr wo pani kr pas mojod aik bray pathar pr baith gya or us larki ko bhi baithnay ka kha. Unky darmiyan jo baat chet hoi who kuch is trah hy…

Ninja: pehly main tmhain apnay baray main aik baat bta dun. Main is kabilay ka King hun or yahan har koi meray aik isharay pr apni jan dy skta hy or kisi ki jan ly bhi skta hy. Agr tumhain marna mera maksid hota to main 40 min tk wahan tumhary sath larnay wala drama na krta. Is lye ab main jo baat bhi pouchun wo mujhy such such bta do.

Larki: hmmm……

Ninja: Tum kon ho? Kahan sy ayi ho? Apnay baray main sb kuch tafseel sy btao

Larki: Mera naam Rachana hy. Main aik Biology researcher hun or main Animals pr research krti hun. Main India sy taluk rakhti hun. Bachpan main aik dfa yahan ayi thi tb sy mujhay is ilakay sy boht pyar or lgao ho gya. Main ny tb is baat ka irada kr liya tha ky jb main apni taleem pori kr ln gi or apnay paon pr khari ho jaun gi to main yahan wapis aa jaun gi or yahan hi rahun gi.

Ninja: Lekin phir tumhain larna kaisay aya?

Rachana: Main jb bachpan main yahan ayi thi to tb mujhay mere uncle ny btaya tha ky yahan ninjas rehtay hain or agr yahan zinda rehna hy to sirf 2 hi trikay hain. Pehla un sy bacho or dusra ye ky unka mukabla kro. Main ny Animals pr research ka profession chuna tha is lye Ninjas sy bach kr rehna to mere lye mushkil tha kiun ky research ky silslay main junglon or dor draz ky ilakon main jana parta hy is lye main ny parhnay ky sath sath Sword fighting bhi sikhna shuru kr di. Main ny boht mehnt ki or ab main yeh smjhti thi ky main sword frighting main boht expert ho chuki hun or asani sy kisi Ninja ka mukabla kr skti hun. Lekin aj mujhay pta chala ky main aik ninja ky samny kuch bhi nai.

Ninja: tum is ilakay main kab sy reh rhi ho?

Rachana: Abhi aik mahena hi hoa hy yahan aye hoe

Ninja: Mujhay abhi tk is baat ki smjh nai ayi ky agr tum wahan sirf apnay research ky kaam sy gyi thi to tum ny mujh pr hamla kiun kiya?

Rachana:main anjany main ap ky boht pas pohnch gyi thi. Jb meri nazr ap pr pri to main kafi darr gyi. Main ny socha ky agar ap ny mjy dekh liya to ap ye hi smjho gy ky main apko marnay ayi hun or ap mjy marny ki koshish kro gy is lye main ny faisla kiya ky main aisa honay sy pehly hi apko buri trah zakhmi kar dun to mjy wahan sy nikalny ka moka mil jaye ga. Lekin ap ny to achanak sari baat ka rukh badal diya or main buri trah wahan phans gyi. I am sorry!

Ninja:koi baat nai tum ny anjany main ye sb kiya…..Lekin ainda agr kbhi aisy halat main phanss jao to jo tum ny aj kiya kbhi aisa mat krna….agr koi tumhary sath larna chahy to usay keh dyna ky tum Kabila shinoke sy taluk rkhti ho to wo phr tum sy nai lray ga or agr phir bhi larna shuru kray to jitni jald wahan sy nikal sko wahan sy nikal jana or yahan pohnch kr mujhy btana. Or larty hoe koi chot to nai ayi tumhain.

Rachana: Han thodi si chot ayi hy (wo apnay bazu ky upr sy kapra htati hy, usky bazu pr aik kafi gehra zakham tha, jis main sy khoon riss raha tha)

Ninja: Ye thodi si chot hy kya? Acha bhala zakham hy. Main tmhary zakham pr patti krwa dyta hun chlo mere sath….

Rachana: G behtr….

        Wo Ninja usay apny sath aik choti si ammarat main ly jata hy jahan us ky zakham ki marham patti ki jati hy. Usky bad wo usay kabilay ky gate tk chorny jata hy or 2 Ninjas ko sath uski nagrani ky lye bhejta hy, ta’ky wo usay ba’hifazat ghar tk pohncha ayen. Jb wo wahan sy rawana honay lgi to us Ninja ny usay ruknay ko kaha.

Rachana: Ji….

Ninja: Tum kafi acha larr lyti ho agar tum chaho to orr behtr kr skti ho…

Rachana: Wo kaisay?

Ninja: Agar tum aik Ninja ki trah behtr fighter bnna chahti ho to jb tumhara zakham theak ho jaye to yahan wapis ana or mujh sy milna….

Rachana: Theak hy main aaon gi or apka boht sukriya jo ap ny meri itni bari galti maff kr di or mujhay chorr diya….

        Ye kehny ky baad wo wahan sy chali jati hy. Lekin Shinoke ka king itni jaldi uski baton ka bhrosa to nai krnay wala tha is lye us ny aik jasos ninja ko uski jasosi ky lye usky pechay bhej diya.

Aik haftay tk us larki Rachana ka koi atta ptta nai tha. Is doran King ny apnay kabilay ko pehly sy behtr bnana shuru kiya. Kabilay ko mazeed bra krny or uski hifazat ko behtr bnany ky lye usny Kabilay ky irdgird pathar or mitti ki diwar ki jgah cement or pathar ki diwar bnwana shuru krdi. Sath sath kabilay ko shehr ki abbadi sy milanay wala rasta jo jungle ky beech sy guzr kr jata tha usko bhi theak krwaya or usay darkhton ky beech sy guzar kr or bhi mehfooz bnaya or jga jga Ninjas ko rastay ko mehfoz rkhny ky lye kam pr lgaya.

        Shinoke kabilay ky 2 king thay aik wo ninja jiska zikr kr chukka hun or dusra king wo tha jo is ninja sy pehly king tha isny us ko htaya nai balkay usay kabilay ky androni mamlat sambhalny ka kam dy dia, wo khud dusray bahir ky kaam krta or aksar larai main baki ninjas ky sath jata tha jb ky pehly wala king kabilay ko sambhalta.

        Kuch din baad wo larki Rachana wapis wahan kabila shinoke main ayi. Us din itfaq sy wo Ninja jis sy us din uski larai hoi thi wo kisi kaam sy bahir gya hoa tha is lye usay dusray King ky pas ly jaya gya. Jahan usay pta chala ky wo Ninja jis sy wo milnay ayi hy wo kisi kaam sy bahir gya hoa hy or agli subah hony sy pehly pehly wapis aa jaye ga. Rachana ny apna chehra chupaya hoa tha jaisay ky sab Ninjas ny chupaya hoa tha is lye koi ye baat nai jan ska ky wo larki Rachana hy jisay us din King ny bulaya tha. Rachana ka ghar wahan sy kafi dor tha or sham ho chuki thi is lye Rachana ny wahan raat guzarnay ka poucha jis pr usay ijazat mil gyi or usay rehny ky lye kabilay main jga bhi di gyi or usay boht izzt di gyi kiun ky wo wahan ky king ki mehman thi.

        Subah ki halki halki roshni raat ky andheray ko khatam kr rhi thi. Parindon ky chehchanay ki awaz sy Rachana ki aankh khuli or wo jaldi sy tyar ho kr kamray sy bahir ayi. Us wakat Kabilay main boht khubsurat manzir tha. Suraj ki kirnain nadi ky pani sy takra kr gharon pr parr rhi thien jis sy aik boht khubsurat manzir nazar aa rha tha. Halki halki hwwa chal rhi thi jo dil ko aik ajeeb sa sakoon pohncha rhi thi. Behr’haal Rachana ny kuch dair wahan ruk kr aik nazr goar sy kabilay pr dali. Or phir usny aik bachay sy, jo wahan khel rha tha, us sy poucha ky kya King wapis aa gya ya nai? Is baat pr wo bacha usay khamoshi sy nadi ky pas ly gya. Wahan Pani or hwwa ky ilawa kisi or chez ki awaz sunai nai dy rhi thi. Wahan ka mahol boht puskoon tha. Wahan wo Ninja jo us Kabilay ka king tha or jis sy Rachana milnay ayi thi wo mojud tha. Bacha Rachana ko wahan chor kr wapis chala gya. Rachana wahan khari us Ninja tk pohnchnya ka tarika soch rhi thi kiun ky wo Nadi ky kinaray sy kafi dur Nadi main pray hoe aik pathar pr khamoshi sy jharnay ki traf munh kr ky kuch soch rha tha. Wo boht gehri soch main gum tha is lye uska dihan Rachana ki traf nai gya. Akhir Rachana ko jab koi or rasta nazar nai aya to wo boht mushkil sy us tez rafter pani main sy guzar kr usky pas pohnchi.

Rachana: Excuse me Sir!

Ninja: (Apni soch sy aik dam bahir aa jata hy) Hmmm…

Rachana: Main ny apko disturb to nai kiya?

Ninja: Nai ……..Bolo

Rachana: Main Rachana. Us din jungle mein ap sy…..

Ninja: (Baat kat’ty hoe) Janta hun tmhain…….Theak ho gya tumhara zakham?

Rachana: Jee….. Us din aap ny kaha tha ky agar main mazeed behtr bnna chahun to apky pas aon……

Ninja: To kya faisla kiya tum ny?

Rachana: Main tyar hun btaiye mujhy kya krna hoga?

Ninja: Agar tum aisa chahti ho to theak hy…. Ab 2 batain hain un main sy faisla krlo kon si baat tmhain man’na pasand hy?

Rachana: Ji btaiye….

Ninja: Pehli yeh ky agar tum sirf apni larnay ki kabliyat behtr bnana chahti ho to yahan tumhain mere kabilay ky Ninjas aik bahtreen fighter bnain gy…..or dusri baat tumhari marzi nai lggn ho to tb main manun ga…

Rachana: Dusri baat kya hy?

Ninja: Kya tum Ninja bnna chahti ho? Lekin is baat ka jawab tum dimagh sy nai apny dil sy pouch kr do, jo tumhara dil khay wo hi mano

Rachana: (Kuch dair khamoshi sy sochti hy) Han main Ninja bnna chahti hun or us ky lye kuch bhi krny ko tyar hun.

Ninja: To theak hy. Pehla kaam tumhain ye karna hoga ky tumhain aik mahenay ky lye apna ghar chor kr yahan kabilay main hi rahna hoga. Yahan main khud tumhain sikhaon ga. Waisay main khud kisi ko kuch nai sikhata lekin main tum sy aik dfa larr chukka hun or mujhay aisa lgta hy ky agar tum pr thodi mehnat krun to tum aik achi ninja bn skti ho or tumhary sath main rozana larny ki achi practice kr skun ga. Lekin tum ninja bnnay ky baad kisi sorat bhi meri marzi ky bgair kbilay ko nai chor sko gi. Kya tumhain manzor hy?

Rachana: Lekin ninja bnnay ky baad main koi galt kaam nai krun gi jaisy kisi be’kasoor ko marna wgaira…

Ninja: Is baat ki tum fikr na kro kabila Shinoke hmesha achai ka sath dyta hy…..

Rachana: Phir mujhay manzor hy…..

Ninja: theak hy tum dusry king sy mil lo wo tumhain sb kuch bta dy ga.

Rachana: Agar ap ko bura na lgay to aik baat or pouch skti hun?

Ninja: bolo

Rachana: Main apko kya keh kr bulaya krun?

Ninja: Mjy K.S kehty hain…… or kuch pouchna hy?

Rachana: Filhal to bs itna hi pouchna tha….

K.S: Nashta kr liya tum ny?

Rachana: Nai main to uthnay ky baad sidhi yahan ap ky pas aa gyi

K.S: Acha theak hy aao mere sath Nashta krty hain or tumhain apna ghar bhi dikha dun.

        Usky baad K.S or Rachana nashta krty hain, Rachana uska ghar dekhti hy or Phir K.S Usay kabilay ky dusray king ky pas ly jata hy or usay bta dyta hy ky ye Larki aaj sy mere sath Ninja bnnay ki training ly gi. Isay sb zruri batain bta do or isky rehny ka intzam kr do.

        Rachana is baat pr boht khush hoti hy or apny apko khushkismat smjhti hy ky wo aik kabilay ky King sy larna sikhay gi. Wo 3-4 Din main apny sb kaam nibta kr kabilay main rehny aa jati hy jahan Dusray king ny usky rehny ka intzam krwa diya tha.

Aglay din Subah subah wo K.S ky btaye hoe wakt or jgah pr pohnch jati hy jahan wo pehly hi pohnch chukka tha. Wo nadi ky kinaray aik ubhri hoi chittan pr khara uska intzar kr rha tha.

Rachana: Sir main aa gyi ……

K.S: Achi baat hy …chlo mere sath

(wo usay kabilay sy thodi dur nadi pr bnay hoe aik lakri ky pul pr ly jata hy or pul ky darmiyan main pohnch kr achanak ruk jata hy)

K.S: Yahan sy shuru hogi tumhari training…..Ninja bnnay ka sb sy pehla asool ye hy ky apnay master pr bhrosa kro……kya tumhain mujh pr bhrosa hai?

Rachana: je han……

K.S: toh phir pul sy nechy chalang lga do….

Rachana: Kya? Sir ye ap kaisi baat bol rhay hain? Main yahan khudkhshi krny thodi ayi hun…..

K.S: (Usky nazdek barhta hy) Janta hun pehli dfa sb ye hi bolty hain…..

        Wo achanak uska hath zor sy pkrta hy or usay pul sy ucahal kr nadi main phaink dyta hy. Wo Sidhi nechay mojud pani main gir jati hy lekin jaisa ky Rachana ny socha tha ky wo pani ky sath behh jaye gi waisa kuch nai hoa kiun ky jahan K.S ny usay phenka tha wahan pani ka bhaoo chitanon sy takranay ky baad aik chota sa ghomnay wala chakar bann jata tha or jo chez bhi us main girti wo pani ky sath behny ki bjaye wahan ghumnay lg jati.

Jb wo pani sy nikalnay ky baad K.S ky pas ayi to kuch youn baat cheet hoi

Rachana: Ye ap ny kya kiya? Agar main beh jati to mera marna to tehh tha na…….

K.S: Agar tumhain apnay master pr bhrosa hota to tum khud hi pul sy chalang lga dyti. Mujhay tumhain phainkna nai parta…..Agar tumhain mujh pr bhrosa hota to tum ye soch kr chalang lga dyti ky main boht saal sy is ilakay ko janta hun or agar tumhain yahan sy chalang lgany ko keh rha hun to main pagal to nai hun koi wja hogi tb hi aysa bola. Agar yahan tumhary beh janay ka khatra hota to main tumhain yahan sy chalang lgany ka kiun kehta …

Rachana: Mujhay maff kr dijye…Main apki baat ko theak sy smjh nai payi thi or ye sb sochnay ka moka hi nai mila, ainda aysa nai hoga main apki baat many ki pori koshish krun gi.

K.S: Koi baat nai har koi shuru main galtiyan krta hy lekin galtion sy sabak sikhna, unko dohrana nai….smjh gyi?

Rachana: ji

K.S: Theak hy ab tum jao wapis kabilay main ghoomo phiro aj ky lye itna hi kafi hy…..lekin….

Rachana: Leki kya?

K.S: Lekin behtr hy ky tum wapis jaa kr so jao…

Rachana: Kiun? Koi khas wja din ko ye baat kehnay ki?

K.S: Raat ko tumhara next lesson hy is lye raat ko tmhain sonay ka moka nai milay ga…..Raat ko khanay ky baad gate pr mera intzar krna….

Rachana: Theak hy jaisa aap khain….

        Rachana wapis kabilay main aa jati hy or aik dfa poray kabilay ka chakkar lgati hy, kuch logon sy thodi boht malomat lyny ky baad wo apnay rehnay ki jga wapis chali jati hy. Sham ko khanay ky baad wo mukar’ra jga pohnch jati hy. Kuch dair baad andheray main usay aik parchai ky honay ka ehsas hota hy. Jb wo us tarf mutwja hoti hy to wahan koi chez dikhai nai dyti. Jb wo mutmaen ho kr wapis murti hy to achanak usky samnay K.S aa jata hy wo aik dam chonk kr darr jati hy. Lekin phr K.S ko dekh kr wo apnay ap ko sambhalny ki koshish krti hy or is baat ko chupanay ki koshish krti hy ky wo K.S ko acanak dekh kr darr gyi, lekin uski koshish bekar jati hy jb K.S goar sy uski trf dekh kr kehta hy “ Ye darr aik Insan ki sbb sy bri kamzori hy, aik Shinobi kbhi darta nai, aj ka lesson tumhara darr khatam krna hy, chlo mere sath”

        Or wo jungle ki trf chala jata hy, Rachana khamoshi sy usky pechay pechay chal parti hy. Kuch dur pohnch kr wo ruk jata hy or Rachana ko akeli agay janay ka kehta hy or usay jungle ka aik naksha dyta hy or aik jga btata hy jahan usay subah tk pohnchny ka kehta hy. Wo aik lamhay ky lye kuch sochti hy or wo naksha ly kr chup chap agay barh jati hy, is dfa wo pehly ki trah koi ulti sidhi baat nai krti.

        K.S Rachana ky janay ky baad apny kabilay ky kuch behtreen Ninjas ko us ky pechay bhejta hy ta’ky usay kisi janwar sy ya kisi dusray kabilay ky kisi Ninja sy koi nuksan na ho.

        Rachana ko boht darr lg rha hota kiun ky harr tafr andhera or janwaron ki awazain sunai dy rhi hoti hain. Or khas torr pr agr ap aisi jga pr mojud hon jahan ap ye jantay hon ky yahan koi bhi apko chand lamhaat main khatam kr skta hy or koi apki maded bhi nai kray ga, to apki dar sy kya halat hogi. Lekin Rachana ko is baat ki wja sy dar kuch kam lgg rha tha kiun ky ab usay K.S pr kuch bhrosa ho gya tha or wo ye hi soch rhi thi ky K.S is jungle ko mujh sy behtr janta hy or agar wo smjhta ky mujhay koi nuksan ho ga to wo kbhi usay aisi jga na bhejta.

        Subah tk wo jungle ky beech main rasta bnati hoi apni manzil pr pohnch gyi or wahan pohnch kr wo heran rehh gyi kiun ky K.S us sy pehly wahan mojud tha, jb ky raat ko wo usay jungle main chor ky kabilay ki trf wapis chala gya tha. Rachana ky wahan pohnchty hi wo sb Ninjas bhi samny aa gye jo pori raat uski nigrani ky lye bhejay gye thay.

K.S: Welcome! Kaisa rha jungle ka safr?

Rachana: Bs theak hi tha, shuru main to kuch dair boht darr lga lekin baad main darr nai lga….

K.S: Good….. Ab tumhain apnay master pr bhrosa ho rha hy, wakat ky sath sath or behtr ho jao gi….ye sb ninjas pori raat tumhari nigrani kr rhay thay

Rachana: Such main???? Mujhay to zra sa bhi mehsos nai hoa ky koi mere ird’gird hy

K.S: Mohsos ho jaye to phir humain Ninja kon khay…Chlo wapis chaltay hain….

        Usky bad wo dopehr tk wapis kabilay main pohnch jatay hain, Jahan Rachana ka boht acha istakbal kiya jata hy……

        Usky baad K.S kuch din tk Rachana ko Sword fighting or dusray hathiyaron ka istamal sikhata hy. Kuch din main wo pehly sy boht achi fighter bn jati hy or aik Ninja ki trah sword ky sath larna shuru kr dyti hy.

        Wo Rozana subah K.S ky sath boht dair tk larti. Aik din Subah subah kafi dair larnay ky baad jb wo tak jati hy to K.S usay kehta hy ky kuch dair tk nadi ky kinaray pohnch jao tumhain kuch btana hy. Wo kuch dair baad wahan pohnchti hy to wo wahan uska intzar kr rha hota hy.

Rachana: ji Sir……Main aa gyi

K.S: aao tum sy aik zruri baat krni hy….

Rachana: ji…

K.S: Tum aik Ninja ki trah behtreen Sword Fighter bnn gyi ho…..wo alag baa thy ky abhi tumhain Ninjas ky baki kamon main koi maharat hasil nai hy lekin tum sword Fighting main boht achi Ninja ho, lekin abhi tumhary andr aik boht bri khrabi hy jo apny kabilay ky logon ky lye khtra ho skti hy

Rachana: wo kya?

K.S: Ninjas aksar aisay halat main lartay hain jahan unhain is baat ka boht khyal rkhna parta hy ky kis ko marna hy or kis ko nai, kon apnay kabilay ka hy or kon dushman hy…. Chun’ky hum aksar andhery main larty hain is lye ye kaam or bhi mushkil ho jata hy. Aksar apnay kabilay ka koi Ninja achanak lrai main samnay aa jata hy or usay bachana boht mushkil hota hy. Lekin main ny apny kabilay ky sb Ninjas ko aisi training di hy ky agar koi apnay kabilay ka admi lrai main samny aa jye to chand centimeters ky faslay pr bhi sword rok kr usay bcha lya jata hy….lekin tum aisa nai kr skti is lye tum hum Ninjas sy zyada khatarnak ho….

Rachana: Kya aap mujhay uski training nai dain gy?

K.S : Filhal uski zrurat nai hy… abhi sikhnay ko or boht kuch baki hy, jb zrurat mehsos hoi tb wo bhi sikhaon ga…

Rachana: Jaisa aap behtr smjhain….Ab kya krny hy mujhay?

K.S : Ab tumhari raftar ko barhana hy…..tumhain us raat main ny jis rastay pr bheja tha wo aik aisa rasta hy jis main har kism ka ilaqa shamil hy, Ghana jungle, kantay, Khatarnak janwar, maidan, pani ki nadiyan wgaira. Agr tum us rasty pr khud ko tez raftar bna lo to tumhari raftar harr jga boht tez ho jaye gi…Bar bar tum us rastay pr jao or har dfa pehly sy jaldi pohnchny ki koshish kro…jb tumhain khud ye baat mehsos ho ky tum aik Shinobi (Ninja) jitni tez raftar ho tb tum wapis apnay ghar ja kr reh skti ho.

Rachana: Apko kya lgta hy mujhay is main kitna wakat lag jaye ga?

K.S: Kuch kha nai ja skta ye to tumhari mehnt pr hy agar din main aik dfa wahan ka chakar lgao gi to zahiri baat hy boht zyada wakat lgay ga or agar din main 6-7 dfa jao gi to thoda wakat lgay ga…. Ye tumhari marzi hy main tumhain is dfa paband nai krun ga.

Rachana: Theak hy….kya main kuch pouch skti hun?

K.S: Kya pouchna chahti ho?

Rachana: Aap ky mutalik?

K.S: Mere mutalik kya pouchna chahti ho?

Rachana: Abi tk ap ky mutalik kuch bhi nai pta to ap ky mutalik pouchna chahti hunk r ap kon ho? Kahan ky rehny walay ho? Age kitni hy? Qualification kitni hy? Wgaira wgaira……

K.S: Meri age 27 hy or main poray kabilay main sb sy zyada educated hun is sy zyada main apny mutalik nai bta skta….. Mere ilawa agr kuch janna chahti ho to pouch skti ho…

Rachana: Han kuch or batain bhi pouchni hain jinki abi tk mjy smjh nai ayi

K.S: Han bolo…

Rachana: Kbilay ki trf na to koi power line ati hy na koi or zriya hy bijli ky anay ka to phir poray kabilay ko bijli kahan sy milti hy? Jb sy main yahan hun tb sy kabilay main koi gari nai dekhi lekin phir rastay pr tyres ky nishan roz kaisy ban jaty hain?

K.S: Is nadi ko dekh rhi ho….. ye hmari sirf pani ki zrurt hi pori nai krti blkay ye hmain bijli bhi dyti hy…..

Rachana: wo kaisy?

K.S: Kuch arsa pehlay hum ny boht dur sy power lines bicha kr kabilay tk bijli pohnchai thi lekin aksar aysa hota ky dusman un lines ko nuksan pohnchatay or Kabila andheray main doob jata… tb hm ny us mslay ka ye hal nikala ky hmary pas jharna hy to kiun na hum iska istimal krain or bijli paida krain….kya tum mazeed janna chahti ho isky baray main?

Rachana: Han zrur

K.S: Chlo mere sath…(Jharny ky pas pohnch kr) ye jharna dikhnay main Natural lgta hy lekin ye pehly aysa nai tha, hum ny boht mehnat sy iski unchai ko brhaya ta’ky jharnay ky upar pani ka aik talab bnn jaye…phir is talab sy hum ny 2 pipes is talab sy jharnay ky nechay tk pohnchaye or unhain pathron sy achi trah chupa diya…..jharnay sy kuch dur aik Natural Tunnel (Srung) hy jahan turbine ko un pipes sy jora gya hy or wo turbine us pani ki takat sy ghoom kr bijli paida krti hain jis sy hmari bijli ki zrurat pori hoti hy. Kuch arsa tak aik or turbine lganay ka irada hy jis sy ird’gird ky gaon ko bijli dain gy or kabilay ki aamdni barhay gi.

Rachana: ye to boht akalmandi ki aap logon ny…..lekin wo dusri baat ky baray main nai btaya aap ny

K.S: Kabilay ky gate ky pas aik bri si imaarat to dekhi ho gi tum ny?

Rachana: Han dekhi hy lekin wahan gyi nai kbi….

K.S: wo building asal main hmari garion ki parking ky lye bnai gyi hy.

Rachana: Lekin us pori building main to koi bhi gate nai hy to gariyan wahan kaisy ati jati hain?

K.S: Us building main sy aik zamen doz Rasta kabilay sy bahir jata hy jis sy gariyan ati jati hain

Rachana: Lekin is rastay ki kya zrurat hy waisy gate bnany sy kya msla ho jata?

K.S: Jis trh tumhain Kabilay ky Power Source or garion ky baray main nai pta isi trah dusray kabilon ky log bhi ye baat nai jantay…or ye baat unhain bta kr hum apnay lye khtra paida nai krna chahtay.

Rachana: Such main aap boht akal’mand king ho or sb kuch boht achay tarikay sy chla rhay ho….

        K.S chala jata hy or Rachana kuch dair wahan ruknay ky baad jungle ki trf chali jati hy usi rastay pr jis pr usay K.S ny training krnay ka kha tha.

        Wo kuch din tk wahan kabilay main hi rukti hy or training ky sath sath wo or bhi maloomat hasil krti hy lekin usay jis cheez ky baray main jannay ki sb sy zyada hasrat thi us ky baray main wo boht hi km jaan pati hy or wo chez or kuch nai balkay K.S hy. Wo har kisi sy us ky mutalik pouchti lekin koi bhi usky baray main Rachana ko kuch btanay pr amada nai tha.

Rachana aik maheenay tak training krti rhi or akhir wo us raftar ko hasil krnay main kamyab ho gyi jo wo hasil krna chahti thi. Tb us ny K.S sy wapis apnay ghar janay ki ijazat mangi to K.S ny usay janay ki ijazat dy di. Wo wapis apnay ghar chali gyi lekin wo roz apna research ka adhora kaam pora krny ky foran baad Skinoke main pohnch jati or K.S sy kuch na kuch sikhti rehti.

Aik din jb wo dopehr ko apnay research ky kaam sy farig ho kr kabilay main pohnchi to K.S ny usko uski zid pr kabilay ky aik zruri kaam ky lye kuch Ninjas ky sath bhej diya. Wapis atay hoe un pr kuch Ninjas ny hamla kr diya chun’ky shinoke ky Ninjas tadad main km thay to unhain mukabla krny main kafi mushkil ho rhi thi. Rachana abhi pori trah Ninja nai bni thi is lye K.S ny usay janay sy pehly ye baat khi thi ky tum sirf intihai zrurat main hi larna waisay nai, is lye wo chup chap khari rhi lekin jb shinoke ky Ninjas ki halat kafi khrab ho gyi or wo zakhmi honay lgay to Rachana ko majboran larna pra. Usny boht bhaduri sy mukabla kiya or tb tak larti rahi jb tk wo Ninjas bhag nai gye jinhon ny un pr hamla kiya tha. Lekin larnay ky boht km tajurbay ki wjja sy wo boht buri trah zakhmi ho gyi. Or kuch dair baad

 zakhmon ki wja sy wahan hi behosh ho gyi. Jb usay wapis kabilay main pohnchaya gya tb tk wo hosh main aa chuki thi lekin ab bhi uski halat bohat kharab thi.

        K.S ny jb usay is halat main dekha or usay is wakay ka pta chala to us ny foran Rachana ky zakhmon ki marham patti ka hukm diya…

K.S: Tum ny aysa kiun kiya jb ky tumhain maloom tha ky tumhari kya halat ho skti hy?

Rachana: (Bilkul madham si awaz mein) Aap ny aj tak mjy hmesha ye baat sikhai ky apnay master pr bhrosa kro, main ny ap pr bhrosa kiya kiun ky ap ny kbhi mera bhrosa tootnay nai diya, aaj agr main wahan sy laray bgair bhag jati to ap ki nazr mein main kitna gir jati…..Jis ny kbhi mera bhrosa nai tootnay diya, to main uska bhrosa kaisy tor dyti?

K.S: Tum aik real Shinobi ho aj tum ny ye baat sabit kr di…aj tum ny hmaray lye apni jaan ki fikr nai ki, agr kbhi aisa moka aya tumhari zindgi mein to tmhary lye jan bhi hazir hy..kbhi khud ko akeli mt smjhna main wahan bhi tumhari maded ky lye aon ga jahan tumhain kbhi mere pohnchnay ki umeed bhi nai ho gi……ab batai krna band kro or zakhmon ka ilaj krny do phr tumhain main hospital ly jaun ga lekin filhal kuch na kuch marham patti to krni ho gi.

        Usky baad Rachana ky zakhmon ki marham patti ki jati hy, usky aik paon ky nazdeek kafi gehra zakhham ho gya tha. Marham Patti ky bad Rachana ko aik kamray main aaram krny ky lye chor diya gya. Wo hosh main thi or khamoshi sy ankhain band kr ky laiti hoi thi or apnay dard pr kabu panay ki koshish kr rhi thi, itnay main kamray ka darwaza khulny ki awaz ati hy jb wo ankhain kholti hy to K.S ko apni traf ata hoa dekhti hy or uthnay ki koshish krti hy.

K.S: Ab kaisi tbiyat hy? Zakhmon main zyada dard to nai ho rha?

Rachana: Dard to bohat ho rha hy lekin ab pehly sy behtr hun….

K.S: Chlo mere sath main tumhain Shehr ky bray Hospital main ly chlun wahan tmhara behtr ilaaj hoga…..

Rachana: Sir uski kya zrurat hy main yahan hi theak hun yahan bhi to sb mera itna acha ilaaj kr rhay hain

K.S: (Uski baat pr muskuraty hoe) Dramay na kro or uth kr chup chaap gadi main baith jao….

Rachana: Theak hy sir lekin mera paon boht zakhmi hy main chal nai skti, main car tk kaisay jaun gi?

K.S: Acha to agar main tumhain utha kr gari tk ly jaun to tmhain bura to nai lgay ga?

Rachana: (Kuch dair sochti hy) nai mujhay kiun bura lgay ga, lekin ap gira to nai do gy?

K.S: (Hanstay hoe) Bhrosa nai hy mujh pr?

Rachana: Sir ye koi pouchnay wali baat hy? Ap pr hi to sb sy zyada bhrosa hy….

        K.S usay utha kr kmray sy bahir ly kr jata hy jahan aik alag si dikhnay wali Black car khari thi. Car kr pichlay tyres agar ky tyres ki nisbt thoday bray thay or Car ky pichlay hisay pr aik bra or bhari wing lga hoa tha. Dekhnay sy maloom ho rha tha jaisay wo car intihai teezraftar or takatwar hy. Isky sath sath wo car boht khubsurat bhi thi.

        Us ny Rachana ko both ehtiyat sy us car main bithaya. Wo usay ly kr Hospital ki traf rwana ho gya, rastay main Rachana ny K.S sy us Car ky mutalik boht kuch poucha kiun ky us ny is trah ki car apni zindgi main pehli martba dekhi thi. K.S ny usay btaya ky ye Car us ny apni pasand sy tiyar krwai hy or isay design bhi us ny khud hi kiya hy. Ye har kism ky raston pr chalti hy or boht tez rafter bhi hy.

        Rachana ka hospital main ilaj krwaya gya or 2-3 din baad usay hospital sy chutti mil gyi lekin abhi bhi wo chal nai skti thi or na hi apnay kam pehlay ki trah kr skti thi. Rachana ky kehny pr usay Hospital sy Us ky ghar hi ly jaya gya. Kiun ky wo wahan hi rehna chahti thi jb tk ky wo bilkul theak na ho jaye.   

        Wo apni Family ky sath nai rehti thi kiun ky us ki family India main thi, lekin us ky ghar walon ny usay aik chota sa ghar khareed diya tha jahan wo rehti thi. Shuru shuru main wo akeli hi rehti thi lekin baad main uski dosti aik or larki sy hoi jo takreebn usi ki age ki thi or aik school main parhati thi, wo larki bhi akeli hi Rent pr aik ghar ly kr rehti thi, Rachana sy dosti ky baad Rachana ny usay kha ky tum mere sath mere ghar main rho, pehlay to us ny inkar kiya lekin Rachana ky israr pr wo man gyi or us ky sath rehny lag gyi.

        Jb us larki ny Rachana ka khyal rkhnay ki zimedari li to K.S ny Rachana ki baat man li or usay usi ky ghar main chor diya jaisa ky wo chahti thi.

        Rachana jb bhi jungle ya kabilay ki trf jati thi to hmesha apna munh dusray ninjas ki trah chupaye rkhti thi is lye is baat ka darr boht km tha ky koi usay pehchan jye ga or us pr hamla kray ga. Is lye K.S ny usay usky ghar chorna munasib smjha or wahan sy chala gya.

        K.S ny Kabilay main wapis pohnchtay hi sb Ninjas ko jmma kiya or un ko jga jga jungle main or dusray kabilon ki trf bheja ta’ky is baat ka pta chly ky un pr kis ny hmla kiya tha.

        Shinoke kabilay ky Ninjas ny poray jungle ka tukra tukra chaan mara or us hamlay sy mutalik boht si malumat hasil ki or 2 din main hmla krnay walay kabilay ka pta chal gya. Hamla us kabilay ny kiya tha jo un sy kuch dur unchai pr tha, jis trf sy nadi behh kr ati thi.

        Lekin K.S ny jaldbazi main koi galat kadam nai uthaya.

        Kabila Shinoke main K.S ny Ninjas ky 2 chotay grops bnaye hoe thay, aik group main 15-20 Ninjas thay jinka kaam jasosi tha wo kabilay ky bahtreen jasos thay, or dusray group main kabilay ky sb sy behtreen fighters thay.

        K.S ny un Jasoos Ninjas ky group ko us kabilay ki jasosi ky lye bhej diya ta’ky unky hamla krny ki wjja maloom ho skay. Takreebn aik hafta guzr gya Ninjas din raat unki jasoosi main lgay hoe thay lekin abi tk koi khaas maloomat nai mil ski thi.

        Aik din sham ko K.S jharny ky pas khra isi baray main soch rha tha. 2 Ninjas wahan aye or kuch btanay ki ijzat chahi. Ijazat milnay pr unhon ny btaya ky Rachana ka koi atta pta nai hy, uski friend ka kehna hy ky subah jb main kaam pr gyi to us wakt wo thek thak thi or ghar main mojud thi lekin jb main wapis ayi to ghar ka saman toota or bikhra hoa pra tha. Is ky ilawa jga jga khoon ky cheentay pray hoe thay or tb sy Rachana ka kuch pta nai chala. Uski friend ny hmain is mutalik btaya to hum ny foran wahan pohnch kr jaiza liya. Hmaray mutabik Rachana ko hmaray kisi dushman kabilay ny Agvaa kiya hy or us wakt tk wo zinda thi jb usay wahan sy ly jaya gya.

        K.S ko is baat ka boht sadma pohnchta hy or usay boht gusa ata hy wo kabilay ky sb jasoos Ninjas ko Rachana ki talash main lga dyta hy. Wo khud sidha Rachana ky ghar pohnchta hy or wahan ky halat ko ba’goar dekhta hy. Wo wahan sy khoon ka namona ly kr usi Hospital jata hy jahan wo Rachana ka ilaj krwa chukka tha, us khoon ka tajziya kiya jata hy to pta chalta hy ky ghar main jo khoon bikhra hoa hy us main Rachana ky khoon ky nishan hain or usky ilawa kisi or ky khoon ky nishan bhi hain.

        Is sy ye baat saf ho gyi ky Rachana pr kisi ny hamla kiya tha or Rachana ky sath uski boht khatarnak larai hoi, jis ky natejay main dono zakhmi hoe. Lekin abhi tk is baat ka theak trah kisi ko bhi nai pta tha ky lrai ky baad Rachana haar gyi ya jeet gyi. Kiun ky agar wo haar gyi thi to wo hamla krny walay ky kabzay main hogi or agar wo jeet gyi thi to wo wahan sy bhag kr dusray hamlay sy bachnay ky lye kahin chup gyi ho gi. Agar dusri baat hoti to Rachana ka 1-2 Din main koi ata pta milnay ki umeed thi lekin chun’ky abhi is baat ka koi pkka sabot nai tha ky wo kahin chuppi hogi is lye ab uska intzar krny main wakt zaya krna boht bri bevqofi hoti. Agar wo kisi ky kabzay main hogi to tb tk uski jan ky lye boht bra khatra bn jaye ga.

        Pechli dfa hamla kabila Laiezo ny kiya tha is lye iss dfa bhi shak usi Kabilay pr tha is lye K.S apnay Kabilay ky sb sy behtreen Ninjas ka aik group ly kr Jungle ko cheerta hoa wahan pohncha. Wahan pohnch kr us ny king sy milnay ka mtalba kiya jisko unhon ny foran man liya or K.S ko uskay baki sathion smait King ky pas ly gye.

K.S: Khud ko Shreef dikha kr tum kya sabit krna chahty ho?

King: Kya matlb?

K.S: Tum ye achi trah janty ho ky tum Shinoke ka mkabla nai kr sktay phir tum apni ye ghatiya harktain band kiun nai krtay?

King: K.S baitho or tafseel sy btao akhir hoa kya hy?

K.S: Tumhary kabilay ky Ninjas ny kuch din pehlay hmaray kabilay ky Ninjas pr hamla kiya… or iski koi wja bhi nai thi main ny apny ninjas ko aik zruri kaam sy bheja tha lekin jb wo wapis aa rhay thay to tumhary Ninjas ny un sy larna shuru kr diya. Wo sirf chnd Ninjas thay jin pr tumhary Ninjas ky aik boht bray group ny hamla kiya, mere Ninjas ko itni buri trah zakhmi kiya, agar meri student jo abhi mujh sy seekh rhi hy wo wahan na hoti to tum logon ny to un ka kaam tmam kr dyna tha…..Mujhay 2 Din baad tumhari is harkat ka pta chal gya tha lekin main ny tum logon ko kuch nai kha ky shyed tum logon ko sharm aa jaye or khud hi apni galti ki mafi mang lo….Lekin tum logon ny apni galti mannay ki bjaye hmaray chup rehny ko hmari kamzori smjha or dobara Rachana pr hamla krwaya, abhi to usky pehly zakhm bhi theak nai hoe thay or tum ny dobara us pr hamla krwaya or abhi tk uska kuch pta nai chala….ab tum sidhi trah usko mere hwalay kro gy ya phir main apnay tarikay sy usko yahan sy ly jaun?

King: Main ye sb janta hun or apni galti bhi manta hun lekin hum ny Rachana pr dusri dfa koi hmla nai krwaya. Hmain to is mutalik abhi tk pta bhi nai chala….Main tumhain kuch btana chahta hun, tum itnay bray kabilay ka nizam itni achi trah chlatay ho umeed hy tum meri baat ko smjho gy

K.S: Bolo main sn rha hun…

King: Jaisa ky tumhain pta hoga ky poray kabilay ka nizam main akela nai chlata, zyada tr mamlat ko main hi hal krta hun lekin Larnay ka or kabilay ki hifazat ka kaam main nai krta. Wo sb kuch Kbilay ky fighter Ninjas ka Commander --- krta hy. Wo hmary kabilay ka sb sy behtreen Ninja tha, shuru main jb usay commander bnaya gya to wo boht achay sy apnay kaam ko pora krta tha or koi galti nai krta tha lekin achanak usay kuch ho gya, us ny dusray kabilon ky logon pr hamlay krwany shuru kr diye, aam logon ko tang krna lotna shuru kr diya. Uski in harkton ki wjja sy aik to kabila Laizo badnam ho rha tha or dusra hmaray dushman bhi barhtay jar hay thay. Main aksar usay in harkton sy mna krta lekin wo meri baat ko peeth pechay dal dyta or apnay kaam jari rkhta. Tumhary Ninjas pr bhi usi ny hmla krwaya tha or us lrai main sirf tumhary Ninjas hi zakhmi nai hoe thay blkay tumhary kabilay ki us larki ny hmary aik Ninja ko itni buri trah zakhmi kr diya tha ky wo wapis pohnchnay sy pehlay hi rastay main dam tor gya. Lekin galti hmari thi is lye khamosh rhay. Kal Subah --- mere pas aya or us ny kha ky main is kabilay ko chor rha hun or sath main us ny Kabilay ky boht sy behtreen Ninjas ko bhi apny sath ly janay pr aamada kr liya. Un Ninjas ki wja sy hum us ky sath larr bhi nai sktay thay kiun ky hmain saf shikast honi thi. Tb sy hmain is baat ki koi khabar nai ky wo apnay Ninjas ky Group ko ly kr kahan chala gya. Hoskta hy us ny apnay Ninja ko marnay ka badla lyny ky lye Rachana ko agvaa kiya ho…..

K.S: Kya wo is had tk gir skta hy ky aik larki ko agvaa kry?

King: Pehlay to wo aysa nai tha lekin ab agr wo kabilay ko chor skta hy to larki ko agvaa krna us ky lye kon si bri baat hogi….

K.S: Kya tum mjy bata sktay ho ky us ky milnay ki umeed sys y zyada kahan hy?

King: (Kuch dair sochnay ky baad) Us ny kabilay ko choro to zahiri baa thy usky pas koi or thikana hoga,wo kabilay ky Commander jaisa behtreen kam aisay to nai chor kr chala gya, usay koi is sy bhi behtr offer mili hogi waisy bhi  itnay Ninjas ki zrurtain jungle main chup kr to pori nai ho sktien, is lye mera zehn kehta hy ky tumhain aisi jga talash krni chahiye jahan usay ye sb milnay ki umeed ho. Or mera ishara kis traf hy ye tum bakhobi smjh gye ho gy……

K.S: Han smjh gya….Chalta hun…

King: K.S baat suno, tum sy aik Request hy agr tum man lo…

K.S: Han bolo…..

King: Tum behtreen Ninja honay ky sath sath aik behtreen King ho or apnay kabilay ko boht achi trah sambhalty ho. Ab hmaray kabilay ki halat boht kharab hy, sb behtreen Ninjas chlay gye, boht sa keemti saman bhi apnay sath ly gye, ab hmaray kabilay ki halat ye hy ky job hi Ninjas hain wo is kabil nai hain ky koi bra hamla rok skain or na hi ab hmaray pas itna pysa hy ky hm apnay nazam ko behtr trikay sy chala skain…to kya tum hmain in halaat sy nikalnay main koi madded kr sktay ho?

K.S: Main smjha nai kis trah ki madded chahtay ho tum mujh sy?

King: Mere pas 2 Rastay hain or main dono ko mannay ky lye razi hun, jo tumhain behtr lgay wo kro

K.S: Han bolo…

King: Pehla ye ky tum hmain thodi imdad or tahafuz do…jaisy hi hmaray halat theak hon gy to hm tmhain sb kuch wapis kr dain gy… or dusri baat ye ky tum hmaray kabilay ky king bn jao or apnay tarikay sy isay wapis pehly jaisa bnao…baad main agar tum kabilay ko chorna chaho to chor sktay ho or agar King rehna chaho to tb bhi hmain koi msla nai….agr tum apnay or hmaray kabiay ko aik bnana chaho to tb bhi hmain manzor hy…….

K.S: Main is baray main akelay main soch kr kuch faisla krun ga filhal mujhay Rachana ki talash hy. Jb ye mamla hal ho jaye ga to main kuch faisla krun ga.

King: Jaisa aap behtr smjhain….

        K.S wahan sy wapis aa jata hy or jharnay ky pas baith kr is baray main sochna shuru krta hy ky Rachana ko kahan dhonda jaye. 2-3 Ghantay tk wo gehri soch main dooba rehta hy or phir Kabilay ky sb jasoos Ninjas ko jmma krta hy or unhain us teesray kabilay ki trf bhejta hy kiun ky ab wo hi aik kabila tha jo Kabila Laiezo ky Bhagay hoe Ninjas or un ky Commander ko pnnah dy skta tha or Kabila Shinoke ky khilaf ja skta tha.

        Raat ho gyi to sb Ninjas us traff rawana ho gye. Wo nadi ky sath sath sy janay ki bjaye jungle ky bech sy lambay Rastay sy wahan gye ta’ky koi unhain dekh na paye. Subah tk wo Ninjas us kabilay ky idrgird mojud rhay or kabilay ky aik aik shakhs pr gehri nazr rkhi. Subah honay sy kuch dair pehly aik Ninja K.S ky pas wapis aya or usay btaya ky us Kbilay main aik emarat aisi hy jis ky kareeb kisi ko janay nai diya ja rha or us emaarat pr boht sakhat pehra bhi hy, hmain shak hy ky Rachana wahan hi hy, aap ko wahan ja kr dekhna chahiye.

K.S usky sath nikl pra or boht tez rafter sy Jungle parr kr ky subah ki roshni namodar honay sy pehly wahan pohnch gya. Wahan pohnch kr usny achi trah har traf sy ghoom kr us kabilay ko dekha. Us ky lye dusray Ninjas ki nisbat ye kaam asan tha kiun ky wo jasosi main kabilay ka sb sy behtreen Ninja tha. Usay wahan pohnch kr aik or boht ehmm baat pta chali. Kabila Laizo ka commander jo kabilay chor kr chala gya tha wo bhi wahin us kabilay main tha jahan Rachana ky milnay ki Umeed main kabila shinoke gya tha. Kafi mehnat ky baad K.S ko akhir is baat ka pta chal hi gya ky Rachana usi kabilay main hy or usky milnay ki sb sy zyada usi emaarat main hy jahan boht zyada pehra hy.

Is ky baad K.S ny hamla krny ky baray main socha. Sb sy behtreen wakat dopehr ka wakt tha kiun ky us wakat kabilay ky log apny apnay kamon main mashgool hotay hain, kisan apnay khaiton main gye hoe hotay hain, aksar behtr Ninjas bhi kisi na kisi kaam sy kabilay sy bahir gye hoe hotay hain. Is lye agar us wakat hamla kiya jaye or zyada hngama kiye bgair Rachana ko wahan sy ly ja sktay hain.

K.S ny akhir ye hi tadbeer ikhtiyar ki or wapis apnay kabilay main loat aya or sb behtreen Ninjas ko jma kiya or aik mazbot team bnai or unhain hmla krnay ky baray main sb kuch smjhaya. Hmlay ka wakat teh tha. Us din K.S bhi unky sath larnay ky lye gya kiun ky ye us ky lye aik boht ehm baat thi.

        Hamlay krnay ky teh wakat sy kuch dair pehly K.S apny Ninjas ky sath Kabilay sy rwana hoa. Jungle main sy wo is trah guzr rhay thay jaisa koi tez rafter gari sarak pr jati hy.Jungle main aik tofaan macha hoa tha. Gehray neelay rang ky saye ki trah wo Ninjas tezi sy us tarf barh rhay thay.

Wahan pohnchtay hi sb Ninjas ny us kabilay main dakhil hona shuru kr diya. Jaisa ky K.S ny unhain kaha tha waisay hi unhon ny khamoshi sy chup kr hamla kr diya or aihsta aihsta us emaarat ky ird’gird mojud tmam pehraydaron ko wahan sy htta diya or rastay pr jga jga chup gye or rastay ko khula rekhnay ky kaam main lg gye. Usky baad K.S 4 Ninjas ko sath ly kr us emaarat main dakhil hoa. Emarat ky andar bhi kafi Ninjas thay lekin K.S ky samnay koi bhi kuch na kr ska, pehraydaron ko marnay ky baad unhon ny Rachana ki talash shuru kr di, pori emaarat ka aik aik hissa chaan mara lekin Rachana ka koi nam-o-nishan nahi tha. Baki sb Ninjas is baat sy mayoos ho chukay thay lekin K.S zra bhi preshan nahi tha us ny koshish jari rakhi or akhir usay aik chuppa hoa rasta mila jo zameen ky nechay jata tha. Ye dekh kr baki Ninjas main josh ki aik lehr dorr pri or K.S ky sath wo 4ron bhi us rastay pr chal pray. Jaisay hi wo zameen ky nechay mojud us jga pr pohnchay to wahan us kabilay ky 5-6 Ninjas mojud thay. Un main sy 2 larai main boht mahir manay jatay thay. Ye Shinoke kabilay ky Ninjas ky lye boht mushki kadam tha kiun ky un Ninjas ka samna krna koi aasan kaam nai tha. K.S ny apnay Ninjas ko larnay sy pehly kha ky yahan sy bhagnay ki bjaye marr janay ko tarjeh dyna, agar main lartay hoe marr bh jaun to Rachana ko yahan sy Nikal kr ly jana meri fikr mt krna, jis maksad sy hm yahan aye hain wo pora hona chaiye usay mt bhoolna.

Usky baad wo larna shuru kr dyty hain. Us kabilay ky Ninjas sb sy Zyad K.S ko marnay ki koshish krtay hain kiyn ky un ky lye apnay dushman kabilay ky King ko marnay sy behtr or kya ho skta tha? Lekin jis cheez ki jitni ehmiyat hoti hy us cheez ko hasil krna utna hi mushkil hota hy.Isi trah wo K.S ko marnay ki koshish main lgay rhay lekin K.S or us ky sath 4 Ninjas ka mukabla krna unky lye kafi mushkil tha.

Dusri trah Baki Ninjas pori bhaduri ky sath apni apni jga pr dttay hoe thay. Wo pori koshish kr rhay thay ky is hamlay ki khbar kabilay sy bahir na jaye or us kabilay ki maded ky lye koi na aa skay.

Kafi dair larnay ky baad K.S or usky 4 Ninjas ny un sb ka kaam tamam kr diya. K.S chun’ky unky 2 behtreen Ninjas ky sath akela hi larr rha tha is lye usay Swords sy kafi zakham aye. Usky baad unhon ny wahan Rachana ki talash shuru ki. Zameen ky nechay mojud wo jga kaidion ko rakhnay ky lye bnai gyi thi.

Kuch dair baad unhain aik kamra mila jiska drwaza lock kiya hoa tha. Jb wo darwaza tora to unki nazr Rachana pr pri wo behosh pri thi or buri trah zakhmi thi. K.S ny pas ja kr jaldi sy uski nabz dekhi to usay kuch hosla mila kiun ky wo abi tk zinda thi or uski saans bhi chal rhi thi.Lekin agr usay zinda bachana tha to usay boht jald ilaaj ki zarurat thi. 

K.S ny wahan pri aik kalay rang ki chadar uthai or Rachana ko us main lpaita kr utha liya or jaldi sy wahan sy nikla. Emaarat ki chat pr pohnch kr us ny Kabily walon ko kha ky tum logon ny K.S ky sath ye harkat kr ky apnay lye khud khdda khoda hy, tum khushkismat ho ky mjy yahan sy jaldi jana par rha hy lekin main boht jald wapis aaon ga tb tum logon ki wo halat krun ga jo tum kabhi bhula nai sko gy, Rachana abhi zinda hy is lye tum logon ko zinda chor rha hun.

Usky baad wo Rachana ko utha lyta hy or baki sb Ninjas ky sath wahan sy chala jata hy or Jis rafter sy wahan aya tha usi rafter sy wapis jata hy lekin zakhmi honay ki wja sy kuch dur pohnch kr uski rafter km ho jati hy lekin wo rukta nai. Rastay main Rachana ko hosh aa jata hy or wo usay ruknay ka kehti hy to wo ruk jata hy.Usay dekh kr baki Ninjas bhi ruk kr wahan jmma ho jatay hain.

K.S: Tum theak ho Rachana?

Rachana: Main nai janti, mujhay nai pta ky ab main zainda bachun gi ya nai, lekin main tumhain aik baat kehna chahti hun…..Mujhay galat mt smjhna…. Main tumhain boht chahti hun.

K.S: (Usay glay sy lga lyta hy) Main bhi tumhain boht chahta hun or tumhain kuch nai hoga jb tk main zinda hun…….

        Ye baat sn kr Rachana ki ankhon main aansu aa jatay hain. K.S wakat zaya kiye bgair usay ky kr manzil ki trah rwana ho jata hy, Zakhmi honay ky bavjod wo baki Ninjas ki rafter sy jungle parr kr rha tha. Kuch dair baad wo kabilay main pohnch jatay hain or foran Rachana ka ilaaj shuru ho jata hy. Ibtdai ilaaj ky baad Rachana ko Hospital ly janay ki zrurt mehsos ki jati hy to kabilay ki gadi foran usay Hospital pohncha dyti hy jahan uska ilaaj shuru ho jata hy.

        Kuch ghantay uska ilaaj chalta hy, Doctors K.S ko btatay hain ky usay koi androni chtain nai ayien. Lekin zakhmi honay ki wjja sy uska boht sa khoon beh gya tha. Or yahan pohnchnay sy pehly usky jism sy khoon ka behna na roka jata to usay bachana boht mushkil ho jata. Ab wo khatray sy bahior hy or raat tk hosh main aa jaye gi or kuch din main bilkul theak ho jaye gi kiun ky usay koi andron chot nai ayi.

        Ye baat sn kr K.S ko boht Khushi hoti hy. Rachana ko wapis hosh main anay main abhi kafi wkt baki tha is lye wo wapis kabilay main gya kiun ky aaj Kabila Shinoke ny Rachana ko bachanay ky lye jo karwai ki thi us ky natejay main dusra kabila un pr kisi bhi wakat hamla kr skta tha. K.S ny kabilay main pohnch kr boht sy hifazti ikdamat kiye, us ny Gates pr Ninjas ki taded ko barhaya or kabilay ky irdgird Ninjas ko khara kr diya. Is ky ilawa us ny Kabilay ky andar Ninjas ka aik group tashkeel diya jo kisi bhi hamlay ka mukabla krnay ky lye tyar tha. Jb usay is baat ka itminan ho gya ky ab kabila bilkul mehfoz hy or har trah ky hamlay ka mukabla kr skta hy to us ny Kabilay ka sara intizam dusray king ky hwalay kiya or kuch Ninjas ko sath ly kr wapis shehr main mojud hospital ki traf chala jata hy jahan Rachana zer-e-ilaaj thi.

        Kuch dair baad wo Hospital pohnch jata hy. Abhi tk Rachana hosh main nai ayi thi. Doctors sy milnay ky baad wo Rachana ky hosh main anay ky intzar main us ky pas baith gya. Baki Ninjas jo usky sath aye thay wo unki hifazat ky lye kamray ky ird’gird phail gye.

        Kafi dair tk wo intzar krta rha. Takreebn adhi raat ko Rachana ko hosh ata hy

K.S: Welcome back ayk nyi zindgi main….Tbiyat kaisi hy ab?

Rachana: Ap ko kya lgta hy?

K.S: Mere khyal main to tum bilkul theak ho.

Rachana: Acha ap kehtay ho to man lyti hun waisy mujhay to aisa nai lgta ky main bilkul theak hun. Aap ny kha tha ky mujhay kuch nai hoga to mujhay kuch nai hoa to is dfa bhi ap hi theak keh rhay ho gy…Kya ap such main mujh sy pyar krtay ho ya sirf mera dil rakhnay ky lye bol rhay thay?

K.S: Tumhain koi shak hy is baat main….Main aisi baton main mzak nai krta…..Shadi kro gi mujh sy?

Rachana: Chlo kuch to ap ny poucha main to soch rhi thi ky ye bhi mujhay hi pouchna pray ga.

K.S: (Hanstay hoe) Mujhay kya pta tha ky tum mujh sy pyar krti ho. Tum ny kbhi aisa mehsos hi honay nai diya, agar pta hota to main hi bol dyta.

Rachana: Agar main ap ko na bolti to ap kbhi bhi na boltay? Aap pehlay bhi mujha pyar krtay thay iska kya sboot hy?

K.S: Agar main tumhain pyar na krta to main tumhain mot ky munh sy bachany ky lye apni jaan khatray main kiun dalta?  Ab btao shadi kro gi mujh sy?

Rachana: Han…..Lekin ap ab to apnay baray main btao…

K.S: Acha suno phir dehan sy…..Main aik aam insan tha or Pakistan ky aik shehr main rehta tha or taleem hasil kr rha tha.Zindgi aam logon ki trah ktt rhi thi. Harr subah aik jaisi, har dophr aik jysi, Harr sham aik jaisi hi guzrti thi. Main aik muslim family sy hoon. Meri aik choti si family hy. 3 Behn bhai hain. Mera bachpan sy aik Khwab tha jisay pora krna mera maksid tha. Wo ye ky main aik Ninja bnna chahta tha. Main aik alag pehchan bnnana chahta tha, aik alag trah ki zingdi guzarna chahta tha, main wakt ka gulam bnnay ki bjaye wakt ko apna gulam bnnana chahta tha. Jaisay hi main ny apni taleem yani M.Sc pori ki to main ny apnay maksid ko hasil krnay ky lye koshish shuru krdi. Sb sy pehla kaam ye tha ky mujhay kisi samudai ki talash krni thi jo mujhay apnay maksid ko pora krnay main maded kray. Us ky lye mujhay boht talash krni thi jis ky lye kafi paisay or wakt ki zrurat thi. Mere pas wakt to tha lekin paisa nai tha. Is lye Main ny pehlay to kuch paisa jma krna chaha. Main ny 1 sal tk boht mehnat ki, Subah ko main aik College main parhata tha, wahan sy farig honay ky baad main raat tk jga jga logon ko parhata or parhany ky ilawa bi aik Nokri krta tha. Isi wja sy aksar ghar walay bhi gila krtay thay ky tum itna kaam krtay ho lekin boht kam paisay ghar main dyty ho, Akhir tum itna paison ka krtay kya ho?Lekin main unhain baton main taalta rha or paisa jmma krta rha. Aik saal gizarnay ky baad mujhay lga ky ab mere pas itna paisa jmma ho chukka hy ky main apnay maksid ki talash main nikl skun. Lekin ye kadm uthany sy pehlay main is main apnay ghar walon ki rzamandi chahta tha is lye main ny un sy is baat ka zikr kiya or unhain apni baat itminan sy btai. Or un sy is baat ki ijazat mangi ky main kisi samudai ki talash main jana chahta hun mujhay janay dain. Lekin unhon ny kaha ky tum pagal ho tum kya soch rhay ho tumhain is baat ki koi khabbar bhi hy? Tum jo ho, jahan ho wahin theak ho tumhain kahin janay ki zrurat nai. Main ny 2-3 mhinay tk unhain mnanay ki koshish ki lekin main unhain nai mnaa skka. Tb mere upar aik mushkil faislay ki gharry thi. Ya to main apna salon porana maksid chorta ya pir apnay ghar walon ko. Kafi sochnay ky baad main ny ye faisla kiya ky main apnay maksid ko nai chorun ga, agar mere ghar walay mujhay smjhtay hain to aik din wo is baat ko bhi samjh jayen gy ky main galat nai tha. Main ny wahan sy janay ki tyari ki or aik raat main ny irada kiya ky ab main jaun ga to main ny aik Page pr apnay ghar walon ky lye aik paigham likh kr chor diya or chala gya. Us mein main ny unhain ye kha tha ky “main ap logon ki marzi ky khilaf ja rha hun, main aisa nai krna chahta tha is lye main ny ap sb ko mnanay ki koshish ki lekin afsos ap kog mujhy smjh nai skay, main apnay maksid ko nai chor skta, is lye main apnay maksid ko pora krnay ki umeed main ja rha hun, agar main kamyab ho gya to main ap logon sy aik dfa rabta krun ga tb tk shyed ap log mujhay smjh chukay ho gy. Or agar main nakam ho gya to main zindgi bhar ap logon ko apna chehra nai dikhaon ga”. Us ky baad main ny apna safar shuru kiya, us wakat mera irada boht mazbot tha pr agar mujhay yahan koi samudai ya Ninja na milta to main China jata wahan bhi mujhay agar nakami hoti to main Japan jata or tb tk main talash jari rkhta jb tk mujhay koi samudai nai mil jata. Lekin meri kismet achi thi ky mujhay sirf 4 mhenay ki talash ky baad is ilakay ka pta chala to main yahan aya.(Isky bad K.S khamosh ho jata hy)

Rachana: Kya hoa khamosh kiun ho gye agay btao na….

K.S: Boor to nai ho rhi meri baton sy ?

Rachana: Nai nai is main boor honay wali kya baat hy? Main to khushkismat hun jo ap mujhay ye sb bta rhay ho…

K.S: Us wakt main is ilakay main aya. Main ny kuch din yahan ky logon sy maloomat hasil ki to mujhy pta chala ky yahan 3 kabilay thay jinko tum janti ho. Us wkat in kabilon ki apas main boht lrai hoti thi. Kuch arsa main ny 3no kabilon ky mutalik maloomat hasil ki. Us wakat mujhay kabila Shinoke dusron sy behtr lga or iska King boht behtreen Ninja tha. Main ny akhir kar isi kabilay ko chuna or aik din wahan chala gya. Kuch batain pouchnay ky baad wo mujhay apnay king sy milanay ky lye ly gye…

Rachana: Kya poucha unhon ny?

K.S: Unhain is baat ka shak tha ky main kisi dusray kabilay ka josos bhi ho skta hun is lye unhon ny mujh sy kafi swal kiye ky main kon hun? Kis kam sy yahan aya hun? King sy kiun milna chahta hun?

Rachana: To phir ap ny bta diya sb kuch?

K.S: han majbori thi to btana pra

Rachana: Han phir kya hoa?

K.S: Phir wo mujhay apnay king ky pas ly gye. Wo kafi zyada umar ky admi thay lekin sehat or takat ky lehaz sy wo baki Ninjas jaisay hi thay. Main ny un sy kha ky main Ninja bnna chahta hun, ap mujhay training do gy? To unhon ny kha ky kya tum main aik ninja bnay ki lggan hy ya waisy hi bnna chahty ho? To main ny unhain apni sari dastaan sunai or kha ky ab aap khud andaza lga sktay hain ky ye lggan hy ya nai?

Rachana: To unhon ny kya kha?

K.S: Unhon ny kha ky main tumhain khud Ninja ki training dun ga kiun ky tum main aik Ninja bnnay ki wo lggan hy jo boht km logon main hoti hy.Or aksar aisay hi insane anay walay wakt main boht bray or kamyab log bntay hain. Us ky baad unhon ny mujhay training dyni shuru kr di. Tumhain lgta hoga ky tumhari training sakhat thi lekin tumhari training mere samnay kuch bhi nai thi. Mujhay mere master ny usi pul sy, jis sy tum ny chand dfa chalang lgai, 400 sy zyada dfa thanday or barfilay pani main chalang lgwai thi. Or usi Jungle mein main ny Kitnay mahino tk training ki thi. Sword fighting mein unhon ny mujhay boht mahir bnaya. Takreebn 2 Sal ki training ky baad unhon ny mujhay aik mukamal Ninja bnaya. Mjy unhon ny itna takatwar bnaya ky main mazbot sy mazbot lakri ko apnay hath sy torr skta hun. Or itni tez raftar tk pohnchaya ky main akela 4 behtreen Ninjas ka aik sath mukabla kr skta hun. Meri training pori honay ky kuch arsa baad hmari or us kabilay ky sath, jinhon ny tumhain agvaa kiya tha, boht zordar lrai hoi jo boht din tak chalti rahi. Us larai main wo king jo mere master thay wo boht buri trah zakhmi ho gye or wo zakhmon ki wja sy dam tor gye. Mujhay unki mot ka bohat dukh hoa. Main ny unki mot ka badla lyny ka pkka irada kr liya or kuch Ninjas ky sath unki mot ka badla lyny aik raat unky kabilay ki traf Nikal pra. Main or mere sathi Ninjas ny un pr hamla kr diya. Hum pori raat chup kr unky Ninjas ko martay rhay lekin jb unky king ky pas pohnchay to hmain khul kr sb ky samnay larna pra. Subah tk hum 6 Ninjas main sy sirf 2 Baki thay baki sb ny apni jaan dy di. Tb mera or us kabilay ky king ka mukabla hoa, tb main itni buri trah zakhmi tha ky mere jism ka shyed hi koi aisa hissa baki ho jahan mujhay zakhm na aya ho lekin main ny jb tk us king ko mar nai diya main ny wapis janay ky baray main socha tk nai. Kafi larnay ky baad jb usay marnay mein main kamyab ho gya to main ny apny sathi bachay aik Ninja ko bacha kr wahan sy niklna chaha or chakma dy kr wahan sy nikl aye. Lekin mera wo sathi itni buri trah zakhmi tha ky usay main kabilay tak nai pohncha paya, us ny rastay mein mere hathon main apni jan dy di. Uski mot ka mujhay be had afsos hoa, us ny larai mein mera boht saath diya tha, agar wo na hota to main kbhi us king ko marr na skta. Jb wapis main kabilay main pohncha or unhain btaya ky hum ny us kabilay ky king ko marr diya to sb ny hum sb Ninjas ki bhaduri ka boht shukriya ada kiya or sath sath baki Ninjas ky marnay ka unhain boht dukh hoa. Unhon ny 2 mhinay tak mera ilaaj kiya or jab main theak hoa to sb ny mujhay King kabool kr liya. Pehly king ky marnay ky baad sy mere theak ho kr king bnnay tk jis ko kabilay walon ny king bnaya tha main ny usay htana munasib nai smjha is lye main ny kabeelay ky androni mamlat ko un ky zimmay lga diya or aj bhi wo hi kabeelay ky sb androni mamlat smbhal rhay hain. Ye thi meri zindgi ki kahani….

Rachana: Lekin aap ny apnay ghar walon sy rabta kiun nai kiya?

K.S: boht jald krun ga……main ny tumhain sb such such bta diya lekin tum ny mujh sy jhoot kiun bola?

Rachana: (is baat sy aik dam chonk jati hy) Kaisa jhoot? Main ny koi jhoot nai bola…..

K.S: Tumhara nam Rachana nai hy…Kiun theak keh na main ny?

Rachana: (Kuch dair khamosh rehny ky baad) Han….! Pr main apko ye baat btanay hi wali thi…..Lekin yahan main ny kisi ko bhi ye nai btaya ky mera nam rachana nai hy to apko kaisay pta chala?

K.S: Mere master sirf aik Ninja hi nai thay wo Black Powers ko control krna bhi jantay thay lekin wo aisa sirf tb krtay thay jb unky pas koi or rasta na bachta, wo khud bhi in Powers ko istimal krna theak nai smjhtay thay. Ye baat boht km log jantay thay ky wo Black Powers ko control kr sktay hain, or un logon mein aik main bhi hun. Unhon ny mere samnay bhi aysa kiya tha lekin us manzar ko sirf wo hi dekh skta hy jis ky andr aik zra bhi darr na ho. Unhon ny training khtm honay ky baad mujhay bhi aik technique sikhai thi, unhain lgta tha ky ye mere lye behtr hy or is sy kisi ko koi nuksan nai hoga. Us technique ko Black Shaddow Kehtay hain. Uski maded sy main harr us shakhs sy baat kr skta hun jis ka chehra main ny dekha ho or uska asal nam mujhay pta ho, Chahay wo duniya ky kisi bhi konay main ho, lekin is mein meri boht si takat zaya hoti hy or meri ankhon main jitna zyada cheezon ka akas hoga utni hi power zyada lgay gi is lye main hmesha apni aik aankh ko chupaye rkhta hun is sy meri takat boht kam zaya hoti hy.

Rachana: To is baat ka mere nam sy jurri asliyat jannay ka kya taluk hy?

K.S: Jb tumhain unhon ny aagvaa kiya tha to us wakat main ny tum sy rabta krny ky lye Black Shadow technique ka istimal krny ki boht koshish ki. Tumhara chehra to main dekh chukka tha, lekin phir bhi tum tk apni baat nai pohncha pa rha tha jis sy ye baat saf thi ky tumhara nam kuch or hy, tumhara nam Rachana ho hi nai skta.

Rachana: Sorry Mujhay maf kr dijye main ny ap sy jhoot bola lekin main yahan kisi ko apna asal nam nai btana chahti thi is lye na chahtay hoe bhi ap sy jhoot bola

K.S: Sirf aik shart pr mafi milay gi tumhai….

Rachana: wo kya?

K.S: Ainda mujh sy kbhi jhoot na bolnay ka wada kro…

Rachana: Theak hy main wada krti hun ainda kbhi ap sy jhoot nai bolun gi…..

K.S: Ab btao tumhara asal nam kya hy?

Rachana: Ap ko bta dyti hun pr ap kisi or ko mat btana……mera nam Ria hy.

K.S: Itna acha naam hy tumhara isay kiun chupati ho…

Ria: Bs youn hi……

K.S: Acha tum aram kro main subah tumhain milun ga…

        Kuch din Ria hospital main hi guzarti hy jahan Ninjas harr wakt uski hifazat ky lye mojud rehtay. Dusray kabilay ny koi hamla nai kiya lekin Shinoke ky Ninjas ny kisi trah ka koi khatra nai uthaya or kabilay ko pehlay ki trah mehfo rekhnay main lgay rhay.

        Jb Ria ki halat kuch behtr ho gyi or wo chalnay phirnay ky kabil ho gyi toh usay Hospital sy chuti mil gyi. Lekin is dfa K.S ny usay Kabilay main rehnay ka kha or apnay ghar rehny sy mna kiya to wo man gyi or apna ghar apni Dost ko dy kr kabelay main rehnay lg gyi.

        Un dino Kabila laizo ka king K.S sy milnay aya or usay dobara usi baray main kha ky hmaray kabilay ki maded krnay ky baray main ap ny kuch socha ya nai? Unki guftgo kuch youn thi

 King of Laizo: Ap ny kha tha ky main soch kr btaun ga jb ye masla hal ho jaye ga…ab btaiye ap ny kya socha is baray main?

K.S: Agar main apni jga kisi or ko ap ky kabilay ka King bnaun to ap ko koi aitraz to nai hoga?….ap logon ka maksid apnay kabilay ko pehlay jaisa bnana hy, wo meri zimmedari pr chor do….

King of Laizo: Hmain is baat sy koi aitraz nai lekin jisko bhi ap hmara king bnao soch smjh kr bnana kahin wo bhi pehlay ki trah gaddaar na niklay

K.S: Main jisko bhi king bnaon ga uski pori zimedari main khud  ln ga. Or main kisi larki ko bhi King bna skta hun apni zimedari pr…

King of Laizo: Jaisi apki marzi ap apnay trikay sy is mislay ko suljhao hum apky sath hain….

K.S: Main 2 Din tk tumhain bta dun ga ky main kisay king bnanay wala hun…

        K.S ab is soch main tha ky kisay Kabila Laizo ka king bnaye. Us ny kabilay ky bohat sy Ninjas ky baray main socha lekin har koi usay kisi na kisi wja sy is kaam ky lye theak na lgta. Akhir usny Ria ky baray main socha. Wo bhi boht parhi likhi thi or akalmand thi, is lye wo ye kaam behtr tor pr anjam dy skti thi is lye K.S ny usay chuna lekin K.S ny koi faisla lyny sy pehlay us sy baat krna zyada behtr smjha.

        K.S ny Ria ko bolaya, Jb wo ayi to K.S ny us sy is mutalik poucha

K.S: Ria agar main tumhain aik zimedari dun to kya tum pori kro gi?

Ria: Han zrur lekin main smjhi nai kysi zumedari ki baat kr rhay hain ap?

K.S: Baat ye hy ky Kabila laizo ky halaat boht khrab hain kiun ky unky boht sy behtreen Ninjas kabila chor kr chlay gye. Ab wo mujh sy madded chahtay hain or main unki madded krnay ky lye tyar hun or ab mujhay aik aisay Insan ki talash hy jisay main us kabilay ky King ki jgga dy skun. Meri nazr main tum is kaam ky lye bilkul theak ho kiun ky tum bhi kafi parhi likhi ho or akalmand ho. Toh kya tumhain manzor hy?

Ria: Waisay mujhay is baat sy inkar to nai lekin bs mujhay 2 baton ki thodi fikr hy

K.S: Btao kon si baat ki fikr hy?

Ria: aik to ye ky meri wja sy unka aik Ninja mara gya, isky bavjod kya wo mujhay kabol krain gy?or dusri ye ky kya main ye zimedari smbhal paun gi?

K.S: Us Ninja ki mot ki zemedar tum nai ho or na hi wo tumhain iski zimedar smjhtay hain is lye tum is bat ki fikr chor do or dusri baat ye hy ky agar mujhay lgta ky tum ye zimedari smbhal nai pao gi to main kbhi tumhain is kaam ky lye pouchta hi nai…

Ria: Theak hy jaisa ap khain… agr wo mujhay apnay king ki jgga dyny ko tyar hain to mujhay is baat sy koi aitraaz nai hy.

        Kabila Laizo ko jb is baat ka ilam hota hy or K.S unsy ye baat pouchta hy ky kya wo Ria ko aony king ki jgga dyny pr razi hain to unhon ny rzamandi zahir ki. Unsy rzamandi panay ky baad Ria ko unky kailay ko smbhalnay ki zimmedari dy di gyi.

        K.S ny apnay kabilay ky kuch Ninjas ko Kabila Laizo main bhej diya kiun ky unky pas apni Hifazat ky lye boht km Ninjas thay.

        Kuch arsa baad Kabila Laizo ny jb bijli ki barhti zrurat ko pora krnay ky lye dusri Turbine lgai to Kabila Laizo ko bhi Bijli dyna shuru kr di.

        Ria or K.S Roz sham ko kabila Laizo sy kuch dur aik jga miltay thay. Nadi ky bech aik bra sa pathar pra hoa tha or irdgird ka nzara bhi boht khubsorat tha is lye wo rozana sham ko wahan miltay or dair tk wahan baith kr batain krtay, batain aksar dono kabilon ky halat ko behtr bnanay or apni anay wali zindgi ky baray main hoti thien.

        K.S sy mashwray or imdad hasil kr ky or kuch apni mehnet sy Ria ny boht mukhtsir wakat main kabila Laizo ky halaat ko boht behtr bna diya. Kabila laizo ky log Ria ky kaam krny sy or apny kabilay ky din-ba-din behtr honay sy boht khush thay. Jb Kabila Laizo pehly ki trah behr ho gya to Ria ny K.S ko kha ky ab jo maksid tha wo to pora ho gya ab aap agar kabilay ka nizam unhain wapis dyna chahain to dy sktay hain ya jo ap ki marzi hy wo kijye main ny apni zimmedari pori kr di hy.K.S ny usay kha ky tum apnay kabilay walon ko keh do ky kal dopehr ko sb aik jgga jmma ho jayen, is baat ka faisla wahan hi krain gy ky agay kya krna hy?

        Ria ny waisa hi kiya. Aglay din dopher ko wo naye or achay kapray pehn kr K.S ky pas ayi or K.S ky sath Kabila Laizo gyi jahan unka Kabila Laizo ny boht acha istakbal kiya. Jaisa ky K.S ny unhain jma honay ka kha tha wo waisay hi wahan jma un dono ka intzar kr rhay thay. K.S ny unsy poucha ky kya wo Ria ky kaam krny sy khush hain or mutmaen hain? Jwab main sb kabilay walon ny haan main jwab diya. Phir K.S ny unsy kha ky aj main yahan aik ehm faislay ky lye aya hun. Jaisa ky main ny wada kiya tha ky ap logon ki maded krun ga or ap logon ky kabilay ko pehlay jaisa bnanay ki koshish krun ga. Ab main ny Ria ki madded sy apna wada pora kr diya hy, ab main ap logon sy ye baat pouchna chahta hun ky agar ab aap apny kabilay ko khud chalana chahtay ho, or is ky ikhtiyar wapis chahty ho to main ye sb kuch yahan hi chor dyta hun or ap logon ky hwalay kr dyta hun or badlay mein main ap logon sy kuch nai chahta. Ab aap log faisla kr lijye ky ap log kya chahtay hain?

        Kabila Laizo ky zyada tr logon ka kehna ye tha ky hmaray kabila ka nizam jis trah Rachana chala rhi hy hum us sy bohat khush hain, agar ap ya Rachana hmaray kabilay ka nizam chlayen to hmain khushi hogi, K.S ny usi wakat Ria sy is mutalik poucha ky kya tum ab bhi ye kaam kro gi? Ria ny naa main sar hilaya lekin inkar ki wja nai btai, lekin jb kabilay walon ny Ria sy request ki to wo man gyi, Is baat sy kabila Laizo ky log boht khush hoe, Ria ny us wakat kha ky main ap sb ko aik baat btana chahti hun or usky lya main ap logon sy sharminda bhi hun, umeed hy ap log mujhay maf kr dain gy, mera nam Rachana nai Ria hy.Lekin kabila laizo ky logon ny is baat pr koi bura radeamal zahir nai kiya or Ria ko khushi khushi apnay kabilay ky sb ikhtiyar dy diye.Isky sath sath kabila Laizo ny is baat ka bhi ilaan kr diya ky aj ky baad wo har musibat or dukh ky mokay pr Kabila Shinoke ky sath hain or har mokay pr unki madded ky lye apni jan tk dyny ko tyar hain.

        Ab kabila Laizo ky sath mil janay ki wja sy Kabila Shinoke or bhi takatwar ho gya. Jb ye khabar us dusman kabilay ko pta chali to un sy ye baat brdasht na ho ski kiun ky Kabila Shinoke ka King K.S Ria ko un ky Kabilay main sy Nikal kr ly gya or wo unhain kuch keh nai skay or is wja sy unki boht badnami hoi or unka aam logon pr darr or khof bhi km prr gya. Unhon ny Shinoke sy is beizti ka badla lyny ky lye mansuba bnana shuru kr diya. Unka maksid K.S ko marna tha kiun ky sirf usi ki wja sy Kabila Shinoke aj is mukam pr tha. Agar wo K.S ko mar dytay to itnay bray Kabilay Shinoke ka nizam bigr jata or phir wo usay aaram sy tbah kr sktay thay. Lekin K.S ko marna itna aasan nai tha, wo buri trah zakhmi honay ky bavjod bhi unky Ninjas ko marr kr wahan sy theak thak nikl gya or Ria ko bhi nikal kr ly gya.

        Kabila Shinoke or kabila Laizo ky halaat ab bilkul pehlay ki trah mamool pr thay.

        Aik Din sham ko dono usi jga baithay batain kr rhay thay jahan wo rozana sham ko baith kr aik dusray sy batain krtay thay.

Ria: To tum ny kya socha kb apnay ghar walon sy rabta kro gy?

K.S: Pehlay tum apnay ghar walon ko to shadi ky lye pouch lo phir main apnay ghar walon ko tumhain sath ly kr milnay jaun ga or tumhary baray main bhi bta dun ga….

Ria: Mujh main itni himmat nai hy ky main apnay ghar walon sy is baray main baat kr skun…tum hi kuch meri madded kro…..

K.S: Ninja ho kr bhi itni darpok kaisay ho tum? Chlo tum apnay bhai ya apnay abbu ko yahan bula lo kisi bhanay sy main khud un sy baat kr ln ga…

Ria: Theak hy main bula lyti hun abbu or bhai ko lekin unhain manna tumhari zimedari hy…

K.S: Wo tum mujh pr chor do, tum bs mera sath deti rehna or jo main bolun wo hi krna…

Ria: Theak hy

        Aglay Din Ria K.S ko btati hy ky main ny apnay Abuu ko yahan bulaya hy or sath main bhai or meri choti behn bhi ayen gy. Wo person aa rhay hain tum tiyar rehna. K.S usay kehta hy ky tum unhain apnay ghar ly jana or jb tk wo yahan hain tum unky sath hi rehna yahan kabilay mein mat rehna, wahan main Ninjas ko bhej dun ga tumhary ghar ji hifazat ky lye.

        2 Din baad Ria ky Abu or bhen Bhai wahan aa gye. Ria unhain apnay ghar ly gyi or unhain kuch nai btaya or aglay Din unhain ghoomnay phirnay ky bhanay Kabila Shinoke main ly jati hy. Wahan Ria ky sath sb boht Izzt or adab sy baat kr rhay thay, is baat sy Usky Abu or Bhen bhai kafi heran thay, lekin Ria ny Kabilay Walon ko pehly hi mna kiya hoa tha ky usky ghar walon ko koi baat pta na chalay is lye kisi ny usky ghar walon ko kuch nai btaya.

        Kabila Shinoke main pohnch kr Ria ko pta chala ky K.S kisi kaam sy Kabila Laizo gya hoa hy. Ria ny kuch sochnay ky baad apnay ghar walon ko Kabila Laizo ly janay ka faisla kiya or unhain wahan ly gyi. Ria ka bhai us sy bra tha or uski behn us sy 2-3 Sal choti thi. Jb wo kabila Laizo pohnchay to sb ny unka boht achi trah istakbal kiya. Jb Ria ky bhai or Abuu ny is khatirdari ki wja pouchi to Ria ny bta diya ky wo aik trah sy is Kabilay ki Malika hy. Ye baat sn kr wo boht heran hoe. Ria ny kha ky main ap logon ko kisi sy milwana chahti hun or phir unhain K.S ky pas ly jati hy or kehti hy ky ye hain us kabilay ky king jahan main ap ko pehly ghumanay ly gyi thi. Inka naam K.S hy or ye ap sy mil kr kuch kehna chahtay thay is lye main ny ap logon ko yahan bulaya. Iskay baad Ria wahan sy chali jati hy.

K.S: Baithiye…..main Ria ky baray main ap logon sy kuch baat krna chahta hun…

Ria’s Father: Lekin main pehlay ap sy kuch batain pouchna chahta hun, jo mujhay kafi preshan kr rhi hain.

K.S: G pouchiye….

Ria’s Father: Main aj sy 5 saal pehlay is ilakay main aya tha us wakat yahan ky halat boht buray thay. Us wakt ye teno kabilay aik dusray ky boht bray dushman thay or harr wakt lartay hi rehtay thay. Us wakt Kabila Shinoke ka King koi or tha or Kabila Laizo ka king bhi koi or tha. Ab main ye janna chahta hun ky itnay mashoor or takatwar kabilay ki Malika meri beti Ria kaisay bn gyi? Or wo Kabila Shinoke main akeli phir rhi thi usay kuch kehnay ki bjaye sb uski is trah izzt kr rhay thay jaisay wo wahan ki malika hy or ab to main or bhi heran hun ky ap Kabila Shinoke ky king hain or yahan Kabila Laizo main or yahan ky log apki apnay king sy zyada izzt kr rhay hain. Kya ap mujhay ye baat smjhayen gy?

K.S: Main ap logon sy kuch chupana nai chahta is lye sb kuch saf saf bta dyta hun….

        Isky baad K.S unhain dono Kabilon ki dosti ky baray main btata hy or is doran Ria ky sath kya wakiat hoe sb kuch tafseel sy bta dyta hy. Is pr Ria ka bhai K.S sy swwal krta hy ky hmain to Ria ny kbhi kuch nai btaya ky wo in halaat main hy.

K.S: Ye to Ria ko hi pta hoga ky us ny kiun nai btaya…Main ap logon sy aik boht zruri baat krna chahta hun is lye main ny Ria ky zriye ap logon ko yahan bulwaya….Main ap logon ko yahan itni dur anay ki takleef dyna to nai chahta tha, is lye main ny Ria sy kha ky wo khud ap logon sy baat kray lekin us ny kha ky mujh main itni himmt nai hy….Or baat ye hy ky main or Ria Shadi krna chahtay hain…..

Ria’s Father: (K.S ki baat sn kr kuch dair tak khamosh rehtay hain) Kya Ria bhi ye hi chahti hy….

K.S: Han bilkul or usi ny mujhay ap logon sy baat krnay ka kha…

Ria’s Father: Agr Ria ki khushi is main hy to phir mujhay kiun inkar hoga Lekin hum apky baray main kuch jantay tk nahi….ap btaiye apnay baray main

K.S shuru sy apnay King bnnay tak ky halat unhain tafseel sy bta dyta hy.

Ria’s Father: Yani abhi tak ap ky ghar walon ko is baray main kuch nai pta?

K.S: Main pehlay ap logon ko is baat pr amada krna chahta tha usky baad main apnay ghar walon ky pas jaun ga jaisa ky main ny ghar chortay wakt kaha tha, Phir main unhain Ria ky baray main bhi bta dun ga or mujhay yakeen hy ky wo is dfa smjh jayen gy….

Ria’s Father: Mujhay is baat pr koi aitraz nai hy lekin main koi fasla lyny sy pehlay aik dfa Ria sy pouchna lazmi smjhta hun

K.S: Jaisa ap chahain (or wo Aik Ninja ko bhejta hy Ria ko bulanay ky lye)

Ria: (Kuch dair baad jijhaktay hoe kamray main ati hy) Ji ap ny mujhay bulaya?

K.S: Han tumhary Abu tum sy kuch baat krna chahtay hain….

Ria’s Father: Beti tum ny mujhay pehlay kiun nai btaya mujh sy kaisa darr

Ria: Main ny koshish ki thi lekin nai bta ski……

Ria’s Father: Kya tum ny apni khushi sy ye faisla kiya hy?

Ria: Ji Haan…..

Ria’s Father: Theak hy K.S mujhay is sy koi preshani nai main baki ghar walon sy bhi baat kr ln or phir tumhain khabr kr dun ga lekin ab tum bhi jald sy jald apnay ghar walon ky pas jao or unhain mnao kiun ky unki marzi ky bgair main tum dono ki shadi nai krwa skta…

K.S: Wo sb aap mujh pr chor dijye or ap logon sy aik Request hy…jb tak ap log yahan hain ap Kabila Shinoke main Ria ky ghar rhain kiun ky jahan ap reh rhay hain wahan ap logon ky lye boht khatra hy or khas tor pr Ria ky lye kiun ky wo ab pehly ki trah aik aam larki nai hy ab wo aik takatwar kabilay ko chalati hy. Or is lye us pr kisi bhi wakt hamla ho skta hy….

        Usky baad Ria ky Abuu, uska bhai or Behn wahan kuch din Ria ky sath guzartay hain. Lekin ye baat abhi raaz rkhi gyi thi is lye dono kabilon main ye baat koi nai janta tha ky Ria or K.S shadi krnay walay hain.  

        Unky janay ky baad Ria K.S pr zor dalnay lgi ky wo apnay ghar walon sy milnay jaye usay bhi apnay ghar walon sy milaye. Kuch din baad K.S ny janay ka faisla kiya or Ria ko bhi sath chalnay ka kha. Wo man gyi to K.S ny usay kabilay ka Nizam wapsi tak dusray King ky hwwalay krnay ka kha or Kabila Shinoke ka nizam bhi us ny dusray king ky hwwalay kr diya or janay ki tyari shuru kr di.

        Dusri traf dushman kabilay ko is baat ki khabbar ho gyi ky Ria or K.S akelay wahan sy janay walay hain, is lye unhon ny is mokay ka faida uthanay ki koshish ki or apnay mansubay bnanay shuru kr diye.

        Kuch Din baad Ria or K.S apni Car pr wahan sy chal pray K.S ky ghar janay ky lye. Wo us ilaky sy hazaron miles dur ja rhay thay is lye wahan unhain kisi kism ka koi khatra pesh anay wala nai tha is lye apni hifazat ky lye wo sath kisi Ninja ko nail y kr gye. Lekin jb tk wo us ilakay ki hadud sy Nikl nai jatay us wakt tk wo khatray main thay is lye Kabila Shinoke ki 2 garidan jin main sirf kuch Ninjas thay un ki hifazat ky lye sath gyien.

        Rasta kuch aisa tha ky aik traf unchay unchay aamano sy batain krtay or darakhton sy ldday pahar thay or sarak ki dusri traf boht gehrai pr tez behti hoi aik naddi thi. Nadi ka bahao itna tez tha ky wo apnay samnay anay wali har chez ko bha kr ly ja skta tha.

        Sardion ka mosam shuru ho rha tha. Us din mosam boht pyara tha. Hawwa kafi tez thi or halki halki barish ho rhi thi. Safar acha kat rha tha or kisi kism ki koi preshani nai thi. Bilkul khali sarak jis pr kbhi kbhar koi gadi guzrti thi. Kafi safar katt chukka tha or wo us ilakay sy nikalny hi walay thay lekin achanak rastay pr giray hoe aik darakht ki wja sy unhain rukna par gya. K.S Car sy bahir nai aya or Ria ko bhi bahir nikalnay sy mna kiya kiun ky wo darakht ko dekh kr hi smjh gya tha ky ye darakht aandhi ki wja sy nai gira blkay ye khud kisi ny giraya hy. K.S ny Ria sy kaha ky ye mujhay kisi ki koi chaal lgti hy is lye larnay ky lye tiyar ho jao or apnay hathiyar wgaira nikal lo. Ria or K.S larnay ky lye tyar ho kr bahir niklay. Unhain is baat ka koi darr nai tha ky un pr koi goli wgaira chlaye ga kiun ky sb kabilon ky darmiyan is baat ka muahida tha ky ilakay ki khubsurti ko barkrar rkhnay ky lye or aam logon ki hifazat ky lye, koi bhi kabila ya koi aam admi barood ya kisi bhi kisam ki koi bandok istimal nai kray ga or agar koi aysa krty hoe pakra gya to sb ky samnay uski garden urra di jaye gi, is muahday ky baad kuch log pkray gye jin ky pas guns thien to unhain sb ky samnay mar diya gya jis ky baad logon main itna darr paida ho gya ky koi aam admi or koi kabila bhool kr bhi aisi harkat nai krta tha.

 Ria car ky pas hi khari thi or Baki Ninjas jo unky sath aye thay wo bhi ird gird khray thay.K.S darakht ky pas gya or jb us ny darakht pr goar kiya to usay pta chala ky uska anda theak tha, darakht khud nai gira tha blkay uska tnna kata gya tha.  K.S abhi usay htanay ky baray main soch hi raha tha ky itnay main unhain unky dushman kabilay ky Ninjas ny ghair liya. Wo sb 40 ky kareeb thay or sb ky sb behtreen Ninjas thay. K.S  ky Ninjas ki tadaed unky mukablay main kafi km thi. K.S or Ria ky ilawa sirf 12 Ninjas thay. K.S janta tha ky humary lye inka mukabla krna mushkil hy is lye K.S ny apnay Ninjas sy kha ky tum sab larna shuru kro main black Shadow sy madded bulanay ki koshish krta hun. Ria or baki Ninjas larna shuru kr dyty hain lekin unky lye itnay logon ka mukabla krna boht mushkil ho rha tha. Kuch dair tk K.S bilkul khamosh khara raha us ny zra sib hi harkat nai ki. Wo barish ky pani sy pori trah bheeg chukka tha or aandhi bhi apnay zoron pr thi lekin wo bilkul bejan lakri ki trah khara tha or ankhain band thien.

        Kuch dair baad wo wapis pehly ki halat main aa gya or kha ky main ny kabilay walon ko bta diya hy boht jald wo yahan pohnch jayen gy. Ye sn kr sb ko thoda hosla mila. K.S apni car ky pas gya or us ny Car main sy 2 Swords Nikalien or maidan main aa gya. Har talf Ninjas larr rhay thay or talwaron ki awazain sunai dy rhi thien, is ky ilawa har trf shurikens urr rhay thay jin sy bachna sb sy mushkil kaam tha kiun ky jaisay hi koi tez raftar shuriken jism ko choo jata to wahin boht gehra zakham ho jata.

        Wo kabilay sy boht dur thay is lye wahan tak Ninjas ko unki madded ky lye pohnchnay main boht wakat lgnay wala tha.

        Wo asal main K.S ko marnay ky iraday sy aye thay is lye jaisy hi unhon ny dekha ky K.S larnay ky lye maidan main aa chukka hy to boht sy Ninjas us ky ird gird jmma ho gye. K.S akela 7-8 Ninjas ky sath larr raha tha or itnay saray ninjas ki Swords sy bachana hi koi asan kaam nai tha, lekin wo unki swords ka mukabla kar raha tha lekin jb dushman Ninjas ny bich bich main Shurikens bhi K.S pr phainknay shuru kr diye to wo unko rok nai paya kiun ky agar wo shurikens ko roknay ki koshish krta to Swords sy mara jata. Kafi dair tk wo inhi halat main larta rha or zakhmi hota chla gya.

        Dusri traf baki Ninjas bhi aoni apni jgga smbhalay hoe thay or larr rhay thay. Ria bhi kafi dair sy larr rhi thi, usay bar bar K.S ki fikr hoti or uska dihan usi traf chala jata jis ki wja sy wo bhi Ninjas ky hathon boht zakhmi ho gyi.

        Jb K.S kafi zakhmi ho gya to usny gussay main aa kr apni sari takat or raftar lrrai main lga di or boht sy Ninjas ka kaam tamam kr diya lekin wo jald hi buri trah thak gya. Lekin abhi bhi 2 Ninjas usky sath larr rhay thay, thaka honay ki wjaa sy ab K.S lartay lartay pechay hat rha tha, lekin lartay lartay uska dehan apnay ird gird pr nai tha, wo bilkul sarak ky kinaray pr tha or usky pechay gehrai pr tezi sy behti hoi nadi thi. Jb uska paon kinaray sy phisal gya to wo nechay girnay lga lekin wo girtay hi aik pathar ko thamnay main kamyab ho gya, Ria ki nazr is traf pato wo foran us traf barhi or un dono Ninjas ko jo K.S sy lar rhay thay, achanak dhakka dy kr nadi main gira diya.

        K.S kinaray sy kuch feet nechay mojud aik pathar sy buri trah latak rha tha, uska aik hath larai ky doran boht buri trah zakhmi ho chukka tha is lye wo sirf aik hath sy hi us pathar ko pakray hoe tha. Ria ny usay bachanay ki koshish krni chahi lekin wo khud itni buri trah zakhmi thi ky kuch nai kr ski, K.S ny Ria ki ankhon main dekhty hoe usay kha “Ria hmara sath shayed yahan tak hi tha, tum hmeha apna khyal rkhna or mere logon ka bhi” or is ky sath hi uska hath pathar sy choot gya or wo Ria ki ankhon ky samnay sy ojhal ho gya.

        Ria ye sadma seh na ski or wahin behosh ho gyi. Kuch dair main wahan Kabilay ky or boht sy Ninjas pohnch gye or un ky pohnchny tak Ria ko un chnd ninjas ny bachaye rkha jo unky sath aye thay. Shinoke ky Ninjas ny wahan pohnchty hi halaat ko sambhal liya or dusmnon ky 4 Ninjas ko zinda pkr liya or baki sb ko lrai main marr dala.

        Ria ko wapis Kabila shinoke main ly jaya gya or ilaaj shuru kr diya.Ria abi tak hosh main nai ayi thi. Kabila Laizo or Shinoke ny K.S ki talash shuru kr di or nadi ky sath sath miles tk uski talash main nadi or jungle ka chappa chappa chaan mara. Ria ko 2 Din baad hosh aya, lekin abhi tak uski ankhon ky samnay wo hi manzar ghoom raha tha or uski ankhon sy lgatar aansu beh rhay thay. Us ky baad wo kabila Shinoke main K.S ky kamray main harr wakt baithi rehti or aansu bahati rehti. K.S ki mot ny usky lye har chiz ko be’maksad bna diya tha. 

        Kabila Shinoke ny badla lyny ka pkka irada kr liya tha lekin wo Ria ki aisi halat ki wja sy koi kadam nai utha rhay thay. Dusri traf dusman kabilay main jashan ka smaa tha, wo is baat sy boht khush thay ky unhon ny apnay rastay ky sb sy bray kantay ko htta diya hy. Ab wo Kabila Shinoke pr hamla krny ky baray main soch rhay thay lekin unhon ny ye soch kr hmla nai kiya ky kabila Shinoke ky Ninjas ko apnay king ki mot ka boht gussa hoga or agar abhi hmla kiya to un sy jeetna mushkil ho jaye ga, isky ilawa ye bhi wjja thi ky abhi kabila Bilkul pehly ki trah tha or K.S jo intzam kr ky gya tha unki wjja sy abhi bhi kabila utna hi takat war tha jitna K.S ky wahan honay pr, is lye unhon ny hamla 3-4 mahino baad krny ka irada kr liya.

        Inhi halaat main 10-12 Din guzr gye or Kabila Shinoke or Laizo K.S ko dhundnay main pori trah nakam ho gya or uski talash chor di. Ria ko boht logon ny smjhaya or Ria ky ghar waly bhi wahan aye or usay smjhanay ki boht koshish ki lekin wo usi trah baithi roti rehti. Akhir aik Din Shinoke ky dusray king ny usay smjhaya ky agar tum K.S ko us wakat bachanay ky lye kuch nai kr ski to us main tumhari koi galti nai thi lekin ab tum pr 2 kabilon ki zimmedari hy or agar ab tum is trah har kr baith jao gi to tum K.S ki gunahgar ho gi, usny apni Zindgi is kabilay ko behtr bnanay ky lye lga di or is ki khatir apni jan bhi dy di or ab tum uski zindgi ki mehnt ko is trah zaya kro gi, us ny tum pr sirf is lye bhrosa kiya tha? In baton ka Ria pr kafi asar hoa.

        Us ny usi din sham ko sb kabilay walon ko jma honay ka hukm diya or kha ky main kuch zruri baat krna chahti hun.

        Us din sham ko wo itnay dino main pehli bar kamray sy bahir ayi, wo naey kapray pehn kr or chehra nakab main chupa kr kabilay walon ky smnay ayi, uski ankhain boht ajeeb or gehri syyah ho chuki thien. Us ny kha ky aj sy K.S ki jgga main is Kabilay ko sambhalun gi or boht jald K.S ki mot ka badla ln gi, umeed hy ap sb mera sath dain gy. Sb Kabilay walay Ria ki is baat pr Kabila Shinoke or Laizo dono ky log boht khush thay or pori trah Ria ka sath dyny ky lye tyar thay.

        Halaat ab behtr ho rhay thay lekin ab Kabilay sy bahir K.S ki wja sy jo dar tha or dusray dushman kabilay ki loot mar ruki hoi thi wo ab dobara apny arooj pr aa chuki thi. Wo pehly ki trah aam logon ko lootnay or marnay lg gye.

        Ria pr pehlay hi 2 Kabilon ka bojh tha is lye wo Kabilay ky bahir ky halaat ko sambhal nai ski. Lekin wo apnay kabilon ka nizam boht achi trah chla rhi thi.

        3 Mahinay isi trah guzar gye. Dushman kabilay ny phir sy hamla krny ki tyariyan shuru kr dien. Wo apnay Kabilay ky Ninjas ki tadad brha rhay thay is ky ilawa wo loot mar or ultay kam bhi jari rkhay hoe thay.

        Un dino dushman kabilay ky lye aik museebt khari ho gyi. Us kabilay ky jo bhi Ninjas kisi na kisi galat kam main mulawis thay ya phir pehlay kbhi mulawis reh chuky thay, wo jb bhi kisi kaam sy akelay ya 2-3 Ninjas aik sath jatay thay to unki lashain hi milti thien jungle ya Nadi sy. Unhon ny is baat ka pta krny ky lye boht sy jasoos lgaye lekin unhain koi bhi surag nai mila to unhon ny Kabila Shinoke pr ye keh kr ilzam lgaya ky unhon ny apnay king ka badla lyny ky lye ye harktain shuru kr di hain.

        Kabila Shinoke ko jab is baat ki khabbar hoi to Ria ny saf saf unhain keh diya ky hum tumhari trah darpok nai hain hum ny jb hamla krna hoa to hum maidan main mukabla krain gy tumhari trah chup chup kr hmla nai krain gy.

        Takreebn aik mahenay tk ye hi halaat rhay. Unky Ninjas aik aik kar ky mar rhay thay or is sb ky pechay kon tha is baat ka unhain kuch bhi pta nai chal rha tha. Shinoke or Laizo ky kisi Ninja ko bhi kuch nai hoa is lye shak bar bar unhi par ho rha lekin Ria saf inkar kr rhi thi ky is main hmara koi hath nai hy.

        Is baat ko dushmano ny mazeed brhaya or Kabila Shinoke ko larny ko kha to Kabila Shinoke ny unka challenge kabool kr liya or aik mahenay bad lrai ka faisla hoa.

        Ria ny 2no kabilon ky Ninjas ko mila kr larai ky lye aik mazboot team tyar ki or usay kabila Shinoke main training dyni shuru ki.

        Is doran bhi dushman Ninjas ki lashain Jungle main pehly ki trah girti rhien or sb main aik baat milti julti thi. Kisi bhi ninja ki mot Sword ya Shuriken sy nai hoi this b ky jism buri trah kttay hoe thay lekin zakhm bilkul Swords or Shurikens sy alag thay.

        Aik din Dushman kabilay ky Ninjas ka commander kisi kaam sy 2 Ninjas ko sath ly kr jungle main sy guzr raha tha. Ye wo hi Ninja tha jo Kabila Laizo ky Ninjas ka Commander hoa krta tha. Us ky sath 2 Ninjas pechay chal rhay thay. Manzil ky kareeb pohnchnay sy pehly us ny nazr pechay ghumai to wo dono gayb thay. Wo unki talash main wapis murra or usi rastay pr wapis chal pra jis sy wo aya tha. Kuch dur pohnch kr us ny rastay ky kinaray unki lashain dekhien, or pas darakhat pr khoon sy likha hoa tha “Main boht jald tumhain bhi khatam krun ga, aj is lye zinda chor rha hun kiun ky main tujhay is trah chup kr nai blkay sb ky samnay marun ga”. Ye parh kr wo kafi preshan ho gya kiun ky jis kisi ny bhi wo sb likha tha wo boht expert tha us ny un 2 Ninjas ko bgair awaz kiye wahan sy gayb kr ky mar dala tha. Us ny is dar sy Kabilay sy bahir Nikalna bhi chor diya.

        Dushman Kabila aik Ninja brhata to usky 2 Ninjas marr jatay. Isi trah aik aik kr ky wo apnay behtreen Ninjas kho rhay thay or wo boht kamzor partay ja rhay thay. Lrai ka din kareeb ata ja raha tha or unky lye ye baat boht bri preshani bni hoi thi.

        Ria apnay kabilay ko larnay ky lye tyar kr rhi thi, wo betab thi ky kab larai ka din aye or wo K.S ki mot ka bdla ly. Aik din wo subah subah jharnay ky pas khari khamoshi sy khari thi or K.S ky baray main soch rhi thi. Wo K.S ky sath guzray lamhat ky baray main soch rhi thi or uski ankhain namm thien, Achanak uska ser ghoomnay lga or ankhon ky samnay aik andhera sa chaanay lga wo wahin aik pathar ka sahara ly kr khari ho gyi, jb usny khud ko thoda sambhala to usay aisa mehsos hoa ky K.S usky samnay khara hy or wo us sy kuch keh raha hy, Ria uski awaz saf sn paa rhi thi jaisay wo usky pas khari hy. Usny suna ky K.S usay keh raha hy “Main Zinda hun or Bilkul theak hun, or boht jald tumhary pas aon ga, lekin abhi main nai aa skta, tum Kabilay ky Ninjas ko achi trah larnay lye tiyar kro, larai mein main tumhary sath hun” abhi tk Ria isay sirf apna vehm smjh rhi thi lekin tb usay in baton pr yakeen hoa jb K.S ny us su kaha “Tumhain ye sb sirf aik khyal lg raha hoga lekin ye tumhara khyal nai hy ye Black Shadow hy jo tumhary dimagh tak meri baat pohncha raha hy, or ye baat kisi ko mat btana ky main zinda hun”. Ria ko ab K.S ky zinda honay ka pora yakeen ho jata hy or usay aisa mehsos hota hy jaisay us pr sy boht bhari bojh uttr gya hy, usay aik nyi zindgi mil gyi hy, wo boht khush thi.

        Us ny Kabila Laizo or Shinoke ky sb Ninjas ko lrai ky lye boht achi trah tiyar kiya or unhain behtreen Ninjas bnaya.

        Jald hi sb ka intzar khatam ho gya or Lrai ka din aa gya. Kabila Laizo or Shinoke ky Ninjas pori trah larnay ky lye tiyar thay wo teh shuda wakat pr lrai ki jgga pr pohnch gye. Ria bhi sath gyi thi, usay sb ny kaha tha ky tumhara wahan jana munasib nai hy, tum 2 kabilon ko smbhal rhi ho is lye agar tumhain kuch ho gya to sb nizam darham barham ho jye ga, lekin wo na ruki kiun ky wo janti thi ky K.S kbhi usay kuch nai honay dy ga. Dushman kabilay ky Ninjas bhi pori tiyari ky sath aye thay unhon ny behtreen hathiyar bnaye thay or khud ko bachanay ky lye boht sy intizam kiye thay.

        Jo jgaa larai ky lye teh hoi thi wo dono kabilon sy aik jaisi duri pr thi. Wo aik maidan numa thi jahan ghaas or choti choti jhariyan uggi hoi thien, wo jgga charon traf sy jungle sy ghiri hoi thi. Kabila Shinoke ny larai ky din sy pehly hi wahan tak garion ky janay ka rasta bna liya tha. Iska maksad ye tha ky larai ky doran agar Ninjas zakhmi ho jayen to unhain garion ki madded sy jald sy jald kabilay tk pohnchaya ja skay, lekin dushman kabilay ny aysa koi intizam nai kiya tha.

        Ria us din K.S ki bnwai hoi Car ly kr wahan gyi, us din wo larnay ky iraday sy nai gyi thi. Dono kabilay amnay samnay hoe. Dushman kabilay ky commander ny faisla kiya ky baki Ninjas pehlay lrain gy or larai ky akhir tak koi bhi aik dusray ky kabilay ky sarbrah yani King ko hath nai lgaye ga. Ria ny ye baat khushi sy mann li or Car ky pas hari ho kr apnay kabilay ky Ninjas ko lartay hoe dekhnay lgg gyi. Shinoke or Laizo ky Ninjas boht tez raftar or takat war thay wo dushmanon ky Ninjas ko dhair krtay ja rhay thay. Kuch ghanton tak larai chalti rhi or jb dushman kabilay ny dekha ky unky Ninjas hartay ja rhay hain to usky commander ny kabilay sy baki bachay Ninjas ko bhi bula liya.Ye unki aik chaal thi. Wo larai ky lye pehly km Ninjas ko ly kr aye thay. Ab jb Shinoke or Laizo ky Ninjas thak  chukkay thay to unhon ny apny baki Ninjas ko bula liya jis sy Kabila shinoke or Laizo ky Ninjas mushkil main parr gye or zakhmi honay lgay.

        Ye moka Ria ko marnay ky lye boht acha tha is lye us kabilay ky commander ny 3-4 or Ninjas ko sath liya or Ria ki traf barha, wo Ria ky pas pohnch aor Ria sy kaha ky tum apnay ap ko boht brri Ninja smjhti ho? Lrro mujh sy tumhain pta chal jye ga ky kon asal Ninja hy. Aj tumhari zindgi ka akhri din hy, tumhain marnay ky baad main tumhary kabily pr hamla krun ga or us pr bhi apna kabza jmma ln ga. Ria zra bhi nai ghabrai us ny kha “ agar tum aik asal Ninja sy larna chahty ho to tumhari ye khwaish bhi pori kr dyti hun.” Wo itna hi kehti hy ky Car ky pechay sy wo insane samnay ata hy jiski koi umeed bhi nai kr skta tha. Wo shakhs K.S tha, wo pehly sy zyada khatarnak or takatwar lg rha tha. Usky pas koi sword nai thi. Wo Ria ky samnay aa kr khara ho gya, wo bilkul khamosh tha. Ria ny kha ky ye hy K.S Real Ninja is sy lrro.

        K,S ko dekh kr dushman kabilay ky Ninjas ky rang urr gye. K.S ny kha ky tumhain aj tk ye maloom nai ho ska ky tumhary Ninjas ko kon mar kr jungle main jga jga phainkta tha, wo main tha. Main ny tumhary Ninjas ko chun chunk r mara lekin tum itnay saray honay ky bavjod mera kuch nai bigar skay. Main ny tumhain kha tha ky tumhain sb ky samnay marun ga is lye aj main yahan tujhay sb ky samnay marun ga.

        Itna kehnay ky baad us ny Ria ko wahan sy janay ka kaha. Ria ny zra bhi behs nai ki or Car ly kr wahan sy chali gyi.

        Usky baad K.S ny aik neya hathiyar Nikala jis ki unhain umeed hi nai thi. Wo aik lambi Chain thi jis ky akhri hissay pr aik boht tez or bhari Blade lga hoa tha. Dushman kabilas ky Ninjas bhi is hathiyar sy wakif thay lekin wo is ko achi trah istimal krna nai jantay thay.

        Wo 7-8 Ninjas usay gheray hoe thay or unky pas achi kism ki swords or Shurikens thay, unho ny aik sath K.S pr hamla kr diya lekin K.S us hathiyar ko chlanay main itna mahir ho chukka tha ky wo us hathiyar ki Lambi Chain ky dairay ky andr kisi ko nai anay dy rha tha or itni tez raftar sy un sb sy lar raha tha ky unhain shuriken ka istimal krnay ka moka hi nai mil raha tha. K.S akela un sb pr bhari par raha tha. 20 Minute ki larai ky baad K.S ny un 7-8 Ninjas ko buri trah zakhmi kr diya jo us sy lar rhay thay or un main unka Commander bhi shamil thi.

        Dusri traf lrai main Kabila Shinoke ky Ninjas K.S ky zinda honay ki khushi main boht josh main thay unhon ny dushman kabilay ky Ninjas ki halat itni kharab kr di ky wo maidan chor kr wahan sy bhagnay pr majbor ho gye.

        K.S ny sb ky samnay unky Commander ka kaam tamam kr diya. Jis ny ye baat sabit kr di ky Shinoke ka mukabla koi kabila nai kr skta.

        Us ky baad K.S wapis janay ki tyari krta hy or apni Car ky pas jata hy jahan Ria uska intizar kr rhi thi wo usay dekh kr khud pr kaboo nai rakh pati or us ky glay lg kr  rona shuru kr dyti hy or kehti hy ky tum mujhay chor kr kiun gye thay, Wo usky ansu pohnchta hy or usay chup krwata hy. Phir sb kabilay walay khushi khushi wapis kabilay ki traf lot jatay hain.

        Raat ko kabilay main jeet ka jashan manaya jata hy, is mokay pr sb log K.S sy farmaish krtay hain ky us ky sath itany dino main kia kuch hoa wo sb kuch btaye.     

        K.S btanay pr razi ho jata hy or btata hy ky “ Jb main us thanday pani ki tez behti nadi main gir gya to main kuch lamhon ky baad hi apnay hosh kho gya, mujhay is baat ki koi umeed nai thi ky ab main zinda bachun ga, Lekin phir 2 Din baad mujhay hosh ayi to main lakri sy bnay aik poranay sy kamray main akela aik lakri ky bnay palang pr pra hoa tha. Main ny uth kr baithny ki koshish ki lekin main uth nai ska, kuch dair baad aik admi mere pas aya, wo dikhnay main mujh sy umar main thoda bra tha, us ny aa kr mujhay hoah main dekha to meri tabiyt ky baray main dariyaft kiya or mere pouchnay pr us ny btaya ky wo kal jungle sy lakriyan kaat kr wapis aa raha tha to uski nazr mujh pr pri, main nadi ky kinaray behosh pra tha, us ny mujhay uthaya or apnay ghar ly aya, main ny us sy poucha ky tum kon ho or kia krtay ho? Or ye kon si jgga hy? Us ny btaya ky ye aik gaon hy jo nadi ky pas hi hy, lekin ye shehri abadi sy boht dur hy, yahan na bijli hy na or koi sahulat, hum jungle sy lakriyan kaat kr un sy hi apni zruriyat puri krty hain, bad main us ny mujhay apnay ghar walon sy bhi milwaya, wo aik choti si family thi, us ny btaya ky wo jungle sy jarri botiyan dhondh kr latay hain or un sy zakhmon ka or boht si bemarion ka ilaj krtay hain. Unhon ny mera bhi unhi jarri botion sy ilaaj kiya, aihsta aihsta meri hatal kuch behtr honay lgi to main kbhi kbhar us kamray sy bahir nikalta or gaon ky kuch logon sy milta. Meri kafi logon sy achi jan pehchan bhi ho gyi. Aik din us admi ny jis ky ghar main reh rha tha mujh sy mere mutalik poucha to main ny usay sb kuch such such bta diya, us ny meri pori baat suni to us ny kaha ky main aik aisay insane ko janta hun jo shyed apko dilchasp lgay agar ap milna chahin to main apko  us sy milwaon? Main ny kha theak hy milwao. Aglay din wo mujhay jungle main aik jga ly gya jo bilkul ajeeb si thi. Wahan har cheez lakri ki bni hoi thi, Wo aik ghar jaisa hi maloom ho raha tha, wahan us ny mujhay aik shakhs sy milaya wo bhi us jga ki trah kafi ajeeb tha, wo kafi zaeef tha, mera wo dost mujhay wahan chor kr wapis apnay ghar chala gya. Main ny us shakhs ky sath baat cheet shuru ki, us ny mujh sy mere mutalik poucha to main ny usay sb kuch bta diya ky main Kabila Shinoke ka King hun or mere sath ye sb wakiaat pesh aye. Us ny kaha ky kya tum aik nyi kism ki larnay ki technique sikhna chaho gy? Main to pehly sy hi is ki talaash main tha to main ny foran haan keh diya. Main ny us sy poucha ky ap ko badlay main mujh sy kya chaiye hoga? To unhon ny kaha kuch nai. Is baat sy main zra heran hoa or main ny poucha phi rap mujhay ye technique kiun sikhana chahty hain jb ky is main ap ka koi faida hi nai? Us ny kaha ky ye hmari boht purani tehzib hy or ab ye din-ba-din khatm hoti ja rhi hy, main marnay sy pehlay is ko zinda rakhnay main apna kirdar ada krna chahta hun is lye main tumhain ye technique sikhaon ga.

        Phir unhon ny mujhay usky baray main btaya ky ye asal main aik hathiyar ko chalany ki technique hy, us ny mujhay wo hathiyar dikhaya, wo aik lambi or mazbot Chain thi or us ky akhri siray pr aik boht tez dhaar khanjar lga hoa tha.    

        Is wakat tak mujhay wahan aik mahena guzr chukka tha or ab mere zakham bhi theak ho chukay thay to main ny un sy train ing lyni shuru kr di, main ny aik mahena jee tor mehnat ki or us technique main mahir ho gya. Tb main ny wapis janay kabilay main loatnay ka socha. Main is ilakay main bhess badal kr wapis aya main ny irdgird ky logon sy yahan ky halaat ka pta lgaya, jb mujhay kabilay ky bahir ky logon ky halaat ky inay khrab honay ka ilam hoa to main ny tb tk wapis na anay ka faisla kiya jb tk main un Ninjas ko khatam na kr dun jo aam logon ki jano sy khel rhay thay. Main ab lrai ki aik aisi technique janta tha jo yahan shyed hi koi janta ho is lye main ny usay istimal kr ky un Ninjas ko marna shuru kr diya. Wo technique asal main zyada Ninjas sy larnay ky lye thi is lye aik ya 2 Ninjas ka us ky samnay mukabla krny ka koi swwal hi paida nai hota tha, main ny is baat ka faida uthaya or junle main pora din ghumta rehta or jaisy hi unka koi Ninjas nazr ata jo kisi bhi galt kaam mein mulawis tha ya galt kaam main kabilay ka sath dy rha tha to usay wahin khatam kr dyta. Jb dono kabilon ky drmiyan baat larai tk pohnch gyi to tb main ny Ria sy aik dfa baat ki thi is lye ky ye Kabilay ko lrai ky lye achi trah tiyar kr skay. Or Ria ny boht achi trah apna farz pora kiya.

        Iskay bad wo kabilay walon ko btata hy ky wo or Ria boht jald Shadi kr rhay hain.

        Kuch Din baad wo apnay ghar walon ky pas jata hy, usky ghar walay uski kamyabi sy boht khush hotay hain or Ria ko bhi khushi khushi kabool kr lyty hain.

        Tb usay is baat ka ehsas hota hy ky aj uski zindgi ka maksad pora ho gya hy, usny boht saal pehly apnay ghar ko chornay ka jo faisla liya tha wo bilkul darust tha or agr wo aisa na krta to aj wo bhi aam logon ki trah aik aam si zindgi guzar raha hota.

        Aik Insan ko apni Zindgi main wo hi krna chahiye jis ko krnay ki us main lagan ho, kbhi ye soch kr apnay maksid ko chorna nai chaiye ky ye koi khas ehmiyat nai rkhta, jo cheez apki nazr main ehmiyat rakhti ho usay hasil krnay ky lye kuch bhi krnay sy pechay na htain, kiun ky aik din wo maksad, wo irada logon main apki ehmiyat ko brhaye ga.

The End