Lamha

This is a Love story of a College Student. The Story Starts from an accident. The story shows true love of someone. I hope you will enjoy it a lot......

Lamha

Sardion ki aik Sard shaam thi...

aasman pr halkay halkay badal thay...

Mosam boht Dil kash tha or thandi thandi hwwa jism main snsnahat si paida kr rhi thi or aik khamoshi si chhai hoi thiittnay main aik ghar ka darwaza khulta hy or aik nojawan apny hath main aik chabi ghumatay hoe ghar sy niklta hy or sarak ky Kinaray khari aik black car ki traf aihata aihsta kadam barhata hywo nojwan dikhnay main 25-26sal ka lg raha tha. wo black t-shirt or jeans main malbos tha.Upar sy aik black jacket pehni hoi thi or khud ko sardd hawwa sy bachanay ky lye apnay chehray or garden ky irdgird aik scarf lpaita hoa tha.

behrhaal wo car ky pas pohnchaa or achanak wo rukk gya jaisay wo koi cheezbhool aya hy kuch lamhaat guzrnay ky baad wo aihsta sy apna hath jacket ki pocket main dalta hy or phir mutmaen ho jata hy or jaldi sy car ka drwaza kholta hy or car main sawar ho jata hy kuch lamhat ruknay ky baad car start krta hy.wo sardd hwwa sy sard parr chuki car ko aihsta aihsta highway ki trff ly jata hy.highway pr pohnch kr  car ki raftar barhti hy. Us wakt wo is baat sy anjan hota hy ky aj ka ye safar uski zindgi ka aik boht ehmm or khatarnak safar sabit ho ga.

Zyada tr dukanain bhi band ho chuki thien or logon ky hajoom suraj ki garmi ky sath hi khatm ho chukay thay jiski wja sy harr trf aik wirana sa tha or sarkon pr traffic na honay ky braber thi is lye sarkon pr jo traffic mojud thi wo kafi tezz raftar sy apni manazil ki trf barhh rhi thi. Shaam ki syahi bhii ab apnay Urooj pr thi or raat main tabdeel ho rhi thi.Badlon ny bhi ab brsna shuru kr diya tha.

" Aaj phir Urooj Py hy Mosam-e-Barsat ki Rim jim "

                                     "Aashiq mizaj logon ki khuda khair kray"

 Barish ki wja sy sarakon pr thoda thoda pani jmma ho gya tha or thandbhi barhh gyi thi.Wo shakhs apnay ap main gum tha or sarak ky daien trff wali lane main kafi tezz raftar sy ja rha tha. car ky andr kafi khamoshi thi or wo sochon main gumtha ky achank us khamoshi ko cheerti hoi aik tezz raftar truck ky horn ki awaz sunai di. jaisy hi wo us trf mutjwaja hoa us ny jo manzar dekha us ny usky hosh urra diye.

Aik truck jo pori trah saman sy ldda hoa sath wali lane main aa rha tha  wo tez raftar ki wja sy geeli sarak pr phisal gya. or khud ko sambhalnay ky lye dusri lane ki trf barh rha tha jis main wo shaks ja rha tha.Usi lane main us shakhski car ky pechy aik van ja rhi thi jo bilkul truck ky sath sath thi.

Ye manzar dekhtay hi us shakhs ny apni car ki raftar barhai or kuch centimeters ky faslay sy wo truck sy takratay takratay bach gya. Lekin wo van jo us truck kybilkul sath aa rhi thi wo itni khushkismat sabit na hoi or wo truck ky pechly hissay sy tkraa kr bekabu ho kr sarak ky kinaray bni diwar sy tkra kr aik trf ko palat gyi.wo truck bhi dewar sy takranay ky baad rukk gya.

 Jb us shakhs ny ye sb kuch dekha to wo bhi road ky aik taraf ruk gya or halat ka jaiza lyny ky lye jaldi sy car sy uttr kr us van ky pas pohncha. Wahan ka manzir kafi khofnak tha. Zmeen pr pani ky andr khoon ka rang saf nazr aa rha tha. Hadsay ki jga pr wo sb sy pehly pohnchta hy. wo shakhs aik pal ky ly rukta hy or wahan ky halat ko smjhnay ki koshish krta hy or phir wo jaldi sy van ky pas pohnch kr is baat ka pta lganay ki koshish krta hy ky van main kitny log hain or unki halat kya hy?

Van ky andr aik family ky 3 log hotay hain. Jin main aik larki jo ky takreebn 22-23 sal ki hoti hy ,uski cousin or uska bhai shamil hain, un ky ilawa aik driver or aik or admi jo ky kafi zyada age ka maloom hota hy wo bhi van main hotay hain. Sb log boht buri trah zakhmi thay lekin wo larki or wo Zaeef admi sb sy zyada zakhmi thay. zakhmi honay ky bavjod wo zaeef admi hosh main tha jb ky wo larki behosh ho chuki thi kiun ky usky sarr main gehri choot ayi thi. to usny us larki ko or us zaeef admi ko hospital ly janay ka faisla kiya. us larki ky bhai ko us ny apna contact number dy diya or us larki or zaeef admi ko usny aik or admi ki maded sy apni car main dala or jaldi sy unko ly kr hospital ki trf nikal parha.

Larki ki halat boht zyada khrab ho chuki thi or wo apni akhri sansain ly rhi thi agr kuch dair ky andr uska ilaaj na kiya jata to uska bachna mushkil tha lekin us ny waqt rehtay usko hospital pohncha diya.

usny hospital pohnch kr kisi ka wait kiye bgair usko larki ko utha kr emergency room main ly gya or doctors ny foran uska ilaaj shuru kr diya.Jbky us baazurg ko hospital ky emergency staff ny car sy nikal kr ICU main pohnchaya.

 Jb wo operation theater ky bahir intzaar kr rha hota hy us wakt uski nigah usky hathon pr parti hy. usky hath us larki ky khoon sy bhray hoe thy. tb usko khyal aya ky us ky ghar walon ny shyed contact krny ki koshish ki ho to wo foran apni jacket ki pocket sy apna cell phone nikal kr missed calls check krta hy to usko aik unknown number milta hy to wo foran us pr call krta hy. jaisa ky usny socha tha ye num usky bhai ka hi tha to us ny usky bhai ko sb kuch btaya ky wo kis Hospital main hy or uski behn ki kya halat hy.

Phone rkhnay ky baad wo isi kashmkash main mubtla hota hy ky ab usko yahan ruknachaye ya wo jis kam ky lye ghar sy nikla tha wo krna chaye. abhi wo soch main gum hota hy ky aik shakhs usko sochon ki duniya main sy nikal kr btata hy ky usko Doctor ny bulaya hy. wo jb doctor ky pas pohnchta hy to doctor usko btata hy ky us larki ko khoon ki boht zrurt hy hmain abhi tk jitna khoon mil ska hy wo nakafi hy apko or khoon ka bandobast krna pray ga. Doctor ki baat sunn kr us ny kuch dair khamoshi ikhtyar ki or phir doctor sy ijazat ly kr wo room sy chala gya.

Bahir atay hi us ny apny kuch doston ko maded ki garzz sy call ki lekin usky kisi bhi dost kay khoon ka group us larki ky khoon ky group sy nai mila to usny apna khoon dyny ky baray main socha or doctor sy usky khoon ka group pta lgany ko kha. Kuch dair tk us shakhs ky khoon ky group ka doctors ny pta lga liya or itfaq ki baat ye thi ky usky khoon ka group or us larki ky khoon ka group bilkul aik jaisa tha. Toh us ny doctor ko kaha ky ap mera khoon ly lo agr meri wja sa aik zindgi bach skti hy to mere lye is sy behtr or kya ho skta hy. Doctors bhi razamand ho gye or usko bed pr lytaya to us shakhs ny apni sunehri rang ki ghari jo us ny pehni hoi thi wo utar kr pas maiz pr rkh di kiun ky ye doctors ky lye mushkil paida kr rhi thi.

Behrhaal doctors ny jb syringe wgaira laga di or wahan sy chlay gye to wo akela hi wahan ye baat soch rha tha ky ab usko agay kya krna hy. akhir us ny faisla kiya ky ab wo khoon dyny ky bad foran yahan sy chala jye ga.

Asal main usko is baat ki fikar thi ky jb us larki ky ghar walon ko ye baat pta chalay gi ky us larki ko bachanay ky lye usny khoon diya hy to wo usky ehsan mand hon gy or wo ye nai chahta tha is lye us ny wahan sy janay ka faisla kiya.Or khoon dyny ky baad wo foran Hospital sy chala gya.

Usky janay ky baad, hospital staff ky aik admi ko uski sunehri ghari nazrr ayi. lekin jb tk wo admi us shakhs ko ghari dyny ky lye bahir pohncha tb tk woh shakhs ja chuka tha, to us admi ny socha," ye ghari us larki ko dy dun ga jb wo hosh main aa jye gi". ye soch kr usny wo ghari apnay pass rakh li.

Ab yahan main apko us Anjan Shakhs or us larki ki zindgi ky baray main kuch zruri malumaat dyna chahun ga, jo ky agay ki Kahani ko smjhnay ky lye zruri hy.

Us shakhs ka nam Atif hy. wo us waqt apni taleem mukamal krny ky baad aik private college main lecturar ki khidmaat saranjam dy rha tha. Is hadsay sy kuch din pehly hi usay goveronment ki nokri mili thi or usay nazdek hi aik college main lecturar mukarar ky diya gya tha. Hadsay ky 2 din baad us ny college main parhana shuru kr diya.wo larki bhi College Student thi.

Behrhaal ab wapis kahani ki traf atay hain.

Us larki ko 18 Din baad Hospital sy chutti mil gyi or takreebn aik mahenay bad wo bhi bilkul theak ho gyi. Dono ki zindgi wapis apnay mamool pr aa chuki thi. Us larki ky ghar walon ny us larkay sy baat krny ki boht koshish ki kiun ky jis shakhs ny us larki ko wo sunehri ghari di thi us ny sb kuch btaya tha ky us larki ki jaan bachanay ky lye kis ny khoon diya tha. Jaisay Jaisay wakat guzarta gya unhon ny bhi us larky sy rabta krny ki koshish chorr di. lekin wo larki jb boht koshish ky bavjod bhi us shakhs ka ye ehsaan na bhool Skii.Un dino us larki ny dobara college jana shuru kr diya kiun ky ab wo bilkul theak ho chuki thi.

Aik din jb College main  Atif Class ko lecture dyny ky baad bahir aya to us ki nazzr class ky pas bnay lawn main bench pr baithi 2 larkion pr prii.Un main sy aik larki ko dekh kr usay kuch ajeeb sa mehsoos hoa, usay mehsoos hoa jaisy us ny pehlay us larki ko kaheen dekha hy lekin us din wo bgair kuch bolay chala gya. kuch din aisay hi guzar gye.

Phir  aik din Dopher ko chuti ky baad jb wo college sy nikla or apni car ky pas pohncha to wahan Phir us ko wohi larki dikhai di to us ny bgair zyada sochay us sy baat shuru kr di

ATIF--: Ap isi college main Parhti ho?

Larki: Jee

ATIF-: In which class?

Larki: B.Sc lekin ap ye sb kiun pouch rhay ho? ap kon ho? Pehly kbi ap ko dekha nai

ATIF-: Main bhi isi college main lecturar hun kuch din pehly hi join kiya hy.

Larki: (Thodi bezti mehsos krty hoe) Sorry Sir! mujhay nai pta tha ap yahan lecturar ho main ny aj apko pehli bar yahan dekha hy.

ATIF-: Han tumhari baat bhi apni jaga theak hy.Main F.A or F.Sc ki kuch classes lyta hun to ap mujhay kaisy pehchano gi. Waisy aap yahan kiun khari hain?

Larki: Main gari ka intzar kr rhi hun.

Itni guftgo ky doran ATIF us larki ko achi trah pehchan lyta hy ky ye wo hi larki hy jis ka us raat accident hoa tha. Lekin wo larki usko pehchan nai payi kiun ky wo us raat accident ky baad behosh ho gyi thi.

Isky bad ATIF apni car ki traf barhta hy or car ka darwaza kholta hy. Itnay main us larki ki awaz sunai dyti hy jo madham si awaz main usay bulati hy.Uski awaz sun kr wo rukk jata hy or aik lamhay ky lye wo darr or Preshani main mubtla ho jata hy ky shyed us larki ny mjy pehchan liya hy. Lekin wo apnay darr or preshani ko chupa lyta hy or larki ki trf mutwja hota hy.

Larki: Excuse me sir!

ATIF: Jee

Larki: Sir ap sy aik request thi agr aap maan lyen to main apki ehsan mandd rahun gi

ATIF: han bolo kya request hy? Agr main tmhary lye kuch kr skta hun to zrur manun ga.

Larki: Sir main aik mahena college nai aa ski jis ki wja sy meri parhai both pechay reh gyi hy or ab mujhay kuch bhi smjh nai aa rhi ky kya parhaya jar ha hy.

ATIF-: toh main apki kya maded kr skta hun?

Larki: agr ap ky pas time ho to break ya chutti ky bad aap mujhy kuch dair parha diya krain tah ky mera jo aik mahinay  ka nisab reh gya hy wo bhi pora ho jaye. Agr ap fee bhi lyna chahain to main dy dun gi.

ATIF-: (kuch dair sochny ky baad) Theak hy main parha dun ga or fee ki bhi koi baat nai hy. Bs meri aik shart hy

Larki: Ji! Who kya?

ATIF-: Tum aik mahena college kiun nai ayi? Is baat ka jwab dy do to main parhaon ga.  Hahahahah!

          Or wo hanstay hoe car ki traf jata hy or car main baith kr wahan sy chla jata hy.  Wo larki kuch dair wahan khari uski baat pr goar krti hy or phir uski baat ko mazak smjh kr bhool jati hy.

          Din khatam hota hy, Raat guzri hy or aik nyi or khubsurat subah ka agaaz hota hy. Suraj paharon ky pechay sy nmodar hota hy, thand sy sard parr chuki harr cheez jilmilanay lgti hy. Suraj ki roshni or garmi barhnay ky sath sath sarkon or bazaron main logon ki bheerr Bharnay lgti hy.

          College main bhi, students ki tadad, subah ky sath sath bharti ja rhi thi.  Itnay main aik black car college ky samnay aa kr rukti hy or  us main sy aik khubsurat larki bahir aati hy. Us ny syyah or surkh rang ka libas pehna hoa tha jis main wo kafi dilkash dikh rhi thi or ird gird mojud log na chahty hoe bhi bar bar us ki traf dekh rhay thay. Dekhny main wo 20-21 sal ki lg rhi thi lekin asal main wo 24-25 sal ki thi.

          College ky pas or college ky andar mojud logon main sy zyada trr ye hi  khyal krty hain ky ye college main admission lyny ayi hy ya kisi or kaam sy ayi hy kiun ky shakl-o-surat sy wo aik college ki talib-e-ilm sy kuch zyada na thi.

          Al’btta wo college main dakhal hotay hi Admnistration Block ki traf barhti hy. Or kuch hi lamhat main wahan gayb ho jati hy.

          Itnay main ATIF ki car aa kr rukti hy. Aaj wo wakt sy kuch dair baad pohnchta hy jis ki wja sy wo Adminstration area ki traf janay ki bjaye sidha apni pehli class ko lecture dyny ky lye class main chala jata hy. ATIF Apnay farz ko sb cheezon sy behtr janta hy. Kitni bhi majbori kiun na ho us ny kbhi apni class nai chori, kiun ky us ky dimagh main ye baat both acchi trah baith chuki thi ky jin students ko wo parhata hy wo uski zimedari pr hain, or unka mustakbil khrab krny ka usko koi haqq nai, is lye wo un ko parhana  apna sb sy awwalien farz smjhta hy.

          Behrhaal apni subah ki pehli class ko lecture dyny ky baad wo Admnistratin Block ki traf ja rha tha, rasty main uski mulakat us larki sy hoti hy jo usi subah college main ayi  thi or abhi tk kisi ko us ky baray main kuch bhi maloom nai tha, us larki ny usko roka or mukhatib kiya

Anjan Larki: Asslam-O-Alaikum!

ATIF: Waalaikum salam! (kuch lamhaat therta hy) Kya main apko janta hun?

Anjan Larki: Shyed nai! Kiun ky mera aj college main first day hy.

ATIF: (uski shakal-o-sorat sy dhokha kha kr) Kiss Class main Admission lya hy?

Anjan Larki: (Hansty hoe ) Main student nai hun……….!!!

ATIF: To phir ap kya ho?

Anjan Larki: Main Private Teacher hun, Computer Science ki classes liya krun gi junior classes ski.

ATIF: (Muskuraty hoe or taziya andaz main) Shakal sy to tum 2nd year ki Student dikhti ho……!

Anjan Larki: (Sharmindgi mehsoos krty hoe)  Aap ko kya lgta hy ky main ye prhanay wala kaam nai kr skti?

ATIF: Kiun nai kr skti …..!!! Tum bs thoda bhrosa rkho khud pr, tum jo chaho kr skti ho…….Waisy apka nam pouch skta hun?

Anjan Larki: jee! mera nam Huma hy or apka kya nam hy?

ATIF: Mera nam ATIF hy or main junior  classes ko Physics Parhata hun. Mujhy bhi is college main parhatay hoe abhi aik mhena hi hoa hy.

Huma: Yani aap bhi new teacher hi ho merit rah.

ATIF: G bilkul! Or agr aap ko yahan kisi kism ki madded  ki zrurt prray to bgair jhijak ky mujh sy keh dijye ga.

Huma: G Zrur!

ATIF: Theak hy. Abhi mujhay ijazat dijye mujhy zraa kaam hy .

Huma: Aap sy mil kr khushi hoi.

          ATIF  muskratay hoe wahan sy chala jata hy or Huma wahin garden main baith kr apni  agli class ka iztzar krny lg jati hy.

          Usky baad break tk ATIF apni classes lyta hy or phir jb wo break ky time pr apni akhri class sy farig ho kr Staff room ki traf ja rha hota hy to uski nazr usi larki pr parti hy jis ny pechly din us sy break main parhnay ky baray main poucha tha, wo staff room  ky pas khari ATIF ka wait kr rhi thi.

          ATIF us ky pas jata hy or bat shuru krta hy

ATIF-: Kis ky intzar main khari ho?

Larki: Sir! Ap ka hi intzar kr rhi thi  or  yahan main kis ka intzar krun gi?  Main ny socha ap yahan hi mujhy milo gy to main yahan aa gyi. Mjy to apka nam bhi maloom nai tha to ap tk kaisy pohnchti?

ATIF: Nam to mujhy tmhara bhi maloom nai…..!!! nam kya hy tmhara?

Larki: Mera nam “Hira” hy or ap ka nam jan skti hun?

ATIF: hmmm….mera nam  ATIF hy.

Hira: Toh sir prhain gy na aap mujhy?

ATIF : Han parhaon ga lekin meri shart to yad hai na tumhain?

Hira: Ji Sir yad hy

ATIF: ok then chlo garden main baithty hain

Hira: theak hy chaliye

Dono garden main pohnch jatay hain wahan kuch students pehly sy groups bna  kr baithay thay, kuch baton main or kuch parhai main masroof thay.  ATIF or Hira bhi aik side pr baith gye or dobara guftgoo ka silsla shuru ho gya

ATIF: Chlo pehly tum btao ky kya wja thi jo tum aik mhena college nai    aa ski…!!!

Hira: yani ap pouchay bgair nai reh sktay?

ATIF: (Hanstay hoe) nai g

Hira : Acha to suniye phir

ATIF: jee

Hira: Drr’asal aik mhena pehlay mera accident ho gya tha is wja sy nai aa ski

ATIF: kaisay hoa accident?

Ishs: Van main apnay relatives ky ghar ja rhi thi family ky sath , barish ho rhi thi , geelay road pr aik truck be’kabu ho kr van sy tkra gya to kafi chot ayi thi hum sb ko. Main to behosh ho gyi thi….

ATIF: Theak! Phir kya hoa?

Hira: Phir bs mujhy 2 din baad Hospital main hosh aya. Tb mujhy sb pta chala ky us raat mere sath kya kuch hoa tha.(Hira soch main gum ho kr) Lekin abhi tk main usko dhundh nai payi…

ATIF: Kis ko ?

Hira: Mujhy accident ky baad khoon ki both zrurt thi or mujhy hospital walon ny btaya ky jo shakhs mujhy apni car main hospital ly kr aya tha us ny mujhy bachanay ky lye khoon diya tha.Lekin wo mere hosh main anay sy pehlay hi wahan sy chala gya tha.            

ATIF : tum ny usko dhundnay ki koshish nai ki?

Hira: Koshish toh boht ki lekin main usay dhundh nai ski kiun ky main us ky baray main kuch janti bhi to nai, bs uski aik nHirani liye phir rhi hun tb sy.

ATIF: kaisi nHirani?

Hira: (wo sunehri ghari nikal kr usay dikhatay hoe)  yeh us ki ghari hy, wo hospital main bhool gya tha.                                                                  

ATIF: (ghari ko foran pehchan jata hy) lekin tum usko kiun dhundna chahti ho? Agr usko dhundh bhi lo gi toh kya kro gi tum?

Hira: Pta nai! Bs dhundhna chahti hun…..Bs mujhy us sy lgao sa ho gya hy

ATIF: Okay…best of luck!

Hira: To ab toh ap mujhay parhao gy na?

ATIF: han!… kiun nai (wo soch main gum hota hy)

Hira: (kitab usko dyti hy) ye lijye sir….

          Us ky baad wo usay parhana shuru kr syta hy lekin pus pr Hira ki batain kafi asar krti hain or usko ye baat sochnay pr dobara majboor kr dyti hain ky usay Hira ko such btana chaye ya nai.

          Kuch din tk wo ye baat bar bar sochta rehta hy lekin wo kisi natijay pr nai pohnch paata. Akhir wo kafi din sochnay ky baad ye faisla krta hy ky wo usay kuch nai btaye ga, sb kuch jaisy chal raha hy aisy hi theak hy.

          ATIF college ka sb sy khush ikhlaq insan tha or college ky sab teachers or students us sy impressed thay or uski boht izzt krtay thay lekin jaisa ky is duniya ka asool hy ky jahan achay log mojood hota hain wahan achay logon ky sath sath kuch aisay log bhi mojood hotay hain jin sy dusron ki khushi, izzt or makbooliyat dekhi nai jati. Yahan bhi kuch aisa hi mamala tha ky kuch teachers or kuch students  ba’zahir to boht  achay maloom hotay thay lekin dil hi dil main wo us ky khilaf thay.

          Kuch students ko us sy ye masla tha ky wo ail asool prast insaan tha or jo students lecture ky doran prhai pr kuch khas twjja nai dyty thay or tests wgaira main bhi koi kabil-e-itmnan natija nai dyty thay wo un students ky walidain ko is baat sy aagah kr dyta tha, ye baat un students ky lye na’gawar  thi or wo harr wakt aisay mokay ki talash main rehtay thay jis sy wo kuch aisa kr skain ky ATIF ko uljhaye rkhain ta’keh wo un pr itni tawajja na dy skay.

          Teachers ko us sy koi khas masla to nai ho rha tha lekin kuch students ny, jo ATIF ky khilaf thay, baki teachers ko us ky baray main ulti sidhi or galt batain bta kr usky khilaf kr diya tha.

          Is doran college ki new lecturer Huma ky sath us ki salam dua kafi barhh jati hy or aisa mehsos hota hy jaisy wo ATIF main kuch interest lyti hy kiun ky aksar usko jab bhi koi kaam parta ya usay koi college sy related koi masla hoti to wo sirf ATIF sy hi bayan krti.wo usay sirf aik achi dost smjh kr us ki harr problem solve kr dyta.

          ATIF aik professional teacher tha or apni taleem bhi pori kr chukka tha or ab parhanay main bhi uska kafi tajurba ho gya tha lekin Huma abhi aik nyi teacher thi or us ny abhi parhana shuru kiya tha, is ky ilawa ye ky wo abhi khud bhi parhh rhi thi, is lye usay aksar apnay subject sy mutalik kuch na kuch pouchna parr jata tha, isi bahany uski ATIF sy mulakat or baat cheet hoti rehti thi.Shuru shuru main wo ATIF ko sirf aik acha dost smjhti thi lekin wakat guzrnay ky sath sath wo us ky achay ikhlaq or  achai ki wja sy usko dil hi dil main pasand krny lgg gyi.

          Dusri tarf Hira ko ATIF ny aik month boht mehnat sy parhaya or aik mahenay main usay boht achi tyari krwai. Jb aik mahena guzar gya to Hira ny parhny ky lye ATIF ky pas jana chor diya kiun ky us ny aik mahenay ki baat ki thi or ab aik mhena guzr gya to us ny parhnay ky lye ATIF ky pas jana chor diya lekin usay kuch din main is baat ka ehsas ho gya ky agr usay imtihanat main achay numbers sy pass hona hy to usko ATIF sy parhtay rehna chaiye. Lekin wo ab usko tang nai krna chahti thi kiun ky pehlay bhi us ny aik month ATIF sy bgair fee ky parha tha.

          Dusri tarf ATIF ko bhi aik month Hira ko parhanay ky doran us main kafi dilchaspi paida ho gyi thi. Us ki 2 wajohaat thien , pehli wja ye thi  ky usay ye baat boht acchi laggi thi ky Hira ko us shakhs ki itnni shiddet sy talash hy jis ny usay khoon dy kr bachaya  tha, or dusri baat ye thi ky Hira ka ikhlaq boht acha tha.  Jb sy Hira ny bgair btaye parhnay ana chor diya tb sy dono ki aik dfa bhi baat cheet  nai hoi. Lekin wo us din sy khud ko kafi tanha mehsoos kr raha tha or us sy baat krna chahta tha.

          Us ky parhnay na anay ki waja wo achi trah janta tha lekin us ny socha kiun na anjan bnn kr uss sy  wjaa pouchon..!

          Aglay hi din wo jb chutti ky wakt ghar janay ky lye apni car ky pas pohnchta to wahan Hira hassb-e-mamool gari ky intzaar main khari dikhai di. Wo mokay ko ganeemat jan kr usky pas pohnchta hy….

ATIF: Assalam-o-Alaikum!

Hira: Waaaikum Salam! Kya haal hy apka?

ATIF: main to bilkul theak hun lekin tum achanak kahan gayb ho gyi  thi. Itnay din sy parhnay nai ayi?

Hira: Sir! Aik mhenay ka bola tha ap ny to main ny aik mhenay baad ana chor diya…….!!!

ATIF:Ye hi wja thi naa anay ki ya koi or waja thi?

Hira: nai sir bs ye hi wajja thi or toh koi wja nai….

ATIF: Acha! Theak (Khamoosh ho jata hy)

Hira: Sir! Agar aap ko koi problem na ho to kya ap ab bhi mujhay parha sktay hain?(Baat ko mazeed barhaty hoe) Agr koi masla hy ya aap ka irada nai to aap  be’jhijak inkar kr dijye, mujhy bilkul  bhi bura nai  lgay ga

ATIF: nai nai ! Mujhay koi problem nai . pehly bhi main ny to tmhain mnaa nai kiya ky parhnay matt aao tum ny khud hi ana chor diya, agr mujhy koi masla hota to main tumhain khud hi btaa dyta…

Hira: Boht boht Sukriya aap ka….! Aap ny mera boht braa masla hal kr diya……

ATIF: (Muskuraty hoe) Mujhy khushi ho gi tmhain parha kr kiun ky tum meri aik sb sy mehnti student ho

Hira: Thank you! Sir!

ATIF: (Car ki traf barhtay hoe) apna khyal rkhna or kal break main Garden main aa jana kitabain ly kr.

Dil hi Dil main Hira boht khush hoti hy kiun ky ab aik achay or mehnti teacher ky milnay ki wja sy us main ye umeed paida ho jati hy ky main ab imtihanat main achay numbers sy pass ho sakti hun. Or sath sath Atif ko bhi is baat ki khushi hoti hy ky bgair zyada koshish ky Hira dobara mjhy sy parhnay ky lye mann gyi.

Aglay hi din sy pehly ki trah sb mamool pr aa jata hy. Hira dobara us sy parhna shuru kr dyti hy. Jb bhi Atif us ky sath hota to usay aik boht acha sa ehsaas hota, or wo ye hi chahta ky ye ehsaas kbhi khatam na ho or Hira kbhi us sy dor na ho.Jb bhi wo kbhi tanhai main baitha hota to aksar wo Hira ky baray main hi socha krta tha.

Dusri janib New teacher Huma ka bhi kuch ye hi haal tha, wo larki jo pehly har wakt baatain krti thi or apny kaam main mashgool rhti thi ab wo zyada trr akeli baithi kisi soch main gum nazar ati thi. Kbhi college ky garden main akeli baithi nazr ati or kabhi computer lab main free period main akeli baithi nazr aati.

Aik din wo youn hi computer lab main farig baithi Atif ki sochon main gum thi ky achanak wahan Atif aa gya. Wo kafi dair chupchaap usky pas khara raha lekin Huma to khyalon main boht dor pohnchi hoi thi, us ny Atif pr goar nai kiya. Akhir Atif ny baat shuru ki

Atif: Huma!

Huma: (Aik dam chownk jati hy) je je…….!!!

Atif: Madam g kin sochon main gum ho? Main kb sy aap ky paas khara hun lekin apko pta bhi nai chala…..

Huma: Kuch khas nai bs youn hi ……!!!

Atif: Acha Chlo choro in baton ko main aik kaam sy yahan aya hun tumhary pas……..Kya tum kro gi?

Huma: Je! Kya kaam hy?

Atif: Ye kuch Documents hain ye type kr ky e-mail krny hain boht zruri hain. Agr time hy to tm kr do warna koi baat nai main khud kr ln ga.

Huma: G main kr dun gi ap fikr na kro…..

Atif: Acha g boht boht sukriya… ab main chalta hun….

Huma: (romantic ya shikayat krny walay andaz main) Aaj kal to aap harr wakat maroof rehtay ho kbhi kbhar mujh sy bhi koi baat kr liya kro, mujhy kuch help bhi chaye aap ki, apnay subject sy mutalik.

Atif: Aaj kal masroofiyaat kuch zyada hain wakat nai milta lekin kuch din tk main farig ho jaon ga or phir aap sy baat cheet bhi hoa kray gi or aap ko meri jo bhi maded chaye main krun ga… bs 2-3 din tk aap ko intzaar krna ho ga.

Huma: 2-3 Din hi na?

Atif: Han bs 2-3 Din…..

Huma: Okay phir theak hy

Atif: Ab mujhay ijazat hy?

Huma: Han han zrur.

          Atif wahan sy chala jata hy. Or huma ny us ky diye hoe documents type krna shuru kr diye. Wo usky kaam ko pora krnay ky lye chutti tk lgi rhi, us ny apny 2 lectures bhi nai diye kiun ky wo us ky kaam ko zyada ehmiyat dy rhi thi.

          Hira ky sath Atif ki Dil’lggi ab aihista aihsta pyar main tabdeel hoti ja rhi thi lekin wo usay kbhi is baray main kuch nai bta paya. Wo khud ye baat nai janta tha ky usko din ba din kya hota ja rha hy. Wo bss itna janta tha ky ab Hira ky bgair uski zindgi main aik khalipann sa hy.

          Sb kuch theak thak chal rha hota hy or Hira ky Imtihanaat main ab sirf 1-2 mhenay hi baki hotay hain or Atif pori mehnat sy usko imtihanaat ki tyari krwanay main masroof hota hy, wo usay break main bhi or chute ky baad bhi kafi dair tak parhata ta’ky wo achay numbers sy pass ho jaye.

          Aik Din Subah jb Atif apnay lecture sy farig ho kr Garden ky pas sy guzrta hy to uski nazr Huma prr parti hy jo Garden main bilkul khamosh or preshan baithi nazr aati hy. Wo usko preshan daikh kr ruk jata hy or usky pas jata hy.

Atif: Huma!

Huma: ji?

Atif: Kya hoa tm boht preshaan lag rhi ho khiryt to hy?

Huma: (Baat ko taaltay hoe) Han…. Aap yahan kaisay?

Atif: Huma agr tum mujhy such main apna acha dost smjhti ho to job hi masla hy mujhay saf saf btao…

Huma: Kya aap such main janana chahty ho?

Atif: Han

Huma: Acha toh suniye phir…..meri zindgi ky baray main aap jo kuch jantay hain wo kuch bhi nai hy….Main Pakistan ki rehnay wali nai hun,main Phillipines main paida hoi thi, main aik muslim family sy hoon is lye mere ghar walon ny wahan ky halat ko mere lye behtr na smjhtay hoe mujhy bachpan main hi Pakistan bhej diya mere aik uncle ky pas….

Atif: Han theak…agay btao……..!

Huma: Main ny yahan hi taleem hasil ki or yahan hi bari hoi….Main achi zindgi guzaar rhi thi, Uncle ny kbhi mujhy is baat ka ehsas nai honay diya ky main apnay maa,bap,bhen,bhaion sy dur hun.

Atif: Toh ab kya hoa?

Huma: 2 sal pehlay mere Uncle ki death ho gyi…Tb sy mujhy un ki boht kami mehsoos hoti hy.. unky janay ky baad mere lye aik Ghair mulk main akeli rehna boht mushkil ho gya hy.

Atif:Main samjh skta hun ky aik akeli larki ky lye zindgi guzarna kitna mushkil kam hy….Tum wapis phillipines kiun nai chali jati??  

Huma: Main apni taleem adhori chor kr wapis nai jana chahti… si lye jb tk meri taleem pori nai ho jati main wapis nai jaun gi.

Atif: waisay to tum theak thak hoti ho lekin aj aisa kya masla tha jo tum itni preshan baithi ho?

Huma: Kal raat meri malik makano ky sath larai ho gyi…

Atif: Kis baat pr?

Huma: Meri car ka lock khrab ho gya tha is lye bahir road pr car mehfooz nai thi. Main ny malik mkano sy kaha ky aik raat ky lye ap mujhy car garage main khari krny dain lekin unhon ny meri baat nai mani or mere sath bdtmizi bhi ki… jis ki wja sy kafi behhss ho gyi or unhon ny kaha ky 2 din ky andar makan khali kro…ab mujhy ye smjh nai aa rhi ky main 2 din main makan kaisay dhundun is wjaa sy bohat preshan hun.

Atif: Yani msla kafi braa hy……..!!! lekin tum fikr na kro tumhain main aj sham tk koi na koi makan dhundh kr dun ga……mujh pr bhrosa rkho

Huma: Pkka aap dhundh lain gy na aj sham tk?

Atif: Han …..Tum bss fikr na kro.

          Atif ki is baat sy Huma ko kafi hosla milta hy or wo raat tk besabri sy usky phone ky intzar main baithi rehti hy… ky kb Atif usko ghar milnay ki khushkhabri sunaye ga.Lekin raat tk uska koi phone nai ata or isi wja sy Huma ki mayoosi barhnay lgti hy. Raat ko 12 bjy ky kareeb Huma ko Atif ki call ati hy or Atif usay btata hy ky us ny apnay ghar ky nazdeek hi us ky lye aik ghar dhunda hy, kraya bhi kafi munasib hy.  Huma ko boht khushi mehsos hoti hy or wo uska boht shukriya ada krti hy or wo Atif k kehti hy ky main aik dfa ghar dekhna chahti hunt oh Atif mann jata hy or agli subah usko apny ghar pr bulata hy.

          Huma ko pori raat khushi or besabri ki wja sy neend nai ati. Subah wo boht jaldi bedar hoti hy. Suraj ki shuaen abhi zmeen pr parna shuru hi hoi hoti hain ky Huma Atif ky ghar pohnch jati hy. Us din dono college nai jatay. Atif kuch dair baad Huma ko makan dikhanay ly jata hy jo ky us ky ghar sy kafi nazdeek hota hy. Huma ko makan bohat pasan aata hy or wo foran wahan rehnay ky lye mann jati hy. Usi din Atif ki madded sy sara saman wahan pohnch jata hy or Huma ka sara masla hal ho jata hy. Huma is wja sy bohat khush hoti hy or Atif ka bohat sukriya ada krti hy. Huma ky dil main Atif ky lye izzt or pyar or bhi barh jata hy.

          Dusri traf Hira ky salana imtihaan shuru ho jatay hain or wo apnay ghar sy ijazat ly kr imtahanat ky doran bhi college aa jati or Atif sy parhti. Usky Imtihanat bohat achay ho rhay thay is lye usko boht umeed thi ky wo is dfa boht achay numbers hasil kray gi. Hira ki is khushi ko dekh kr Atif ny socha ky kiun na main Result ky din Hira ko sbb kuch such such bta dun ky main kon hun or sath hi ye bhi bta dun ky main usay boht pasand krta hun.

          Ab Huma Atif ky ghar ky nazdeek rehti thi is lye ab aksar Huma usky ghar kisi na kisi kam sy ati jati rehti thi. Huma akeli rehti thi is lye aksar log usay tang krtay thay jiski wja sy usko kafi darr sa rehta tha. Usny socha kiun nai main sb ko ye hi baton ky main Atif ki Cousin hun is trah koi tang nai kray ga lekin usny aisa krny sy pehlay Atif sy pouchna behtr smjha. Usny aik din Atif sy is baat ka zikr kiya. Wo bhi akela hi rehta tha or log uski boht izzt bhi krtay thay is lye usay is baat sy inkar kiun kr hota.Usny Huma ki baat man li or jb bhi koi Huma sy koi is baat ka zikr krta ky tum akeli rehti ho yahan to wo saf keh dyti ky nai mera cousin bhi yahan nazdek hi rehta hy. Is tarkeeb sy boht faida hoa or Huma ky lye akeli rehny ki jo mushkil thi wo bhi khatam ho gyi.

          Hira imtihanat khatam honay ky 2-3 Din baad dobara college ayi Atif ka sukriya ada krnay ky lye kiun ky usnay bgair paisay lye usay imtihant ki pori mehnat ky sath tyari krwai thi, isky pechay aik or baat bhi thi, un dino Hira ky ghar ky halat kafi khrab thay, agar Atif usay imtihanat ki tyari na krwata to wo kisi or sy fee dy kr parh nai skti thi.

          Us din Hira ki Atif sy mulakat nai ho ski kiun ky us din Atif bemar honay ki wja sy college nai aya. Hira ny apni teacher Huma sy pouchnay ka socha kiun ky wo janti thi ky Huma, Atif ky ghar ky pas rehti hy or us ki kafi achi dost hy. Kafi dair dhundnay ky bad akhir Hira ny Huma ko college main dhundh hi liya.

Huma aik class ky nazdeek bnay aik lawn main bench pr baithi aik kitab parh rhi hy, Hira nazdeek jati hy or baat shuru krti hy.

Hira: Excuse me Madam!

Huma: Yes…..

Hira: Madam ap ny pehchana mujhay?

Huma: Tum hi Hira ho na………

Hira: G madam lekin apny itni jaldi kaisay pehchan liya mjy, ap to hmari class ko parhati bhi nai thien

Huma: Dear mujhay tumharay teacher Atif ny btaya tha tmharay baray main…… waisay aj tum yahan???.....koi kam tha ya waisay hi ayi ho?

Hira: Main sir Atif sy milnay ayi thi……

Huma: Kiun?

Hira: Unka shukriya ada krnay ky lye…… unhon ny mjy itni achi trah tyari krwai…… Aap bta skti hain ky wo kahan hain main kb sy dhondh rhi hun lekin mjy nai milay, main ny socha ky shyed apko pta ho…..

Huma: Wo to aj college hi nai aye, wo tmhain kaisay milain gy…….

Hira: Kiun nai aye?

Huma: wo 2 Din sy bohat bimar hain…..3-4 din ki chutti pr hain

Hira: Okay madam theak hy….lekin agr kbhi apki unsy mulakat ho to unhain bta dijye ga

Huma: Ok dear….

          Hira chali jati hy. Usay bhi kafi dukh hota hy is baat ka…

Kafi din guzar jatay hain. Atif dobara college jana shuru ho jata hy lekin wo zyada trr wakt Hira ky baray main hi sochta rehta tha.

Aik din sham ko Huma Atif ky ghar ati hy or usay kehti hy ky “main ny new computer kharidnay jana hy….tum mere sath chlo gy bazaar”

Wo man jata hy or usky sath chala jata hy. Bazar main ghoomtay hoe Huma ki nazr Hira pr parti hy jo apni ammi ky sath aik dukan pr kuch kapray khrid rhi hoti hy.Huma Atif ko is baray main nai btati bs usay itna hi kehti hy “zra idhar aao tmhain kisi sy milwana hy mjy” or usay Hira ky pas ly jati hy. Atif ki nazr jb us pr parti hy to wo boht acha or behtr mehsos krny lgta hy. Us ky chehry pr jo udasi chai hoi thi wo muskurahat main bdal jati hy.

          Un dono ky wahan pohnchnay sy pehly hi Hira ki nazr un pr par jati hy. Or wo khud hi baat ka agaz krti hy.

Hira: Hello Sir!......or madam ap bhi yahan?

Atif: Kya haal hy dear…….

Huma: Han g main bhi yahan ayi hun tumhari trah shopping krny…..

Hira: Oh! Nice madam g……..or Sir apki tbiyat kaisi hy ab?

Atif: Ab behtr hy pehly sy……….

     (Hira un dono ka apni ammi sy taruf krwati hy)

Kuch dair baat chet ky bad Atif or Huma unsy ijazat talab krty hain or wahan sy chalay jatay hain us kam ky lye jis ky iraday sy woh bazaar aye thay.

          Huma ko Atif ki baton sy is baat ka shak sa ho gya tha jaisy wo Hira ko pasand krta hy. Is lye us ny aik din moka dekh kr Atif sy is mutalik pouch hi liya. Atif ny pehly to baat ko talna chaha lekin Huma ky israr krny pr akhir usny such bta diya. Usny accident sy ly kr tb tk ki sari dastan usay sunai or btaya ky wo hira ko boht chahta hy.

          Ye baat sun kr Huma ky hosh urr gye. Usay boht dukh hoa, wo jisko chahti thi wo kisi or sy pyar krta tha. Huma khud ko sambhal nai pa rhi thi, usny boht mushkil sy khud ko sambhala or atif ko ye baat nai btai ky wo usay boht pyar krti hy. Huma ny uski khushi ki khatir  apni khushi ki qrbani dy di.

          Ab Huma ki adaton main kafi bdlao ana shuru ho gya. Ab wo har wakt udas or khamosh rehti. Ghar sy bhi boht km bahir niklti or aksar college bhi na jati. Usky is badlay hoe rawaiye ko dekh kr Atif ny Huma sy wja janany ki boht dfa koshish ki lekin wo chup rhi or kuch nai btaya.

          Din guzrtay gye or akhir wo din aya jiska Atif kb sy intzar kr rha tha, yani jis Din Hira ka result tha. Jis din result tha us din Atif ny kafi dfa Hira ko call ki lekin usny phone nai uthaya. Wo ab preshan tha kiun ky wo phone na uthany ki wja ye smjh rha tha ky Hira ya to fail ho gyi hy ya usky numbers km aye hain is lye wo gusa hy.

          Us sy aglay din Atif rozana ki trah apni class ko lecture dyny ky baad staff room ki traf ja rha tha ky Hira staffroom ky bahir uska intzar kr rhi hoti hy, wo dil hi dil main kafi khush hota hy lekin sath sath thoda dra hoa bhi hota hy ky kahin wo fail hi na ho gyi ho or yahan mjy ilzam dyny ayi ho. Lekin phir bhi wo himmt kr ky usky pas jata hy. Abhi wo kuch bolny hi wala hota hy ky Hira khud hi baat shuru kr dyti hy.

Hira: Hello Sir! Aap aa gye …… main kab sy ap hi ka intzar kr rhi hun

Atif: Ohh! Acha ….. sb sy pehly ye btao ky tumhara result tha na kal to kya bna???

Hira: Sir g main boht hi achay marks sy pas ho gyi hun or specially apko thanks bolnay ayi hun kiun ky ye sb ap ki wja sy hi hoa hy….(or aik dibba jo kafi sjaya hoa hota hy wo usay dyti hy) Ye meri traf sy aap ky lye aik chota sa tohfa…..

Atif: Congratulations! Mujhay boht khushi hoi tumharay pass honay ki lekin ye Gift ki kya zrurt thi ………

Hira: Sir ye to bs main ny apni khushi sy diya hy please ap Accept kr lijye.

Atif:  Chlo theak hy kr liya Accept…….Ab khush ho na?

Hira: Ji Sir

Atif: Hira kuch dair tum Computer Lab main Huma ky pas baitho mjy tum sy aik kam hy main 20-25 min tk ata hun…..

Hira: Jee sir Zrur (wo Computer lab ki traf chal parti hy)

          Atif kuch dair baad Computer Lab main jata hy.  Hira or Huma wahan baithi batain kr rhi hoti hain.

Atif : Hira Boor to nai hoi …..

Hira: Nai Sir bilkul bhi nai…..Miss Huma ky pas baith kr bhi koi boor ho skta hy?

Atif: Han ye baat to tum ny theak kahi lekin aj kal pta nai Huma khud hi boor kiun rehti hy………

Huma: Nai Nai main kiun boor hun gi main to bilkul theak hun

Atif: (Aik Fold kiya hoa Page Hira ko dyta hy)  Ye lo…

Hira: Sir ye kya hy?

Atif: Aik question likha hoa hy is main……agr answer dyna chaho to mjy call kr ky bta dyna or agr na dyna chaho to tumhari marzi hy….mjy koi gila nai hoga

Hira: Or agr main ny theak answer dy diya to?

Atif : Phir main tumhain tumhari zindgi ki aik boht ehmm schai baton ga

Hira: Kya main isay abhi khol kr dekh skti hun?

Atif : Nai…….ghar ja kr akelay main kholna

Hira: Theak hy Sir g…..ab main chalti hun….

Atif : Theak hy (Hira Chali jati hy)

Huma: Kya question likha tha us main mujhay bhi to btao

Atif : Kiun? Tum kya kro gi jan kr?

Huma: Bta do na……

Atif : Agr usny jwab diya to main sb sy pehly tmhain hi btaon ga…..Question bhi or Uska answer bhi

Huma: Promise?

Atif: Han (wo bhi wahan sy chala jata hy)

          Ghar pohnchtay hi Hira sb sy pehly us kagaz ko kholti hy or parhna shuru krti hy. Shuru sy akhir tk parhti hy or parhnay ky baad kafi preshan si ho jati hy or akeli baith kr kuch sochny lg jati hy. Atif us ky jawab ka intzaar kr rha hota hy. Subah guzrti hy, Sham guzrti hy lekin koi jwab nai ata wo kafi mayous ho jata hy. Kuch din youn hi guzar jatay hain. Wo ab ye baat sochna shuru kr dyta hy ky Hira ka jwab na hy is lye usny koi jwab nai diya. Huma bhi aik 2 martba us sy is mutalik pouchti hy ky Hira ny kya jwab diya?

          Aik din jb wo college sy wapis ghar janay ky lye car main baithny lga to car ki seat pr aik Letter pra tha. Car ky darwazay ki window thodi si khuli reh gyi thi is lye kisi ny wo khatt car ki khuli hoi window sy andar phaink diya. Usny wo khatt uthaya. Khatt ky lfafy pr ye ibarat  likhi hoi thi “For Atif From Hira”. Is wakt ka intzar wo kab sy intzar kr rha tha. Wo lfafa kholta hy or us main mojud kaghz nikal kr parhna shuru krta hy. Khatt pora parhny ky bad wo foran wapis college main jata hy wahan wo Huma ky pas jata hy or usay btata hy ky Hira ka jwab aa gya hy ab main tmhain btata hun ky wo sawal kyat ha. Huma bhi kb sy ye baat jan’nay ky lye betab thi. Atif ny jo kagaz us din hira ko diya tha us pr darj’zail ilfaz likhay hoe thay.

          “Dear Hira! Main or tum aik dusray ko kafi arsa sy jantay hain or aik dusry ko kafi had tk smjhtay hain. Is lye umeed krta hun ky tum meri baat ko smjho gi. Main tumhain boht pasand krta hun. Is lye nai ky tum khubsurat ho blkay is lye ky tum khobseerat ho.Tumhary achay ikhlak or tumhari achi adaton ki wja sy main tumhain boht pasand krta hun or tum sy shadi krna chahta hun. Ye baat tumhain ajeeb zrur lgay gi ky tmhary teacher ny tmhain prpose kiya lekin mera koi galat irada nai hy. Agr tum bhi mujhay pasand krti ho or shadi ky lye razi ho to mujhay kisi bhi trah bta dyna or agr tum aisa nai chahti to tb bhi mujhay aik dfa bta dyna, main tumhain dobara is baray main kbhi kuch nai bolun ga.”

          Huma ko ye baat sn kr boht dukh hoa lekin us ny apni androni kaifiat ko chupaty hoe Atif sy poucha, “Phr Hira ny kia jwab diya?”

Atif Hira ka bheja hoa khatt Huma ko pkra dyta hy.

          “Dear Atif Sir! Mujhay smjh nai aa rhi ky apko kya bolun “Atif” ya “Sir”? Lekin wo to baad ki baa thy. Pehly main apko ye baat btana chahti hun ky main bhi ap ko boht pehly sy pasand krti hun lekin 2 wajohat ki wja sy khamosh rhi. Aik wja ye thi ky main is wja sy apsy is mutalik kuch keh nai ski kiun ky ap mere hi college ky teacher ho, ye alag baat hy ky hmari age main itna fark nai hy. Dusri baat ye thi ky mujh main itni himat nai thi ky main ap sy kuch keh skti. Lekin agr mujhay is baat ka pta hota ky ap bhi mujhay pasand krty hain to main pehly hi himmt juta kr apko apny dil ki baat bta dyti.

          Jwab is lye dair sy dy rhi hun kiun ky apki baat jan’nay ky bad main ny apko jwab dyny sy pehly aik dfa is baat pr dobara goar krny ky baray main socha ky kya main ap ky lyk hun ya nahi? Main theak rasty pr hun ya nai?

          Or ap ny mujhay kon si haqeekt btani thi? Or kb btain gy? Jaldi bta dijye ga main intzar krun gi”.

Huma usay khatt wapis dy dyti hy….

Huma: Toh ab kya krna hy? Haqeekt btao gy usay ya nai?

Atif: Krna kya hy jo hoa wo bta dun ga such such….

Huma: Lekin ye baat tum ny usay pehly kiun nai btai? Agr bta dyty to us ky lye faisla lyna zyada asaan hota….

Atif: Jo rishtay jitni asani sy bantay hain wo utni hi asani sy toot bhi jatay hain……..agr main usay pehly haqeekt bta dyta to wo apna faisla aik ehsaan ki bunyad pr krti lekin ab us ny apna faisla mjy aik aam insan smjh kr kiya hy, wo insan smjh kr nai jis ny usay bachaya tha…..

Huma: Han baat to tmhari bilkul theak hy……lekin agr wo tumhari baat sy inkar kr dyti to kyat um usay tb bhi haqeekt bta dyty?

Atif: Nai, Bilkul bhi nai.

Huma: Chlo ab kya krna purani baton ko yaad kr ky….     

Atif: Acha main abhi chalta hun kafi dair ho chuki hy mjy…..

Huma: theak hy ……..thanks

Atif: Thanks kis baat ky lye?

Huma: Mujhay sb sy pehly ye baat btany ky lye

Atif: Koi baat nai hum achay dost hain or dosti main No Thanks, No Sorry….....Keep smilling….Bye

          Huma ko is baat ka to boht dukh hota hy ky ab wo bilkul nakam ho chuki hy lekin is baat ki khushi bhi hoti hy ky Atif khush hy or wo kamyab ho gya.Us din ky baad Huma ny college main parhana chor diya or har wakt ghar main hi band rehti or is baat ki wja pouchny pr wo keh dyti ky mere exams shuru honay walay hain or ye baat such bhi thi ky usky imtihan shuru honay walay thay lekin college chornay or ghar sy bahir na niklny ki asal wja kuch or hi thi.

          Usi din Sham ko Atif ny Hira ko call ki….Kuch rasmi baton ky baad is baat ka zikr shuru hoa….

Huma: Ab btao ky wo kya haqeekt thi jo tm ny btani thi….

Atif: Ok dehan sy suno, jb tmhara accident hoa tha to main ny hi tumhain hospital pohnchaya tha or wahan jb tmhain khoon ki zrurt thi to main ny apny sb doston sy maded ky lye poucha lekin jb har tarf sy nakami hoi to main ny akhir’kar apnay khoon ka muaena krwaya, doctors ny btaya ky main tumhain khoon dy skta hun,  toh main ny tmhain bachanay ky lye khoon diya.

Hira: agr tum hi wo shakhs ho jis ny mujhy bachany ky lye khoon diya tha to tum wahan sy chalay kiun gye or tum ny hmaray itni koshish krny ky bavjod bhi hm sy baat kiun nai ki? Or itnay maheno sy main ap sy parh rhi hunt b kiun nai btaya? Tum wo shakhs nai ho sktay…..

Atif: Main ny is lye nai btaya tha kiun ky agr main bta dyta to tum log mere ehsan’mand ho gy or ye baat mjy munasib nai lgi. Agr tumhain ab bhi yakeen nai ho rha to kal main tumhary ghar aa jata hun tumhara bhai to mjy pehchanta hy na…..

Hira: Lekin tum mere ghar kysy aa sktay ho? Main ghar walon ko kya bolun gi?

Atif: Tum apny bhai ko ye baat bolo ky jis ny mujhy Accident wali raat bachaya tha usay main ny dhoondh liya hy or wo ap sy milna chahta hy……..

Hira: Theak hy main bhai sy baat krti hun or phir apko bta dun gi ky bhai ap sy kahan milna chahta hy?

Atif: Theak hy jaisa tum behtr smjho…..

          Kuch dair baad Hira dobara call krti hy or usay btati hy ky aglay din sham ko aik park main milny aa jao…..

          Aglay din sham ko Atif us park main pohnch jata hy jahan Hira ny milny ka bola tha. Kuch dair baad Hira or uska bhai wahan aa jatay hain. Uska bhai Hira ky kuch btany sy pehly hi Atif ko pehchan lyta hy or us sy mil kr kafi khush hota hy. Atif usko ye baat bhi btanay ka sochta hy ky wo hira sy pyar krta hy. Isi doran wo moka dekh kr Hira sy bhi is baat ky baray main mashwra krta hy lekin Hira darr ki wja sy mna kr dyti hy lekin Atif ky kafi israr krny pr wo man jati hy. Atif or Hira akathay Hira ky bhai sy baat krty hain ky wo usay kuch btana chahty hain.

          Wo usay itminan sy apni pehli mulakat sy ly kr akhir tk  sb kuch bataty hain. Wo dono akhir main usky bhai ko saf saf bol dyty hain ky wo shadi krna chahty hain. Uska bhai pehly to inkar krta hy kiun ky wo abhi bhi Atif ky Kirdar ky baray main thoday shak main hota hy lekin kafi sawal krny ky baad akhir wo unki baat man jata hy or unhain is baat ki tasali dyta hy ky wo unky sath hy or unki is mamlay main pori maded kray ga.

          Kuch din baad Hira ka bhai Atif ko call krta hy or btata hy ky us ny apny Father ko kafi had tk mna liya or wo tum sy or tumharay ghar walon sy milna chahty hain is lye tum kal apny ghar walon ko ly kr hmaray ghar aa jao.  Atif usay btata hy ky wo akela rehta hy usky ammi abu fot ho chukay hain or baki rishtay dar dusry mulk main rehty hain or na hi uska koi bhen bhai hy, is lye wo akela hi aye ga.

          Aglay din btaye hoe wakt pr wo Hira ky ghar pohnch jata hy or usky ghar walon sy milta hy. Us sy baat chet kr ky Hira ky Father ko boht khushi hoti hy, unhain Atif ky baat krny ka tarika boht pasand aya. Wo dair tk usky sath batain krty rhay or raat dair tk us sy uski guzishta zindgi ky baray main pouchty rhay. Uski taleem or nokri ky baray main poucha or ghar bar ky baray main poucha. Sb kuch pouchny ky baad wo man gye kiun hy ab wo inkar nai kr sktay thay kiun ky aik maa bap apni beti ky lye jo kuch chahta hy wo sb kuch Atif usay dy skta tha. Atif ny apnay kuch aziz rishtay’daron ko bulaya or shadi ki tyariyan shuru ho gyien.  

          Shadi ky din tk Huma bhi apny University ky Imtihanat sy farig ho chuki thi or ab wo soch rhi thi ky ab usay agay kya krna hy. Ab wo apni tallem pori kr chuki thi. Ab us ky pas 2 rasty thay pehla ye ky wo Phillipines chali jaye apni family ky pas or Dusra rasta ye tha ky wo wahin rhay jahan wo pehly reh rhi hy or koi achi si nokri talash kr ly. Lekin ab yahan rehna usky lye kafi mushkil tha kiun ky yahan usay bar bar is baat ka ehsas hota hy ky wo jis sy pyar krti thi uski shadi usky samnay hoi or uska pyar bilkul nakam ho gya is lye us ny Phillipines janay ka faisla kiya.

          Shadi pr Atif ny Huma ko bhi bulaya lekin wo sirf mehndi or shadi sy pehly ki takreebat main ayi or jis din shadi thi us din wo chupkay sy kisi ko btaye bgair Phillipines chali gyi or janay sy pehly Atif ky lye aik khat apny malik makano ko dy jati hy.

          Shadi ky kuch din baad Huma ky malikmkano sy Atif ki mulakat hoti hy or wo Khat jo Huma ny usky lye likha tha wo usay milta hy. Jis ki ibarat darjzail hy…….

          “Dear Atif! Mujhay maf kr dyna ky main tumhain btaye bgair Phillipines ja rhi hun. Lekin ab mera yahan rehna be’maksid tha kiun ky pehly mere pas 2 wja thien yahan rehny ki. Aik to meri taleem or dusri wja jot um kbhi nai jan skay or wja thay tum. Main tum sy boht pyar krti hun lekin main tumhain hmesha khush dekhna chahti hun is lye tumhain or Hira ko tang kiye bgair tumhain chor kr ja rhi hun. Lekin tumhain kbhi nai bhool skun gi.  

          Mujh main tumhara samna krny ki himmt nai thi is lye janay sy pehly tum sy mil bhi nai ski.Apna or Hira ka khyal rkhna.

              Your Friend and Wel Wisher

                                       Huma”

          Atif ko aj tk is baat ka zra sa bhi ilam nai tha ky Huma us sy itna pyar krti hy or aj ye baat jan kr usay boht dukh hoa.

 Lekin Afsos ……

wo ab kuch bhi nai kr skta tha……….

 

The End

                Author:

Muhammad Bilal K.S