Barsaat

Its a real Love story of someone. Someone's painful life....

Barsaat

Har insan ko koi chez, koi manzar, koi wakt, koi insan behadd pyara hota hy…. Us chez ki khatir insan apni zindgi ka sb kuch lutany ko tyar ho jata, us aik manzr ko dekhnay ky lye uski ankhain tmam umar betab rehti hain, us aik lamhay ky lye insan apni pori zindgi intzar mein guzar dyta hy, isi trah kisi insan ky lye pori duniya ko bhula skta hy…..

Barsaat….. Mere andr ki kafiyat hy, mera intzar, meri ankhon ki justaju hy, meri zindgi meri aabru hy. Mere lye barsaat ka mosam, wo mitti ki methi khushbu, wo thandi hwwa, wo panchiyon ka chehchana, wo bheegay darkhton ky patton sy tapakti barish ki boondain mujhay kudrat ki khubsurti ky itna nazdeek ly jati hain jaisy insan ki saansain usky nazdeek hoti hain.

Main hmeha aisi kahaniyan likhnay ko tarjeeh dyta hun jo kainaat ki khubsurti ko boht kareeb sy, boht gehrai sy insan ki nazron ky samny lati hon, or is ky sath sath un mein boht keemti maloomat or aik gehra sabk ho.

Kuch arsa pehly main Abbottabad ki khubsurat wadi mein rehta tha, meri paidaish bhi wahan ki hy or main ny zindgi ka zyada tr wakt wahan guzara hy is wja sy mere dil mein Abbottabad ka boht gehra mukam hy.

Barsaat ky mosam mein zyada tr logon ki ye hi koshish hoti hy ky wo ghar mein hi simtay rhain lekin mujh mein ye aik alag si adat hy, barsaat ho rhi ho to ghar mein mujhay bechaini si hoti hy, dam ghutnay lgta hy, or khaas tor pr Abbottabad ki kudrti khubsurti barish mein apny arooj ko pohnch jati hy jis ki kashish mujhay apni traf ragib krti hy shyed isi lye main hmesha halki barsaat mein zyada sy zyada wakt ghar sy bahir guzarny ki koshish krta hun.

Aik Shaam barsaat ka mosam tha, nanhi nanhi boondain har cheez ko bhigo rhi thien. Main adat sy majbor ghar sy nikla or sarak ky kinary kinary chalny lga, nanhi nanhi bondain aasman sy gir rhi thien or aik ajeeb an’chhoa sa ehsas paida kr rhi thien. Chaltay chaltay main “LADY GARDEN” park ky nazdeek pohncha, aksar mein park mein dakhil nai hota kiun ky mujhay zyada shor or bheer pasand nai, lekin us din barish ki wja sy park bilkul khali tha to main park mein dakhil hoa or bheegay darakton, podon ki khubsurti ko dekhty hoe chalta ja raha tha.

Kuch dur ja kr meri nazar aik larky pr pri, wo wahan bench pr baitha tha or barish mein bheeg raha tha, 18-19 Saal ka lg raha tha, dikhnay mein kafi handsome or parha likha maloom hoa. Main usky nazdeek sy guzra to main ny us pr thoda goar kiya, uski ankhon mein aik ajeeb sa dard nazr aya mujhay, barsaat mein bhi uski ankhain barrss rhi thien. Phly to main khamoshi sy pas sy guzr gya lekin phir main pta nai kiun achanak chaltay chaltay ruk gya or wapis loat kr usky pas aya….

Main: Tm yahan barish mein kiun bheeg rhay ho?

Anjan Larka: Tum bhi to bheeg rhay ho……

Main: Koi msla ya preshani hy to mujhay btao shyed main tumhari kuch madded kr skun?

Anjan Lakra: Ab tum to kya sari duniya bhi chahy to meri madded nai kr skti…( Ye baat kehty hoe wo khud pr kabu nai rakh paya or uski ankhon mein be-ikhtiyar aansu aa gye)….

Main: (Andr hi andr smjh gya ky isky pechay zrur koi dardnak dastan hy)Kya main jan skta hun ky akhir asal kahani kya hy?

Anjan Larka: Tum kon hotay ho ye baat pouchnay walay or kiun janna chahty ho tum mere bary mein?

Main: Main aik writer hun, or ye baat main ba’khubi smjh chukka hun ky tumhari is halat ky pechay zrur koi dardnak dastan hy, main ye baat janta hun ky jo ho chukka hota hy usay koi bdal nai skta lekin zindgi mein dukh taklifon ko dusron ky sath bant liya jaye to dukh takleef kuch km ho jatay hain, tum mujhay befikr ho kr sb kuch bta skty ho ky tumhary sath kya beeti, or agr tum isay raaz rakhna chaho to tb bhi ye kahani mere pas aik raaz hi rhay gi…

Anjan Larka: Raaz….or aik writer ky pas, kaisi na’mumkin si batain kr rhay ho?

Main: Aik writer hmesha kahani ki talash mein rehta hy lekin aksar aisy mokay bhi atay hain jb uski khamoshi ko koi nai torr skta, tm mj pr pora bhrosa kr skty ho….

Anjan Larka: Theak hy main trust krta hun tm pr….

Main: Acha phr chlo mere sath yahan thand mein bemar ho jao gy, kahin aaram sy baith kr baat krty hain….

Main apny ghar ki traf chal pra, wo mere sath sath chlta raha, mujhay ye baat saf tor pr mehsos ho rhi thi ky wo pori trah hosh mein nai hy. Ghar pohnchny tk barish kafi tez ho chuki thi, ghar pohnch kr main ny usay Angithi ky pas bithaya or usay chaie pilai phr jb wo kuch behtr mehsos krny lga to us ny apni kahani btana shuru ki, usky kehny pr main ny uski ye asal kahani kagaz pr utari, or aj usky kehny pr uski kahani, usi ki zubani ap ki nazr kr raha hun, umeed hy aap is kahani ko parhty hoe khud ko wahan payen gy, usky dukh dard ko smjh skain gy….

Main aik aam sa larka hun. Aik mutwast gharany sy taluk rakhta hun. Na zyada dost na koi dushman. Na kisi sy itni baat chet na kisi sy be’wja taluk. Ye meri zindgi ka pehla aisa wakia hy jis ka mujhay itna dukh hy ky main andr sy pori trah toot chukka hun, or marty dam tk isay bhool nai paon ga…

Main 10^th Class mein tha. Main academies mein kbhi nai parhta lekin 9^th Class mein mere marks umeed sy boht km aye thay, is wja sy main ny acadmy mein parhnay ka socha. Aik Din main School sy wapsi pr kisi acadmy ki talash mein gya. Kafi dair dhoondnay ky bad mjy 2-3 Academies ka pta chala, aik acadmy mein main ny sir sy baat ki ky main class mein students ky sath parhny ki bjaye akela parhna chahta hun kiun ky mujhay akela parhnay mein behtr smjh ati hy, to unhon ny mujhay 2 din bad acadmy bulaya or mujhay aik Sir sy milwaya jinka nam “Jabir” tha wo us wakt Master ky rhay thay, or mujhay fee bta di. Main sirf 2 Subjects parhna chahta tha is lye mujhay fee bhi munasib lgi to main ny next day sy acadmy join kr li. Rozana 3 sy 4 bjy tk meri pehli Class hoti phr sir ko aik or class leni hoti thi is lye mujhay aik ghanta intzar krna parta or phir duari class hoti thi. Sir Jabir ki aik khaas bat ye thi ky wo jo bhi parhaty wo bhoolta nahi tha. Unky parhany ka aik khaas andaz tha, wo jo bhi message dena chahty wo dimagh ki gehrai tk pohncha dyty.

Acadmy join krny ky 20 Din baad Sir ny mujh sy baat ki ky aik or student bhi meri trah bgair class ky alehda parhna chahta hy to agr koi masla nai to usay bhi adjust kr ln? mujhay bhala kisi aik student ky anay sy kya kya msla ho skta tha, blkay aik trah sy mujhay ye behtr lga ky main us ky sath study ky mutalik discuss bhi kr skun ga to main ny Sir ko positive reponse diya.

Main akela student tha is lye main adminstration office mein hi baith jata or Sir waheen mujhay parha dyty. Lekin us din Sir ny kaha ky unhon ny aik chota class room arrange kr liya hy or ab waheen class hoa krya gi.

Next day 4 bjy jb pehli class khatm hony ky bad mein acadmy ky sehn mein dhoop mein baitha test ki tyari kr raha tha ky Acadmy ki Owner Sir mere pas aye or mujhay aik larki sy introduce krwaya or kaha ky ye bhi ab Sir Jabir sy tmhary sath hi prhay gi, Class shuru honay mein 10-15 minute hi baki thay is lye wo bhi waheen nazdekh Chair pr baith gyi.

Dekhnay mein wo kafi khubsurat thi, aik kashish thi us mein jo boht km logon mein hoti hy. Height takreebn mere brabr thi. Us wakt to hm ny sirf nam wgaira poucha or study ky mutalik baat chet hoi. “Huma” nam tha uska. Kuch din sath parhnay ky baad hm kafi frank ho gye lekin uski frankness sirf mujh tk hi mehdod thi, class sy bahir boht attitude wali larki thi wo. Main kbhi kisi larki ky sath khud zyada frank nai hota jb tk wo khud frankness show na kray.

Behrhaal Shuru Shuru mein main Huma ko sirf aik achi friend smjhta tha lekin wakt ky sath sath mujhay us mein kafi interest paida ho gya, or shyed iski wja ye thi ky wo pehly hi sy mujh mein interested thi. Ab shyed ap ye soch rhay hon gy kay aisay khmosh tbiyt insan mein kon si bevqof larki interested thi? To is baat ka jwab ye hy ky main ab wo nahi, jo main tb tha.

November ki baat hy, un dino thand boht zyada thi, or jis wakt hmain chuti hoti thi us wakt andhera chanay lg jata tha. Aksar Huma ky ghar sy koi na koi usay acadmy sy lyny ata tha, kbhi uski ammi, kbhi usky abbu or kbhi uska bhai. Aik Shaam halki halki barish ho rhi thi, mere pas umbrella to thi lekin main ny socha ky kuch dair ruk jaun to behtr hy shyed barish tham jaye,rukny ki wja ye thi ky mera ghar acadmy sy kafi dur tha or ghar pohnchny tk main umbrella mein bhi pora bheeg jata tha. Huma bhi intzar mein thi ky usay koi lyny aye ga lekin raat ky 7:30 bj gye usky ghar sy koi na aya, barish ruk chuki thi pr main Huma ki wja sy wahin baitha raha. Hm dono kafi dair tk usky ghar cell num try kry rhay lekin kisi ny call pick na ki. Jaisy jaisy time guzr raha tha wo kafi preshan ho rhi thi, hmari jan pehchan ky sb teachers bhi ja chuky thay.

Huma: Pta nai aaj main ghar kysy jaun gi? Or ghar pr sb khairyt to hogi na?

Main: (Mazak mein kha ky) main chor aon?

Huma: (Khamosh ho kr ajeeb si nazr sy mujhay dekhnay lg gyi) such mein chor kr ao gy kia?

Main: (Uski baat sy heran tha ky koi larki kisi larky sy kitni bhi frank kiun na ho kbhi aisa nai kehti) Chornay ki to koi problem nai pr tum ny kon sa jana hy mere sath? Aj kal itna trust kon krta hy kisi pr?

Huma: Mere pas ab or koi choise bhi to nai, acadmy bhi band honay wali hy, takreebn sb teachers b ja chuky hain or mere ghar walon ka bhi koi ata pta nai to ab tum pr hi trust krna pray ga…

Main: Wah! Trust kr rhi ho ya ehsan kr rhi ho?

Huma: Mazak kr rhi thi… Chlo ab…

Uska ghar mere ghar ky rasty sy thoda hat kr tha, thand ki wja sy “Silk Route” ky ilawa baki sb roads sunsan pray thay, barish ruki hoi thi pr hwa boht thandi thi. Hm dono aihsta aihsta Silk Route ky kinary kinary batain krty hoe chalty ja thay. Kuch dur janay ky bad hm ny Silk Route ko cross kiya. Usky ghar ka rasta Abbottabad ky aik famous park “Lady Garden” mein sy guzrta tha. Park mein sy guzrty hoe main ny us sy kuch batain kien…

Main: Tum mere sath aa to gyi ho lekin agr kisi ny abi tum sy pouch liya ky main tmhara kya lgta hun to?

Huma: (Hnsnay lg gyi) Jahan koi relation na bn raha ho wahan cousin bana lo… Phir bhi baat na bnay to end pr bhai bna lo…

Main: Ye bhi acha idea hy, waisy aik baat kahun mind to nai kro gi?

Huma: Pehly kbi mind kiya hy jo abi krun gi?

Main: Tumhara mind ulti side pr boht kaam krta hy…

Is baat pr wo boht hansi, phr usny or bhi boht si batain pouchien, jin ka jwab main dy skta tha wo main ny dy dia or jo nai dy skta tha unhain mazak mein tal diya, uski aik baat jo mujhay kbhi nai bholay gi…

Huma: Aik request krun, mano gy?

Main: Itni thand mein tmhain kn si request sojh rhi hy?

Huma: Hansna mat meri request thodi ajeeb hy…

Main: Ab btao bhi kya request hy?

Huma: Ice-Cream khao gy?

Main: Ooops! Sorry main ny galat kaha tha, mjy abi pta chala ky tumhary pas mind hy hi nai, itni thand mein log garm anday khany ki , Chicken soup penay ki request krtay hain or tum Ice-Cream khany ki baat kr rhi ho?

Huma: (Hansty hoe) Har dfa Anday or Chicken Soup hi petay ho, is dfa meri request pr Ice-Cream kha kr dekh lo, bemar hoe to dono hon gy tum akely to nai ho gy…

Main: Chlo theak hy, pr Sardion mein kahan sy milti hy Ice-Cream?

Huma: Ye to main bhi janti hun ky nai milti, main to bs tmhain check kr rhi thi ky meri baat ki kitni kadr krty ho tm?

Main: To kya nateja nikla?

Huma: Tum pass ho, ab chicken Soup hi pi lo mere kehnay pr….

Phir usky ghar sy thoda pehlay aik dukan sy hm ny Chicken soup piya or phir hm chalty chalty usky ghar ky pas pohnch gye, usny btaya ky ye uska ghar hy to main ny pher wapis janay ki ijazat chahi to usny kha ky pehli bar tum mere ghar tk aye ho aj km sy km aik cup tea hi pi jao pleaseee.

Main ny kaha ky kiun beizt krwao gi apny abbu sy? Tea ki bjaye kahin wo mujhay marnay na lg jyen ky kahan ghoom rhay thay tum meri beti ko ly kr? Lekin Huma mannay ko tyar hi na thi. Main ny hazar bahany lgaye, wo chup chaap sunti rhi or phir akhir mein aik hi baat boli, ”Bs itny hi bhany thay?” main ny kaha “han”, To usny kaha ky chlo ab tea pi kr jana…Phir akhir main ny hi haar mani or door bell bjai, mera dil zor zor sy dhak dhak kr raha tha or dil ky andr sy awaz aa rhi thi ky aj Thand mein pitwaye gi mujhy.

Usky Abbu ny darwaza khola, unko dekh kr main smjh gya ky wo Huma ko lyny ky lye ghar sy niklny walay hi thay, unky hath mein umbrella thi or unhon ny rain coat pehna hoa tha. Main khamosh hi raha, Huma ny narazgi ky andaz mein poucha Abbu aj ap mjy lyny kiun nai aye pta hy main kitni tension mein thi? Usky abbu ny kaha ky Shahzaib (Huma ka bhai) ki tbiyt achanak boht kharab ho gyi thi to hm usay hospital ly kr gye thay, or Mobile bhi ghar pr bhool gye thay, abi wapis aye hain to main tumhain lyny ky lye niklnay hi wala tha, main ny socha ky tum wahin intzar kr rahi hogi.

Huma ny phir apny abbu sy bhai ky baray mein poucha, usky abbu ny kaha ky ab wo thek hy phir Huma ny mera Intoduction krwaya, usky Abbu mujhay pehly bhi thoda boht janty thay kiun ky kafi dfa Acadmy mein jb wo Huma ko lyny atay thay to mulakat ho jati thi.

Phir usky Abbu ny mjy andr bulaya, lekin main ny kaha ky Uncle main chalta hun abi phir kbhi chakr lga to aon ga, lekin phir Huma bol pri ky abhi main ny itna dimagh khapa kr 1 Cup tea ky lye tmhain mnaya tha or abhi Abbu ko dekh kr mukr gye?

Usky Abbu bhi uski baat pr hnsnay lg gye or kaha ky itni thand mein tum isay ghar chornay aye ho ab tea pi kr hi jana, tb tk dobara halki halki barish shuru ho gyi to main ny kaha ky thek hy Uncle.

Huma ky chakr mein parny ki wja sy mujhay apny ghar pohnchty pohnchty 9 bj gye, jis ki wja sy mujhay Abbu ki kafi batain sunni prien. Yahan main aik bat btata chalun ky main ny kbhi apny Papa ka kisi bhi mamlay mein trust nai tora lekin is ky bavjod wo hmesha mujh pr shak krtay thay, jaisy agr kbhi school ky kisi test mein mere marks km aatay to mujh pr hmesha aik hi ilzam lgta tha ky tum School sy bunk krty ho gy isi wja sy itny km marks hain. Or 3-4 Dfa main ny apny Class teacher sy bhi ye baat share ki to unhon ny mere Papa ko Call kr ky School bulaya or Meri 9^th & 10^th dono classes ki attandence dikhai or unhain smjhaya ky apka beta meri Class ky best students mein hy, lazmi nai har test mein full marks ayen, ap isay appretiate kiya kijye. Mujhay is baat ka faida ye hoa ky us raat late pohnchny pr jb Papa ny mujhay danta to main ny Papa ko Sir ki wo baat yad dilai to unhon ny is baat ko wahin khatm kr diya.

Phir din-ba-din Huma ka trust mujh pr barhta gya,or uska trust krna darust bhi tha kiun ky meri life ky kuch asool hain or un mein sy aik asool ye hy ky jis ky sath dil sy dosti krta hun usay nibhata bhi hun or larkion ky mamly mein ye baat hy ky kbhi kisi larki ko galt nazar sy nai dekhta na hi kisi ky sath flirt krta hun. Or is baat ka andaza shyed ap bhi kr chuky hon gy. Huma pehli larki thi jo meri life mein ayi or jb tk zinda hun wo usi trah dil mein rhay gi jis trah pehlay din thi. Or aj bhi dil sy uski izzt krta hun.

Behrhaal December ka mahena Shuru hoa to Abbottabad ny apna rang dikhana Shuru kr diya. Takreebn roz hi barish hoti thi or kuch din bad thodi boht barfbari bhi hoti thi. Huma bhi meri trah boht punctual thi or rozana acadmy ati thi. Barish ho ya brafbari.

Winter Camp mein main kbhi kbhar School bhi jata tha friends wgaira ky sath fun krny ky lye, parhai to bs aik bahana hi tha. First period Computer Science ka hoa krta tha, us period mein hum practical ky bhany computers pr games wgaira khel kr timepass kr lyty thay or first period mein attendance lgwa kr School ki diwar phalang kr bhag jaty thay.

Aik din main isi trah school sy bhag kr friends ko see off kr ky wapis ghar ja raha tha ky rasty mein meri mulakat Huma ky Abbu sy hoi,

Main: Assalam-o-Alaikum! Uncle kya haal hy ap ka?

Uncle: Waalaikum Salam! Boht jaldi chuti ho gyi School sy tumhain?

Main: Uncle asal mein baat ye hy ky Winter Camp mein koi parhai to hoti nai, First period mein hi zyada tr student bhag jatay hain or phir baki bachay thoday sy students ki class koi teacher nai lyta, is lye main bhi aksar ghar chala jata hun…

Uncle: Achi baat hy yahan time zaya krny ki bjaye ghar mein zyada behtr tyari ho skti hy

Main: Jee uncle bilkul…

Uncle: Acha main Huma ky mutalik tum sy kuch baat krna chahta tha…

Main: Huma ky mutalik? Jee uncle boliye….(main isi soch mein tha ky aisi kya bat hy Huma ky mutalik jo ye mujhay btana chaty hain)

Uncle: Beta baat ye hy ky Huma aam larkion jaisi nai hy uska attitude tmhain us din dusri girls sy zra mukhtalif mehsos hoa hoga…

Main: Uncle main kbhi larkion ky chakkr mein pra hi nai is lye mujhay nai pta ky normal girls ka kia attitude hota hy or Huma ka attitude different hy ya nai…

Uncle: Chlo ye or bhi behtr hy lekin main tumsy ye kehna chahta tha ky Huma ko hm ny kbhi kisi sy itna freely baat krty nai dekha, kiun ky wo kisi pr trust nai krti isi wja sy main apni beti pr pori trah trust krta hun, or mujhay maloom hy ky wo kbhi mera sir necha nai honay dy gi, aj tk usny kbhi kisi sy pr trust nai kiya, wo pori raat wahin acadmy mein baithi mera intzar krti rehti lekin kisi ky sath na ati, tm pehly insan ho jis pr us ny meri nazr mein trust kiya, Usny tum pr trust kiya or main ny us pr trust kiya, tum kbhi uska trust mt torna, I hope tm smjh skty ho…

Main: Don’t worry uncle we are just friends or ap mujh pr pori trah trust kr sktay hain, main ny kbhi kisi larki ko galt nazr sy nai dekha kiun ky mera manna hy ky jo kisi ky sath kuch galat krta hy zmana usky sath galt krta hy…

Uncle: (Hansty hoe) Smjhdar lgty ho, trust kiya ja skta hy tum pr…

Us wakt mujhay us ky Abbu ki ye baat ky Huma ka attitude zra different hy kuch itni jmmi nai lekin aj mujhay yakeen ho chala hy ky wo thek kehty thay, Huma ka Attitude such mein aam larkion sy different tha, wo jiss ky sath frank ho kr baat krti us ky sath aisy baat krti jaisy usay boht arsa sy janti hy lekin aam logon ky sath uska behavior boht rude tha, jaisa ky aksar shreef larkian krti hain.

Behrhaal January ki 10-11 tarikh ki baat hy, 2-3 din sy lgatar barish ho rhi thi, thand bhi zoron pr thi, is wja sy barfbari shuru ho gyi, hm dono mamool ky mutabik acadmy pohnch gye 3 bjy, takreebn adhy ghanty baad Sir Jabir ky ghar sy phone aya ky thand ki wja sy unko boht bukhar hy or aj wo parhany nai aa skty.

Barfbari bhi kafi zor pkr gyi thi to Huma ny kaha ky chlo ghar chalty hain, main ny kaha thek hy or hm barfbari mein hi chal pray, wo din meri zindgi ka sb sy pyara or behtreen din tha.

Lady garden mein hm ny pohnch kr dekha ky wahan barf ki wja sy boht pyara manzr tha. Unchay unchay chinaar ky darakhton ky patton pr baraf jmma thi. Hm ny wahan boht si pics bhi khainchien, or boht time wahan ghoomnay mein guzara. Wahan aik boht dilchasp wakia bhi runma hoa jo main ap logon ko btana chahun ga, jb park mein dakhil hoe to main ny Huma sy kaha ky dehan sy chalna barf pr phisal kr gir na jana, usny kaha ky main bafr pr phisal kr kbhi nai giri, main ny kaha chlo phir bhi dehan sy chalna, thodi dur ja kr zra dehlwan pr khari ho kr pic bnwany lgi to uska paon slip ho gya or wo bafr pr giri khud bhi hans hans kr pagal ho rhi thi, or main bhi khara us pr hanss raha tha. Phir usko main ny uthaya or hum ny bazaar sy guzrty hoe garm garm Burger khaye or phir usky ghar ky pas pohnchay…

Main: Lo aa gya tmhara ghar ab main chalta hun…

Huma: Boht jaldi hy?

Main: Nai, jaldi to koi nai bs youn hi zra thand lg rhi hy…

Huma: Acha tmhari birthday isi month hy na 18 ko?

Main: Han, kiun? Paisy kharch krny wali ho kya?

Huma: (Hansty hoe) Itni kanjoos to nai jitni tm bna rhay ho mjy…

Main: Shakl sy to kanjoos hi lagti ho… acha choro is baat ko, tm btao kya keh rhi thi…

Huma: Tumhari birthday pr tumhain main aik boht pyari cheez bna kr gift krun gi lekin please wo kisi ko mt dikhana…

Main: Aisi kya khatrnak cheez gift kro gi?

Huma: Bs krun gi naa tum abhi na poucho…

Main: Chlo nai pouchta…ab main chalta hun, apna khyal rakhna…

Us din wo had sy zyada khusbsurat lg rhi thi, uski bikhri hoi zulfon mein barf ky choty chotay chamakdar zrray aisy lg rhay thay jaisy raat ki tariki mein aasman pr sitary chamak rhay hon, or usky chehry pr aik ajeeb si muskan thi. Usky baad usny mujhay aik baar hasrat bhari nigah sy dekha or apnay ghar ki traf chali gyi… Main duniya ki har cheez bhula skta hun lekin uski wo aik pyar bhari nazr nai…

Aglay din main 3 bjy acadmy pohncha to wo pohnchi nai thi jb ky wo aksar mujh sy pehly hi pohnch jaya krti thi, Sir ny parhany sy pehly kaha ky Huma sy pta kr lo ky us ny ana hy ya nai? Sir ko hmari friendship ka pta tha or ye bhi pta tha ky hmary pas aik dusray ky numbers bhi hain. Main ny Huma ko call ki lekin uska num off tha. Phir sir ny parhana shuru kr diya, us din wo acadmy nai ayi lekin main ny is baat ko itna serious nai, har insan ki kuch majboriya hoti hain or shyed uski koi majbori ho jiski wja sy wo na ayi ho, 2sry din bhi wo acadmy nai ayi, isi trah 2-3 Din guzr gye main roz sochta ky usky ghar ja kr pta kr ky aon lekin phir ye soch kr chup kr jata ky kahin usky ghar walon ko bura na lgay. Akhir 18 January ka din aa gya yani meri birthday. Us din Sir ny btaya ky Huma ky ghar sy phone aya tha ky ab wo acadmy nai aye gi, to us din main himat kr ky usky ghar gya, doorbell bjai to usky Bhai Shahzaib ny darwaza khola or mere kuch bolnay sy pehly hi us ny kaha ky andr ao. Main andr gya to usky abbu sy baat hoi un sy main ny poucha ky Huma ny achanak acadmy ana kiun chor diya sb khairyt to hy? Tb unhon ny kaha ky beta shyed tmhain abhi asliyat ka pta nai chala, agr tum sunnay ki himmt rakhty ho to bta dyta hun warna tum aisy hi chlay jao to tmhary lye zyada behtr rhay ga, main ny kaha Uncle btaiye to sahi ky akhir baat kya hy? Ye sun kr unki ankhon mein ansu aa gye or unhon ny kaha ky Huma ab is duniya mein nai rahi, 12 January ko School sy wapis atay hoe uska accident ho gya or usi din sham ko wo hospital mein chal bsi…ye sun kr mere paon ky nechay sy jaisy zameen hi nikl gyi kuch dair tk to mujhay kuch hosh na raha, mujhay lg raha tha jaisy main ye koi khwab dekh raha hun ye hakeekt nai hy. Meri duniya aik jhatkay mein viran ho gyi thi. Mujhay usky abbu usky kamray mein ly gye wahan meri aik aik chez jomain ny usay di thi wo smbhal kr showcase mein rakhi hoi thien. Boht pyara sa aik gift bhi pack kr ky rakha hoa tha or us pr likha tha “Just for Shadow”. main ny wo gift uthaya or usay dekhnay lg gya, main boht mushkil sy apny aansuon ko rokay hoe tha, dimagh sunn tha or jism be’jan, usky abbu ny poucha ky ye “Shadow” kon hy kya tum jantay ho isay? Agr janty ho to btao main ye us tk pohncha dun, main ny unhain jawab diya ky main hi Shadow hun, ap shyed mere is nam sy wakif nai hain.

Phir jb main ny wo gift khola to usay dekh kr main khud ko smbhal nai paya us ky andr aik inthai khubsurt maches ki tilion or kaanch ky chotay chotay tukron ko jor kr 3D mein likha hoa tha “Shadow” or us ki wooden base pr chotay chotay motiyon sy likha tha, “Love you more than everything in this world”. Us jaisa khubsurat gift kbhi zindgi mein main ny nai dekha kiun ky us mein sifr mehnat or Skills nai thien blkay Huma ka beshumar pyar tha.

Barish ki bheegi yadon mein phir koi suhani yad ayi

Kuch apna zaman yad aya, kuch teri yad ayi

Iqrar kiya that um ny bhi ky tum ko hum sy mohabbat hy

Lo baithay bithaye humko wo porani baat yad ayi

Hum bhool chukay thay kay kis ny hmain duniya mein akela chor diya

Jb goar kiya to aik surat jani pehchani yad ayi

Kuch paon kay chaly, kuch aansu, Sapny or tanhai

Us bichray hoe hamrahi ki har aik nishani yad ayi

Main wo gift hath mein uthaye ye soch raha tha ky main aj tk usay ye baat nai keh ska ky main tum sy pyar krta hun lekin usny jatay jatay mujhay wo baat keh di jisay main marr kr bhi bhula nai paon ga.

Aj bhi tanhai mein mehfil mein, khushi mein gami mein, andheray mein ujalay mein har jga uski yad mere sath rehti hy, kiun ky insan marta hy lekin uska pyar kbhi nai marta….

Toh ye thi uski dukh bhari dastan, umeed hy ap uski halat ka andaza kr sktay hon gy, zindgi ny usky sath jo kiya us ko bhulana mushkil hy.Wakt ky sath sath zakhm bhar jatay hain lekin muhabat jaisa ye zakhm bharny ky baad bhi apna nishan chor jata hy.

Barish ki ik ik Boondh ki mannind

Ik din ankhon ka ye aasman roya tha

Raat bhar teri yaad mein

ye dil kbhi jaga kbhi soya tha

Wakat ki tez raftaar mein

Tujhay paya tujhay khoya tha

Teri muhabbat ki yaad mein

Mehfil mein bhi ye shakhs roya tha